Joshua 1:7 - KITABU KITAKATIFU

⁷ Ove vuzwa mugulu, ove muluviliri; kandi olole ndi uhuliraa nu kugumira lilaga liosi liu mutumikiri wange Musa yahaana ku ivi. Utaleka kedonye choosi chalio mba, na ivi ulaguuta vulahi hoosi aha uzia.

Joshua 1:7 Iomraidhean Croise

1 Avami 2:2

“Ing'inga yange yu kukuza yisundi himbi. Kunangwa ove wizingulu, welolekizi kuva mundu musaza,

1 Avami 2:3

na okole icha Yahova Nyasaye woovo akulagaa okole. Uhuliri malago geege goosi, ni miima jije, nilikalaga lilie liosi, kuli gang'odwa mu Lilaga lia Musa; kunangwa hoosi ha uzia uduuki kugasizwa mu viosi via okola.

2 Avami 22:2

Josia yakola agaali malungi mu zimoni zia Yahova, kandi yagenda mu zinzira ziosi zia guuga weve mwami Daudi, vugira kugirung'ana halovega ku mukono mulungi kinga mumosi.

1 Kyetsinyinga 22:13

Niiva ulahulira malago goosi ga Yahova yaaha Musa kigira Isiraeli, ulagasizwa ligali. Uguluhi ove wi zinguru kandi muluviliri. Utatia mba kandi utahenda mwoyo mba.

2 Kyetsinyinga 15:7

Navuzwa muve avaluviriri na mutava avadedekere mba. Mulanyola amadanyi ku miyinzi jia mukora.”

2 Kyetsinyinga 26:5

Yiviika umwene kwenyeleriza Nyasaye ligali, mu madiku ga Zakaria yaali mwoyo, uwaali mugerihizi weve wi dini mu liitia Nyasaye; na kolohoono lwa yenya Yahova, Nyasaye yamugasiza.

Ayubu 1:8

Yahova yamuteeva, “Ukaloli ku mutumikiri wange Ayubu? Sihali ho nu mundu kali mulala mu kivala oveeye vugira imbara kandi mulungi kuli oyo mba. Atizaa inzi kandi yeleha kutura ku likora vudamanu.”

Zaburi 80:19

O, Yahova Nyasaye Wuvunyali, yaanza ukwiranyie. Maku okoveere zimbavasi, na kunyi kulahonywa.

Tsing'ano 4:27

Welehe kuvudamanu kandi ogende vulungi. Utazia kika kilala ichova winzira inungi mba.

Tsing'ano 8:20

Ng'endaa kunzira yu vulungi; nondaa zinzira ziageligali.

Danyeli 10:19

Yavoola, “Nyasaye yakuyaanza, ku lwayago utaleka kindu choosi kikuhendizi mwoyo anoho kikutiihizi mba.” Lwa yaali ni yakavoola yaga, ndanyoora nzingulu kandi ni mboraa, “Mwami wange, moloma na inzi kigira ombeeye zinguru.”

Livalidza 27:23

Musa yavika makono geege ku mutwi gwa Joshua namulandiza kuvugura ovogono vwivwe kuli mwimiliri wa vandu va Isiraeli, kuli Yahova yaali naamulagi.

Kwidzulitsa 11:8

“Muhuliri malago goosi ga inzi mali kuhaana ku munyi kalunu. Maku mulambuka mugera gwa Jorodani nukuvugula kivala cha muveeye ahimbi kwingira mu.

Kwidzulitsa 12:32

“Mukore goosi aga mali kumulaga; mutameeda kindu choosi kugo anoho kutuliza ku kindu choosi mba.

Kwidzulitsa 28:14

Navuzwa sigamuduukira muvuli kugalonda munzira yoosi, anoho musigamiri kandi mutumikiri avanyasaye vandi mba.

Kwidzulitsa 29:8

Kwavugula kivala chavo, nikugavulira vandu avihiiri ya Rubeni, Gadi ni inusu yihiiri ya Manase.

Kwidzulitsa 29:9

Muhuliri nu vusuuvirifu vwosi amakuva goosi gi lilagana yili kunangwa muduuki kugasizwa mu vindu viosi via mukora.

Kwidzulitsa 31:7

Kunangwa Musa yalanga Joshua namuvolera imbiri wa avandu va Isiraeli vosi, “Ove mugulu kandi muluviliri, kigira ivi niyie wimilira avandu yava kwingira mu kivala cha yasuuviriza avaguuga vaavo.

Kwidzulitsa 4:2

Mutameeda kindu choosi ku makuva ga inzi mulagaa kandi mutatulizi ku kindu choosi mba. Mugumiri malago ga Yahova Nyasaye winyu, aga inzi mali kumuha.

Kwidzulitsa 5:32

“Avandu va Isiraeli, mugelihi mulindi mukore goosi aga Yahova Nyasaye winyu amali kumulaga. Mutavula kuhulira lilago liosi ku malago geege mba.

Joshua 1:1

Inyima wi likuza lia Musa, umutumikiri wa Yahova, Yahova yamoloma ku Joshua, muyaayi wa Nuni mukonyeleri wa Musa.

Joshua 1:8

Olole ndi kitabu chi Lilaga yiki kesomwaa kazozo mu lisigamira liilio. Okesome mbasu nuvudiku, kandi olole ndi olondaa nukugumira vindu viosi iviang'odwa mucho. Maku yaho ulava nilizizagilira imbiri ligali kandi ulagasizwa.

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Joshua 11:15

Yahova yaali nahaani malago geege ku mutumikiri weve Musa, Musa naye yaali nagahaani ku Joshua, na Joshua naye yagalonda. Yakola kindu choosi cha Yahova yaali nalagi Musa.

Joshua 23:6

Kunangwa muve avagulu kuhulira kandi kokora goosi aga Musa yang'oda mu kitabu chiche chi Lilaga. Mutagirung'ana nokoleka likora lilago kali lilala mba,