Jona 4:9 - KITABU KITAKATIFU

⁹ Navuzwa Nyasaye yavolera Jona, “Oveeye na kivuni ki ivi usinyiki kigira kitagwa?” Jona yativura, “Ndio, kuduuka sinyiki; mbeeye nuvunyari vwosi kusinyika kali kuduuka ku likuza!”

Jona 4:9 Iomraidhean Croise

1 Avami 21:4

Ahabu yazia yengo, nakuzi mwoyo kandi naasinyiki kigira likuva lia Nabozi yaali namuvooleye. Yagona ku kidali chiche, nahenzi mwidigi, kandi siyaali anyala kulia mba.

Ayubu 18:4

Ivi wisalirizaa mwene mu vutima vuvwo, usuviraa lirova liralekwa kigira uvutima vuvwo? Uganaganaa Nyasaye alatuzaho ivigulu mu vogono vwavio ukwigutiza lienya liilio? Yee, anoho lwanda kutulizwa mu vogono vwalwo?

Ayubu 36:18

Ohenze vulahi kandi ogelihi, utaleka iviambeti vikugaade, anoho utaleka uvutugi vukuchaminyi mba.

Ayubu 5:2

Uvutima vululu vwitaa musiru, kandi embodoka yitaa avayingu.

Jona 4:1

Zimbavasi zia Nyasaye ku Nineve ziavereriza nukusinyikiza Jona ligali.

Jona 4:10

Yahova yamuvolera, “Ivi overereraa kitagwa cha wavula kokora ku muyinzi kali mulala, kandi kokekola kiviruki. Kitagwa yiki chaviruka vudiku vulala, kandi chaniala vudiku vwalonda ku.

Jona 4:8

Lwiliuva liatura, Nyasaye yatuma imbuza yivugwi isambaa. Liuva liasamba ku mutwi gwa Jona naye yaali ahimbi kukinda. Yegomba likuza navoora, “Nivulahi inzi nguzi kuvita kuva mwoyo.”

Matayo 26:38

navavoolera “Mbeeye no vovereri ovonene ligali mu mwoyo gwange, kali kuduuka ku likuza. Mwikale hano mulindi harara ninzi.”

2 Vakorintho 7:10

Vovereri vwa Nyasaye voletaa lieganira liu mwoyo kuduuka kovohonyi, navuzwa sivoleetaa liverera mba! Navuzwa ovovereri vwu mundu, voleta ilikuza.

Likunula 9:6

mu ing'inga yi mieli jitano yijo avandu valeegomba likuza, navuzwa sivalalinyoola mba. Valeegomba vakuzi navuzwa likuza liliruka kutura kuvo.

Vakalagi 16:16

Delila yamenya namuteeva vuli lidiku. Samusoni yamanya naaluhilira mang'ana gu mukali uyu, kali umwoyo gwigwe nigulwala kuduuka navolera Delila agiligali.