Joeli 2:12 - KITABU KITAKATIFU

¹² Yahova avoora, “Navuzwa kali kalunu mwiganiri mugiligali na mwirane ku inzi mu lihonga lilia, lilira ni lisioma.

Joeli 2:12 Iomraidhean Croise

2 Samweli 24:10

Navuzwa inyima wa Daudi yaali niyakamara livaliza, zing'anagani ziu mumwoyo gwigwe ziatanga limukubiza kivi kandi yavolera Yahova, “Mali kokora uvwoni vudamanu ligali, mu likora kindu yiki. Mwaza usamihi. Mali kokora vusiru.”

2 Kyetsinyinga 30:6

Avatumwa vatura kuzia ichova ku lilaga liu mwami na vanene veve mu kivala choosi chi Vuyuda na Isiraeli na makuva yaga: “Avandu va Isiraeli, mu mali kohona kutura ku liguutwa lie kivala cha vandu va Siria. Kalunu mwirane ku Yahova, Nyasaye wa Aburahamu, Isaka na Yakobo, na alirana ku munyi avatigara,

2 Kyetsinyinga 6:27

O, Yahova, hulira lisaala liavo mwigulu ma usamihi uvwoni vwa vatumikiri vovo, avandu va Isiraeli ma uviigize vakole agaveeye malungi. Hene yaho, O, Yahova, tuma imbura ku kivala chicho cha waha avandu vovo kuli miandu ji mihiga ni mihiga.

Esther 4:16

“Zia, uvungizi Avayuda vosi harara mu Susa; muhonge lilia na mumbiki mu lisaala. Mutalia anoho munwi kindu choosi ku madiku gavaga, umbasu nuvudiku mba. Avakaana vatumikiri vange harara ninzi kulakola malala mere. Inyima wa yago, inzi ndazia ku mwami, kali niiva lilago silimbugiliranga mba. Niiva nditwa, nzitwi.”

Kutwula 33:5

Kigira Yahova yaali nalagi Musa avavoolere ndi, “Munyi muveeye avandu vikirage. Niiva ndakaziiyi ni munyi ku ing'inga engekeeke, ndakamudivizi ligali. Kalunu mutulizi viukwisiaha vienyu, na inzi ndalora ichanyala kumukolera.”

Isaya 22:12

Mwami munene, Yahova Wuvunyali yamulanga muduuki kulira kandi musiome, muvege amasu ginyu kandi mwiviki zinguvu ziamagunia.

Isaya 58:4

Lihonga lilia lienyu limukolaa avatindi, kandi mulembanaa nukulwana. Muganaganaa lihonga lilia lienyu kuli yili lilaangola mbulirizi ku kusaala lienyu?

Jeremia 3:22

Mwirane, munyi vosi avamali kugirung'ana kutura ku Yahova; alamuhonyia nukumukola kuva avasuuvirifu. Muvooraa, “Yee, kuuza ku Yahova kigira aveeye Nyasaye wiitu.

Jeremia 36:7

Namusia valasaala ku Yahova kandi valagirung'ana kutura kuzinzira ziavo zindamanu, kigira Yahova umali kutihiza avandu yava nu vutima vwivwe vonene ligali.”

Jeremia 4:1

Yahova avoora, “Avandu va Isiraeli, niiva mwenya kugirung'ana mugirung'ane muuzi ku inzi. Niiva muveeye avasuuvirifu ku inzi, kandi nimutulizaho ivifananyi viandunyira,

Jeremia 4:2

gakaveeye amalungi munyi kwisuha, kulieta liange. Maku izihiiri ziosi zilandeva kuzigasiza, nazilanzizominya.”

Ezekieli 33:11

Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Danyeli 9:3

Ndasaara vudinyu ku Yahova Nyasaye, nimugoonya vugira lilia ni nziviki zinguvu zia magunia kandi ni nzikaye muligoke.

Hosea 12:6

Kunangwa munyi visukululwi via Isiraeli, musuuviri mu Nyasaye winyu kandi mwirane kuye. Muve avasuuvirifu kandi vilikalaga lirungi, ma ku mulindiliri Nyasaye winyu kazozo.

Hosea 12:7

Yahova avoora, “Avandu va Isiraeli si vaveeye avasuuvirifu mba; vayaanza kugaada avakiranyi niligera liuvugadi.

Hosea 14:1

Munyi avandu va Isiraeli, mwirane ku Nyasaye winyu. Munyi mumali kwikigatala nu kugwa kigira uvwoni vwinyu.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Joeli 1:13

Mwiviki zinguvu ziamagunia na muliri, munyi avasaalisi vayinzira ku vwali! Muzie mu Litembeli na musiome uvudiku vwosi! Sihaveeyeho nu vuswage anoho iwaini yu kuhaana ku Nyasaye winyu mba.

Zekaria 7:3

Vazia kandi koteeva vasaalisi na vaporofeti liteeva yili: “Gakuduukiraa kuzizagiliri kusioma kigira lidivizwa lie Litembeli, mu lihonga lilia mu mweli gwa katano kuli kumali kokora ku mihiga minyingi kalunu?”

Zekaria 7:5

“Volera vandu vosi vi kivala kandi vasaalisi ndi lwa vahonga lilia kandi vasioma mu mweli gwa katano nu mweli gwa saba ku mihiga 70 yiji, sigali kigira kutia inzi mba.

Malaki 1:9

Kalunu, munyi avasaalisi, gelizi koteeva Nyasaye ave mulahi ku kunyi. Sialahaana mativuli ku lisaala lienyu mba, kandi vulakave vudamanu vwinyu.

Vikolwa 26:20

Navuzwa ndatanga kwilwaza ku avandu va Damasiko, inyima ku ava Jerusalemi ni kivala choosi chi Vuyuda, kandi ku Avizihiiri. Ndaavilwazira vaduuki kwiganira kandi, viraniri Nyasaye nu kumanyia mu vikolwa viavo ndi vamali kugirung'anywa mu mioyo jaavo.

Vakalagi 2:4

Lwe engelosi wa Yahova yaali niyakavoola yaga, avandu vosi va Isiraeli vatanga kulira.

Vakalagi 20:26

Maku vandu va Isiraeli, avandu vosi, vanigira ha Bezeli niviikuuraa. Vahonga yo nivikaye imbiri wa Yahova vugira kali kulia ichukulia kuduuka hamugorova. Vahaanira Yahova kihanwa chukusambwa kandi kihanwa chi murembe.

1 Samweli 7:3

Samweli yavolera avandu va Isiraeli, “Niiva mulirana ku Yahova ni mioyo jinyu josi, kuduuka mwononyie avanyasaye vageni vosi kandi vifananyi via Asitarite, munyasaye mukali. Mwihaane aveene ligali ku Yahova kandi mumusigamiri, kandi alamuhonyia munyi kutura kuzinguru zia vandu va Filisitia.”

1 Samweli 7:6

Kunangwa vosi vavugana harara ha Mizipa vadaha amazi kandi nivagasundula ichova kuli kihanwa ku Yahova kandi ni vahonga lilia lidiku liosi. Vavoola; “Kumali kwonera Yahova.” Haali ha Mizipa ha Samweli yahuliriza lisolana lia vandu va Isiraeli nokoleta mirembe hagati haavo kandi kuvakalagira.