Jona 2:7 - KITABU KITAKATIFU

⁷ Lwi livamwoyo liange liali nilitura mu inzi, ndasaara ku ivi, O, Yahova, kandi ivi wahulira lisaala liange, mu litembeli liilio litakatifu.

Jona 2:7 Iomraidhean Croise

2 Kyetsinyinga 30:27

Vasaalisi na vandu va Levi vateevera avandu vugasu ku Yahova. Naveeye yengo weve mwigulu, Yahova yahulira lisaala liavo kandi naagavugulira.

Zaburi 11:4

Yahova aveeye mu Litembeli lilie Litakatifu, endeve yeeye yu vwami eveeye mwigulu. Ahenzaa avandu havundu hoosi nukumanya via vakora.

Zaburi 142:3

Lwa inzi mbeeye ahimbi kukuza umwoyo, ivi umanya cha ndukanaa ngole. Avasigu vange vavisi mitego mu zinzira ziange ziangendaa mu.

Zaburi 143:5

Nzizuliza amadiku gakale, ng'anagana ku vindu viosi via ivi walomba, kandi nzizuliza vikolwa vivio viosi.

Zaburi 18:6

Ndaanira Yahova mu vudinyu vwange, ndaalira ku Nyasaye wange yangonye. Yahulira mwoyo gwange mu Litembeli lilie; yahuliriza ku lilira liange kigira ovokonyi.

Zaburi 20:7

Avalala vasuuvira mu magare gaavo gu vulwani na avandi vasuuvira mu zibarasi ziavo, navuzwa kunyi kusuuviraa mu zinguru zia Yahova Nyasaye wiitu.

Zaburi 22:14

Zinguru ziange ziikami kuli amazi gasunduliywi ichova. Vigumba viange viosi viitiguki; mwoyo gwange guuyiinguki kuli ihura isalulukiziywi.

Zaburi 27:13

Inzi mbeeye ni lisuuvira ndi, ndakalole vulahi vwa Yahova, vaveeye mwoyo lwa ngikiri mwoyo.

Zaburi 42:11

Kigira ki mbereraa ligali? Kigira ki ngubizwa ikivi? Inzi ndasuuvira mu Nyasaye kandi ndamwizominya kandi, Muhonyi wange kandi Nyasaye wange.

Zaburi 42:5

Kigira ki mbereraa ligali? Kigira ki ngubizwa kivi? Ndasuuvira mu Nyasaye kandi ndamwizominya, muhonyi wange kandi Nyasaye wange.

Zaburi 43:5

Kigira ki mbereraa ligali? Kigira ki ngubizwa kivi? Inzi ndasuuvira mu Nyasaye kandi ndamwizominya, muhonyi wange kandi Nyasaye wange.

Zaburi 65:4

Vaveeye nuvugasu yavo avaotovolanga, nukuvaleeta vaduuki komenya ahatakatifu hoho. Kunyi kulakigutizwi ni vindu vilahi iviveeye munyumba yooyo, uvugasu vwi Litembeli liilio litakatifu.

Isaya 38:17

Vuliduhu vwu mwoyo gwange vulagilung'ana kuva mirembe, ombonyi kutura mu vuhimwa vwange vwosi; kandi usamihi uvwoni vwange vwosi.

Isaya 50:10

Nivwaha ku munyi wegehizaa ku Yahova, kandi uhuliraa amakuva gu mutumikiri weve? Oyo ogeendaa mu kisundi, kandi utaveeye mu vulavu, navuzwa asuviraa mu lieta lia Yahova, yeredaa ku Nyasaye weve?

Jona 2:4

Ndaganagana ndi ndeveeywe ichova, ihale kutura imbiri wi zimoni zizio; simbeeye olola litembeli liilio litakatifu kandi mba.

Mika 1:2

Muhuliri yaga munyi zihiiri ziosi; hulirizi ku amakuva yaga, vosi avamenyi ku lirova! Yahova Wuvunyali alava mulolekizi ku vindu vidamanu via mwakora. Muhuliri! Yahova amolomaa kutura mu litembeli lilie Litakatifu.

Habakuk 2:20

Yahova aveeye mu Litembeli lilie Litakatifu; gaduukanaa vuli mundu woosi akiring'ane imbiri weve.

Vahebraina 12:3

Muganagane ligali ku ga Yeso yavitira mu; kuli yikuzira ku lihing'ana linene kutura ku vandu voni. Kulwayago mutaluha kandi mutakuzi mioyo jinyu mba.

1 Samweli 30:6

Daudi yaali mu vudinyu vonene ligali kigira vandu veve vahulira vululu kigira vaali nivagotizi avana vaavo, kandi vatihiza nivenya kumulasa na magina; navuzwa Yahova Nyasaye weve yamuha uvuluviliri.