Jona 3:9 - KITABU KITAKATIFU

⁹ Hawundi Nyasaye alagirung'anyia zing'anagani zizie. Hawundi alalekela uvutima, na kunyi kulavula kukuza!”

Jona 3:9 Iomraidhean Croise

2 Samweli 12:22

Daudi yativura, “Yee, ndaahonga lilia nukulira lwu mwana yaali nakikiri mwoyo. Ndaaganagana ndi hawundi Yahova alambera zimbavasi, ma avuli koleka mwana akuzi.

Zaburi 106:45

Yahova yizuliza lilagana lilie lia yalomba navo. Yaavaverera kigira uvunyingi vwu vuyanzi vwivwe vutaveeye ne keheri.

Zaburi 85:3

Ivi umali kolekera kuva nu vutima navo, kandi umali kwigalira uvutima vuvwo vululu.

Zaburi 90:13

Uvutima vuvwo vulahindira kuduuka ng'inga ki? O, Yahova, overerere avatumikiri vovo.

Jeremia 26:13

Gamuduukira mugirung'anyie liamumenya liinyu kandi nivindu viamukoraa, kandi kuduuka mutie Yahova Nyasaye winyu. Niiva mwahulira, alagirung'anyia zing'anagani zizie ziukumudiviza kuli yavoola alakola.

Danyeli 4:27

Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Amosi 5:15

Mudunyili uvudamanu, na muyanze agaveeye malungi, na mulole ndi likalaga lirungi likoleywe mu viyaalo. Hawundi Yahova Nyasaye Wanyala Viosi alaveera avandu veve Isiraeli zimbavasi avatigara mwoyo.

Jona 1:15

Maku vavugura Jona nivamusiuva munyanza, kandi inyanza yalengera lwene yilwo.

Jona 1:6

Kunangwa, munene wi iliato yamunyola yo namuvolera, “Okolaa ki, Ogonaa? Vuka, waniri nyasaye woovo mbula yakokonya. Hawundi alakovererera ma akohonyie, kuvuli kudiva.”

Jona 4:2

Kunangwa yasaala ku Yahova navoora, “O, Yahova, sindavoola ningikiri kutura yengo ndi, yiki nicho icha umanya okole vuzwa? Yicho nicho chagira ningora zinguru ziosi ukwirukira mu kivala cha Tarishishi. Ndaamanya vulahi ndi, ivi oveeye Nyasaye wuvuyanzi, kandi wizimbavasi, umwikuziri ku vutima, kandi umwetegeke kugirung'ana muziganagani, kandi kuvula kuhaana mageri.

Zefania 2:3

Mwilane ku Yahova, munyi avandu vosi vegehiza mu kivala, avatizaa malago geege. Mukore agaveeye amalungi kandi mwegehizi aveene imbiri wa Yahova. Hawundi mulahononoka kutura ku linyola mageri lidiku lia Yahova amanyia vutima vwivwe.

1 Samweli 6:5

Kuduuka mulombe vifananyi via miihi ginyu kandi vivundu viononyiaa kivala chienyu, kandi kuduuka muhaane luyali ku Nyasaye wa Isiraeli. Hawundi alalekera kuha munyi amageri, avanyasaye vinyu ni kivala chiinyu.