Joeli 2:5 - KITABU KITAKATIFU

⁵ Lwa zitumatuma ku zindongozi zie vigulu, zinyagura kuli muliviti gwa magare gu vulwani; zihumaa kuli vulimu vwumu vusambwa. Zilomba zimbaso kuli amahi manene gu vulwani getegeki kulwana.

Joeli 2:5 Iomraidhean Croise

Ayubu 39:20

Ni ivi wazilomba zitumatumi kuli zisigi? Lisiala liu muulu gazio litihiza vandu.

Kutwula 5:12

Kunangwa avandu vazia havundu hoosi mu kivala cha Egebeti kwenya uvunyasi.

Isaya 30:30

Avandu vosi valahulira mwoyo gwa Yahova gwilitiihiza kandi valahulira vululu vwu vutima vwivwe. Uvutima vwivwe vulava kuli olomemo lwu muliru gusambaa, kandi kuli liatuluruka lia malesi, imbura yamagina kandi imbura yizingulu.

Isaya 5:24

Kunangwa kalunu, kuli uluvuva nuvulimu vwumu vwilingaa harara nukuhia mu muliru, nindio imiri jinyu jilagunda na vimuli via mauwa viluuma nukuhuuzwa ihale ligali kigira mwamala kusuura aga Yahova Wuvunyali, Nyasaye Mutakatifu wa Isiraeli, yakwigiza.

Jeremia 50:42

Vamali kuvugura uvuta vwavo nivivavi; vaveeye avalulu kandi vugira zimbavasi. Vahulirika kuli inyanza ihuuma, lwa vahiraa zibarasi ziavo. Vaveeye avetegeke kulwaana vandu va Babiloni.

Matayo 3:12

Aveeye ne kesesero chiche mumukono gwigwe. Kandi alalaviza oloze lwilwe ligali, nuvuswage alateera mu kedeera, navuzwa umukuzi alagusaamba nu muliru gutasimikaa.”

Likunula 9:9

Kandi ziali ni zisalamba ziu mu kiritu kuli zisalamba zie kivia; ulwanga lwi zimbaha ziazio lwali kuli ulwa magare gasugumangwa ni zibarasi zinyingi zinyagula zimbiru kuzia mu uvulwani.