Jona 4:2 - KITABU KITAKATIFU

² Kunangwa yasaala ku Yahova navoora, “O, Yahova, sindavoola ningikiri kutura yengo ndi, yiki nicho icha umanya okole vuzwa? Yicho nicho chagira ningora zinguru ziosi ukwirukira mu kivala cha Tarishishi. Ndaamanya vulahi ndi, ivi oveeye Nyasaye wuvuyanzi, kandi wizimbavasi, umwikuziri ku vutima, kandi umwetegeke kugirung'ana muziganagani, kandi kuvula kuhaana mageri.

Jona 4:2 Iomraidhean Croise

1 Avami 19:4

Elija yagenda logendo lwi lilala liosi kuduuka mwigendanyama. Yazia niyikara hasi mu chiriri chumusaala kandi yegomba akuzi. Yasaala navoora, “Gaduuki, O, Yahova. Vugula livamwoyo liange. Vwakaveeye vulahi inzi nguzi.”

Zaburi 103:8

Yahova aveeye wi livererera kandi wu vuyanzi, aveeye wa galaha kuva nu vutima, navuzwa yayizula uvuyanzi vutaveeye ne keheri.

Zaburi 145:8

Yahova aveeye wu vuyanzi kandi wizura zimbavasi. Aveeye wa galaha ku vutima kandi aveeye wu vuyanzi vutaveeye ne keheri.

Zaburi 78:38

Navuzwa Nyasaye yavererela avandu veve ligali. Yavasamiha uvwoni vwavo kandi siyavadiviza mba. Zing'inga zinyingi yigalira uvutima vwivwe vuvuli kutura, kandi siyaleka uvululu vwivwe vwosi vuduuki kuvo mba.

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Zaburi 90:13

Uvutima vuvwo vulahindira kuduuka ng'inga ki? O, Yahova, overerere avatumikiri vovo.

Kutwula 32:14

Kunangwa Yahova yaagirung'anyia zing'anagani zizie, siyaleeta ku avandu veve kivi cha yaali navooye mba.

Jeremia 18:8

navuzwa ihiiri yeyo igirung'ane kutura kuvudamanu vwayo, inzi sindakola agandavoola ndakakole mba.

Jeremia 20:7

O, Yahova, ivi wangada, na inzi ndaahulira. Ivi oveeye ni zinguru kuvita inzi, kandi umali kunguuta. Vuli mundu yasekeriza, vaangolera kehenyahenye vuli lidiku liosi.

Jeremia 26:13

Gamuduukira mugirung'anyie liamumenya liinyu kandi nivindu viamukoraa, kandi kuduuka mutie Yahova Nyasaye winyu. Niiva mwahulira, alagirung'anyia zing'anagani zizie ziukumudiviza kuli yavoola alakola.

Jeremia 42:10

‘Niiva mulazizagilira komenya mukivala yiki, hene yaho, ndamunenehiza kandi si ndamugehiza mba; ndamuhonyia kandi si ndamudiviza mba. Lidiviza lia ndaaleeta kumunyi limali kongola kuva novovereri vonene ligali.

Amosi 7:3

Yahova yagirung'anyia zing'anagani zizie navoora, “Agololi sigalakoleka mba.”

Amosi 7:6

Yahova Nyasaye Wuvunyali yaagirung'anyia zing'anagani zizie navoora, “Yaga sigalekoleka kandi mba.”

Jona 1:3

Navuzwa Jona yiruka kutura ku Yahova nazia Tarishishi. Yasulunguta kuzia Jopa, uwa yanyoora iliato iliali nilizizaa Tarishishi. Yahaana mitungu jije ma naniina harara na vavinziri yu muliato yilio kuzia Tarishishi, niyiruka kutura ku Yahova.

Jona 3:10

Nyasaye yalora icha vakora. Yalora ndi vamali kuleka miima jaavo midamanu. Kunangwa yagilung'anyia zing'anagani zizie, kandi siyamanya nahaana mageri kuvo kuli yaali navatihiizi mba.

Jona 3:9

Hawundi Nyasaye alagirung'anyia zing'anagani zizie. Hawundi alalekela uvutima, na kunyi kulavula kukuza!”

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Luka 10:29

Navuzwa mwigizi wi Lilaga oyo, yenya kwisuuviriza ndi oveeye mulungi, yateeva Yeso, “Nivwaha oveeye mutende wange?”

Kwidzulitsa 4:31

Aveeye Nyasaye wiliverererwa. Sialamuleka anoho kumudiviza, kandi sia alivilira lilagana lia oyo umwene yalomba na avaguuga vinyu ku liesuuha mba.