Jona 2:6 - KITABU KITAKATIFU

⁶ Ndiyina musi kuduuka hi vigulu vitangira, mu kivala chi virivwa viacho viahanwa mihiga ni mihiga. Navuzwa ivi O, Yahova Nyasaye wange, waanzilanyia kutura mu vogo nimbeeye mwoyo.

Jona 2:6 Iomraidhean Croise

Ayubu 33:24

Mu livererera, engelosi zana alavoora, “Muvoholore! Sialazia musi mu kivala cha vakuzu mba. Ngugu hano mutungu gwu kumuvoholora.”

Ayubu 33:28

Nyasaye umali kombonyia mburi kudivila mu kilindwa, kandi ndamenya kolola uvulavu.”

Zaburi 104:6

Wakunika lirova na mazi ginyanza kuli inguvu, kandi amazi gakunikaa vigulu.

Zaburi 104:8

Giturukaa kutura mu vigulu gavitira mu mavoona, ma gaazia kuvunga havundu ha wagaloombera.

Zaburi 116:3

Uvuhimwa vwi likuza vwangumbiriza; uvutihizi vwi likuza vwangunika ligali. Uvuti nilihenda mwoyo vizura mu inzi.

Zaburi 143:7

O, Yahova, yaanza undivuliri kalunu ndi! Mali kogotiza lisuuviriza liange liosi. Utiivisa umwene kutura ku inzi mba, gase ndava kuli yavo aviikaa mu kilindwa.

Zaburi 16:10

Kigira ulakinga inzi kutura kuzinguru zie likuza; inzi mali kukutumikira nu vusuuvirifu vwosi, na siulandeka kuva mukihadisi.

Zaburi 18:5

Uvuhimwa vwi likuza vwangumbiriza, na kilindwa chetegeki kumbugura.

Zaburi 30:3

O, Yahova, ivi umali kombonyia kutura mu kihadisi; umali kunziranyira livamwoyo kandi umali kunduliza hagati ha yavo avaziizaa mu kilindwa.

Zaburi 30:9

Ulanyora vukala ki kutura kulikuza liange. Ni vukala ki vwa onyoora kutura ku liitwa liange. Avandu vaakuza vaveeye avanyala kukwizominya? Vaveeye avanyala kulandiza uvulahi vuvwo vutali ne keheri?

Zaburi 55:23

O, Nyasaye, oleete aviiti na avagaadi vazie mu kilindwa imbiri wi inusu yi livamwoyo liavo nilikikiri kuduuka. Navuzwa inzi, ndakusuuvira.

Zaburi 65:6

Ivi usingirizaa vigulu nizinguru zizio. Ivi oveeye nizinguru zinene ligali.

Zaburi 69:2

nziyinaa mu vodohi vwe kedende, kandi sihaveeye ho nahavundu hadinyu ahanyala koseena kerenge change mba. Mali kwiyina mu luliva lwa mazi kandi viguvuli viveeye ahimbi kumbira.

Isaya 38:10

Ndaganagana ndi ndakuza nimbeeye hagati hi mihiga jie limenya liange, nukuzia mu kivala cha vakuzu na mburi komenya kandi.

Isaya 38:17

Vuliduhu vwu mwoyo gwange vulagilung'ana kuva mirembe, ombonyi kutura mu vuhimwa vwange vwosi; kandi usamihi uvwoni vwange vwosi.

Isaya 40:12

Mundu anyala kogera amazi gi inyanza ku luhi lwumukono gwigwe, anoho kogera ligulu namakono geege? Mundu anyala kogera amalova gi kivala mu kekombe, anoho kubima vigulu kandi tugulu mu zikilo?

Ezekieli 26:20

Ndamutuma muzie hasi mu kivala cha vakuzu muvugane harara na vandu vamenya muzing'inga ziakale. Ndamukora mumenye mu kivala chahasi yicho mihiga ni mihiga numuganda gwa vandu vakuzu. Kulwa gene yago si mwaza mumenye mu kivala cha vandu vaveeye mwoyo mba.

Ezekieli 31:14

Kunangwa, kutura kalunu, si gulavaho musaala gwosi, kali gove nigwasamwa vulahi ligali, guliviruka kandi gutambiha ligali kuli musaala yigu mba. Anoho zisia ziagwo sizilakaviruki kuduuka mu malesi kuli yigu mba. Josi jilakakuzi kuli avandu vakuza ma vazia mu kivala cha vakuzu.”

Habakuk 3:10

Vigulu viadegera lwa viakolola; mazi gasunduka kutura mu vwerefu, mazi gafuuma isi wilirova, kandi viguvuli via go viazia igulu ligali.

Habakuk 3:6

Lwa asingilaa, kivala chinuyaa; mulihenza lilie, zihiiri zidegera. Vigulu via kale viatanywa; vigulu vie mihiga ni mihiga lieyinaa hasi, ha yagendaa mu zing'inga zia kale.

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Kwidzulitsa 32:22

Vutima vwange vuladuuka kuvo kuli muliru kandi vulasaamba vindu viosi ku lirova. Vuladuuka isi wikivala vakuzu nu kuhakiza misingi ji vigulu.