Joeli 3:12 - KITABU KITAKATIFU

¹² “Zihiiri kuduuka zietegeke kandi ziizi mulivoona lie likalaga. Hene yaho, inzi Yahova, ndikala nukukalagira zihiiri ziosi ziahimbi.

Joeli 3:12 Iomraidhean Croise

2 Kyetsinyinga 20:26

Ku lidiku lia 4, vavugana mu livona lia Beraka, ma nivasandiza Yahova ku gayaali navakoleeye. Kulwayago, havundu yaaha hamanya ni halangwa - “Livona lia Beraka” kuduuka kalunu ndi.

Zaburi 7:6

O, Yahova, vuka mu vutima vuvwo! Singira uhing'ane nu vutima vonene vwa vasigu vange; vuka ivi O, Nyasaye wange na ongonye! Ivi wenya vulungi vwekoleke.

Zaburi 96:13

lwa Yahova yaza kwamiiha lirova. Alamiiha avandu vi lirova ni likalaga lirungi kandi nagiligali.

Zaburi 98:9

kigira Yahova yaazaa kwamiiha lirova. Alamiiha avandu vi lirova ni likalaga lirungi kandi nilikalaga lilahi vugira liyaanzilira.

Isaya 2:4

Yahova alaleeta mirembe hagati hi lihing'ana lie zihiiri zinene. Valatura vivavi viavo kuva amagembe, kandi amatimu gaavo kuva zingonono, zihiiri si zilazia kulwaana zihiiri zindi mba, anoho si ziligiza avandu vaavo uvulwani mba.

Isaya 22:1

Yili ni Likuva lia Yahova kigira Livona lia Malola. Ni kindiki chekoleka? Kigira ki avandu vosi vi lidaala linene lia Jerusalemi valomba lilia nu kusangalira igulu kwi visegese vie zinyumba ziavo?

Isaya 3:13

Yahova yikaye kondeve yeye yilikalaga; kandi yetegeki kukalagira avandu veve.

Ezekieli 30:3

Lidiku liveeye ahimbi, lidiku lwa Yahova alakahaane mageri. Lidiku lia malesi kandi liu kutihiza ku zihiiri.

Ezekieli 39:11

Yahova yavoola, “Lwayaga galakekoleke, ndakahaane ku Goga havundu haliyavilwa mu Isiraeli; mu livona lia vandu avavitaa Ivugwi kolovega lwinyanza yi jumbi. Goga harara ni liihi lilie valakayavilwi wene yeyo, virindwa viavo vilakigaliri inzira ya yavo avavitaa. Havundu yaaha halakalangwe ‘Livona lie liihi lia Goga.’

Joeli 3:14

Zihiiri zielefu ni zielefu ziveeye mulivoona liukukalaga. Ni hene yaho ahilidiku lia Yahova liizira vwangu.

Joeli 3:2

Ndavungiza zihiiri ziosi harara kandi ndazireta mu livona lia Jehoshafati liukukalagilwa. Hene yaho ndaavakalagira ku goosi agavakolera vandu vange. Vasalanyia Isiraeli muvivala vigeni kandi vagavulanyia Isiraeli, kivala change.

Mika 4:3

Yahova alakalaga hagati hi zihiiri zinyingi, kandi alaleeta mirembe hagati hi zihiiri zie zinguru zinene ahimbi ni ihale. Valatura vivavi viavo kolomba zimbago na amatimu gaavo kolomba mihizu ju kuhalulira. Zihiiri sizilazia muvulwani kandi, sivaletegeka ku vulwani kali hakuzu kandi mba.

Zekaria 14:4

Ing'inga yeyo, Yahova alakasingiri ku kiguru cha muzeituni Ivugwi wa Jerusalemi. Maku kiguru yiki kilakagavukanywe mu haali kaviri, Ivugwi ni madioli. Kilakagavukanywe ni livona linene. Inusu yi kiguru yiki kilakisundi Ivaale kandi inusu kilakisundi Isavaalu.

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.