Jona 4:8 - KITABU KITAKATIFU

⁸ Lwiliuva liatura, Nyasaye yatuma imbuza yivugwi isambaa. Liuva liasamba ku mutwi gwa Jona naye yaali ahimbi kukinda. Yegomba likuza navoora, “Nivulahi inzi nguzi kuvita kuva mwoyo.”

Jona 4:8 Iomraidhean Croise

Litanga 41:6

Inyima wa yivi, yalora kandi viangala saba viu vuswage ni vimeli. Viene yivi viali ving'erere vie imbuza yi kivi kutura ivugwi yaali ninializi.

1 Avami 19:4

Elija yagenda logendo lwi lilala liosi kuduuka mwigendanyama. Yazia niyikara hasi mu chiriri chumusaala kandi yegomba akuzi. Yasaala navoora, “Gaduuki, O, Yahova. Vugula livamwoyo liange. Vwakaveeye vulahi inzi nguzi.”

1 Avami 21:4

Ahabu yazia yengo, nakuzi mwoyo kandi naasinyiki kigira likuva lia Nabozi yaali namuvooleye. Yagona ku kidali chiche, nahenzi mwidigi, kandi siyaali anyala kulia mba.

Ayubu 2:10

Ayubu yativulira mukali weve ndi, “Ivi omoloma kuli mulala ku vakali avasiru. Lwa Nyasaye ahaanaa vugasu ku kunyi, kuhaana lisandiza ni lizominya kuye, na chakaveeye ki kutange kwililira lwa aleetaa vudinyu ku kunyi?” Mu vudinyu nu vusaliri vwosi vwa Ayubu, siyavoola kindu kidamanu imbiri wa Nyasaye mba.

Ayubu 7:15

Ndakayanzi kumigwa nu kukuza, kuvita komenya mu muviri yigu ugwizuyi uvuzunu no vovereri.

Zaburi 121:6

Liuva sililakusaliriza ing'inga yu mbasu mba, anoho mweli ing'inga yu vudiku.

Zaburi 39:9

Inzi ndakiring'ana machiriri, kandi si ndavoora likuva kali lilala mba, kigira ni ivi wagira ninyoola vusaliri kuli yivu.

Kohelethu 7:9

Utava nu vutima vwa vwangu mba, kigira mundu musiru vutima.

Lwimbu lwa Solomoni 1:6

Utanjaya kigira ligodo liange mba, mbeeye mumwamu kigira liuva liasamba ligodo liu muviri gwange. Avavozo vange vaali nu vutima ninzi kandi nivangola kuyinzira mu milimi ji mizabibu. Sindaali mu vwiyangu vwu kuyinzira mu kizabibu change mba.

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Ezekieli 19:12

Navuzwa gwamanya nigwifwa muvutima vululu, kandi nigusiuvwa ku marova. Imbuza yi kivi yi Ivugwi yuminya makuyu gagwo. Zisia ziagwo ziavunanywa; ziamanya niziuma kandi nizisambwa.

Hosea 13:15

Kali niiva avandu va Isiraeli valazizagilira kuviruka kuli indiva, ndatuma imbuza yikivi kutura Ivugwi mu changalangwe, na iluminya visenukiru via mazi kandi vidaho viavo. Ilatulizaho ivindu viavo viosi viuvuguli.

Kyavalevi 10:3

Maku, Musa yavolera Haruni, “Yiki nicho kindu cha Yahova yamoloma ku lwa yavoola, avandu vosi vandumikira, kuduuka vahane luyali ku vutakatifu vwange; inzi indavuula vukumi vwange ku avandu vange!” Navuzwa Haruni yachiring'ana.

Jona 1:17

Ku lilaga lia Yahova, isuzi enene yaamira Jona, kandi yaali mundu mwisuzi ku madiku gavaga, mbasu nuvudiku.

Jona 1:4

Navuzwa Yahova yatuma kihuzuzi kenene kunyanza, kandi chahuuza ninduuta enene ligali, kali iliato liali ahimbi kuvunanywa.

Jona 4:3

Kunangwa O, Yahova, ngogonya oleke inzi nguzi nivulahi inzi nguzi kuvita kuva mwoyo.”

Jona 4:9

Navuzwa Nyasaye yavolera Jona, “Oveeye na kivuni ki ivi usinyiki kigira kitagwa?” Jona yativura, “Ndio, kuduuka sinyiki; mbeeye nuvunyari vwosi kusinyika kali kuduuka ku likuza!”

Matayo 20:12

ni vavoola, ‘Avandu vasamuyi inyima yava vakoli miyinzi ku isa ndala vuzwa. Kigira ki koheveywi mutungu mulala navo, na kunyi kwikuziyi ku mbasu mululu lidiku liosi ni kuyinzira?’

Likunula 3:19

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.

Likunula 7:16

Sivalilola inzara kandi mba. Kandi sivaliva nu uvuluhu mba. Iliuva sililavasaamba anoho uluuya Iwosi mba.

1 Samweli 3:18

Kunangwa Samweli yamuvolera vindu viosi. Siyavisa ku kindu kali kilala mba. Eli yavoola, “Aveeye Yahova; kandi alakola choosi ekelolekaa kuva kilahi kuye.”