Joeli 2:26 - KITABU KITAKATIFU

²⁶ Kalunu murava ni viukulia muvunyingi, kandi muliiguta. Mulizominya Yahova Nyasaye winyu, uwamukolera vindu viokogenyia. Avandu vange sivalachaywa kandi mba.

Joeli 2:26 Iomraidhean Croise

Litanga 33:11

Mwaza vugilira kihanwa cha inzi mali kokoletera. Nyasaye yaali ni zimbavasi ku inzi ni yamba vuli kindu choosi cha ndeenya.” Yakobo yaazizagilira kumugonya kuduuki navugilira.

Nehemia 9:25

Avandu vovo vagumira madaala manene gizimbinga, kivala kenoru, izinyumba zizura vutugi, nividaho viamala kuyavwa, milimi ja mizeituni, misaala ja makuyu manyingi kandi ni vizabibu. Valia viosi via venya nukwiguta, kandi nivakomera; vasangalira ivindu viosi vilahi via ivi wavaha.

Zaburi 103:5

Yahova yigutizaa livamwoyo liange ni vindu vilahi, kunangwa nduuki kuva muyaayi kandi wizingulu kuli indizu.

Zaburi 116:7

Ove nilielemeriza mu mwoyo gwange; kigira Yahova umali kongolera malahi ligali.

Zaburi 13:6

O, Yahova, ndakwimbira zinyimbu ziuvusangali, kigira umali kokola agaveeye amalahi ku inzi.

Zaburi 22:26

Avadaka valalia nukwiguta kuli venya; yavo avenyelerizaa Yahova valamwizominya! Nyasaye avagasize mihiga ni mihiga.

Zaburi 37:19

Si valava nu vusaliri mu ing'inga yu vudinyu mba. Navuzwa valanyora viukulia vinyingi mu ing'inga yi inzara eveeye ho.

Zaburi 67:5

O, Nyasaye, leka avandu vosi vakwizominye; leka avandu vosi vakwizominye!

Zaburi 72:18

Yahova, Nyasaye wa Isiraeli yizominywi! Niyie yeng'ine okolaa vindu viokogenyia yivi.

Tsing'ano 13:25

Avalungi vaveeye niviukulia vinyingi navuzwa vachamu vamenya ni inzara kazozo.

Lwimbu lwa Solomoni 5:1

Inzi mali kwingira mu mulimi gwange, muyanze wange, kandi muselerwa wange, mbungizaa mudalasini gwange kandi vifunya mwayu, ndiza vwuki na mana gene; Nwezaa iwaini yange kandi maveere gange. Vayanze vange, mulie kandi munwi kuduuka lwa muhaambika vuyanzi!

Isaya 25:1

O, Yahova, Ivi oveeye Nyasaye wange; Ndakuha uluyali nukukwizominya. Ivi umali kokora vindu viokogenyia; ivi musuuvirifu umali kuduukiza lilohiza liilio liawalomba kale.

Isaya 29:22

Kunangwa kalunu Yahova, Nyasaye wa Isiraeli, uwahonyia Aburahamu kutura mu vudinyu, avoora, “Avandu vange, simulava esoni kandi mba, kandi mu moni mwinyu simulagalula ni zisoni mba.

Isaya 45:17

Navuzwa Yahova alahonyia avandu va Isiraeli; kandi sivalava mu zisoni mba, valava avaguuti mihiga ni mihiga.’ ”

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Isaya 54:4

Utatia mba, kigira siulavikwa muzisoni kandi mba; kandi siulaleganywa mba. Ulivilira uvwoni vwa wakola nukikiri muyaayi kandi siulizuliza manyego guvukunzakali vuvwo mba.

Isaya 55:2

Kigira ki mutumikiri mabese ginyu ku kindu kitakonya? Kigira ki mutumikiri mitungu jienyu navuzwa mukikiri ni inzara? Mumbulirizi vudinyu ligali, na mukore aga inzi mboraa, na mulasangalira viukulia viveeye vilahi ku viosi.

Kyavalevi 25:19

Kivala zana kilaama makuyu na munyi mulava navio viosi viamwenyaa mulie kandi mulamenya mu mirembe.

Kyavalevi 26:26

Ndatulizaho chukulia chiinyu kunangwa vakali likomi valatumikira lihiga lilala kolomberaku migadi josi javaveeye najo lwa muva nimwakagilia josi, mulava nimukikiri inzara.

Kyavalevi 26:5

Vitagwa vienyu vilava vinyingi ligali kali mulava nimukegesa vuswage, lweveeye ing'inga yukwagula mizabibu, kandi mulava nimuchaagula amazabibu lwing'inga iduuka yukutaga vuswage. Mulava navio viosi via mwenya kulia, kandi mulamenya mu mirembe mu kivala chienyu.

Mika 6:14

Mulalia, navuzwa si muliiguta mba, kalindio mulava nimukikiri ninzara. Mulatuliza ivindu ichova, navuzwa simulavihonyia mba, kandi kindu choosi cha muhonyi ndakidivizira mu vulwani.

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

Zekaria 9:15

Yahova Wuvunyali alakakingi avandu veve, kandi alakadivizi avasigu vaavo. Valakahanzuki mu liihi kuli vahambiku, kandi valakatahizi avasigu vaavo masahi, galakidoleke kuli masahi gi visiuviliru, gasundulwa ku vwali kutura ku ibakuli.

Zekaria 9:17

Kivala kilakave kilahi kandi chu kuyaanziza ligali kuli ndi vayaayi vasoleri valakaviluki ni zinguru kigira vuswage, vakana valakaviluki kigira iwaini imbia.

Varumi 10:11

Mang'oda Matakatifu gavoora, “Ku vosi umusuuvira sialiduuka mu zisoni mba.”

Varumi 5:5

Lisuuvirizwa yili silinyala kukuvihiliriza mba, kigira Nyasaye yamala kuviika mu mioyo jietu uvuyanzi vwivwe kuvitira ku Roho Mutakatifu oveeye kihanwa chiche ku kunyi.

Varumi 9:33

ilia Mang'oda Matakatifu gamolomaa kulio; “Henza, mbikaa ligina mu Ziyoni ililikola avandu valikigitale, ulwanda lulikola avandu vagwi. Navuzwa oyo usuviraa muye sialiva esoni mba!”

Kwidzulitsa 11:15

Alamuha kandi vunyasi mu milimi jinyu kigira mitugu jinyu. Mulava ni viukulia viosi viamwenyaa.

Kwidzulitsa 12:12

Musangaliri uwene yeyo imbiri wa Yahova Nyasaye, munyi harara na avana vinyu vayaayi na vakana, avatumikiri vinyu vasaza na vakali, kandi vandu vinyumba ya Levi sivalava ni milimi jaavo aveene mba.

Kwidzulitsa 12:18

Munyi harara na avana vinyu, vatumikiri vinyu harara na vandu vinyuma ya Levi avamenyi mu madaala ginyu kuduuka muliri vihaanwa vienyu imbiri wa Yahova Nyasaye winyu havundu harara heng'ine hatovolwa kusigamira Yahova Nyasaye winyu. Mulasangalira uwene yeyo imbiri wa Yahova Nyasaye winyu ku viosi viamumali kokora.

Kwidzulitsa 12:7

Hazana yaho, Nyasaye winyu, umali kumugaasiza, munyi harara na avizinyumba zienyu, mulalira nokusangalira vindu vilahi viamumali kuyinzira aku vudinyu.

Kwidzulitsa 8:10

Mulava ni viukulia viosi via mwenya kulia kandi mulahaana lisandiza ku Yahova Nyasaye kigira kivala kenoru kandi kigunamu cha amali kumuha.

1 Yohana 2:28

Kandi kalunu, avana vakekeeke vange, mumenye mu Kristo, kunangwa lwa alolekaa, kove nuvuluviliri, kandi kuvuli kwivisa mu zisoni imbiri weve ku lidiku lie liza lilie.