Joeli 2:11 - KITABU KITAKATIFU

¹¹ Yahova ahaanaa malago ku avasikari veve. Amahi gu vulwani agamuhuliraa gaveeye manyingi kandi agizingulu. O, lidiku lia Yahova liveeye liukutihiza ligali! Ivwaha ulihononoka kulio?

Joeli 2:11 Iomraidhean Croise

Zaburi 18:14

Yalasa mivano jije ju vuta, naasalanyia avasigu veve. Yavakunga ni lihemahema lie zimbeni.

Zaburi 46:6

Zihiiri zihumaa mu vuti, zitihizwa nu vwami vodengeyizwa; Nyasaye amolomaa nu mwoyo kuli gwi inguba yatulukaa, lirova lisalulukaa.

Zaburi 68:18

Yanigiraa igulu mwigulu navugura avahambe va yalaanya vanyingi harara naye, avugulaa vihaanwa kali kutura ku vibaali. Yahova Nyasaye alamenya ho.

Isaya 13:4

Hulirizi liyoga lie kiduma kenene cha avandu ku vigulu, liyoga liu vwami vwi zihiiri zia vugana harara. Yahova Wuvunyali alohizaa liihi lilie kulwaana.

Isaya 42:13

Yahova atulaa kuzia kulwaana kuli mulwaani aveeye nuvuha kandi yetegeki kulwaana. Aveeye ni lilira lie liihi, kandi lihanzuka liu vulwani; amanyia zinguru zizie ku vasigu veve.

Isaya 7:18

“Lwu ing'inga yeyo iduuka, Yahova alakuba mululi kuli kimanyiru ku vandu va Egebeti vaze kuli iziinji kutura ku zisia ziu mugera gwa Naili iziveeye ihale ligali, kandi ku vandu va Asiria vaze kutura mu kivala chavo kuli zinzuki.

Jeremia 25:30

“Ivi Jeremia, kuduuka wilwaze amakuva goosi aga inzi mali kovora. Kuduuka ovoolere avandu yava ndi, ‘Yahova alafuuma kuli isimba kutura mwigulu, kandi alatuluruka kuli inguba kutura hatakatifu hehe mwigulu. Alafuuma kuli isimba ku avandu veve, alahanzuka kuli mundu uduvagaa amazabibu. Vuli mundu woosi omenyi ku lirova alahulira mwoyo gwa;

Jeremia 30:7

Lidiku liuvudinyu lizaa; sihaveeyeho nilidiku linyala kufwanana nalio mba, ing'inga yuvudinyu ku avandu va Isiraeli, navuzwa valahona.”

Jeremia 50:34

Navuzwa mulala uwaza avasoole aveeye nizinguru wi lieta lilie liveeye Yahova Wuvunyali. Mwene alavakolera kekolwa nokoleta milembe ku kivala, navuzwa uvudinyu vulava ku vandu va Babiloni.”

Ezekieli 22:14

Na musuuviraa mulazizagilira kuva nuvuluviliri anoho mulava ni zinguru mulidiku lia namudivizi? Inzi Yahova mali kovora kandi ndakakole ndio.

Joeli 1:15

Lidiku lia Yahova liveeye ahimbi; lidiku liu Wuvunyala aleetaa lidiviza. Nuvutihizi vwalugano ki vuliduuka lidiku yilio!

Joeli 1:6

Kiduma chizisigi kimali kwingilira mu kivala chiitu. Ziveeye zie zinguru kandi zinyingi ziutavaliza mba; Liihi liezisigi limali kutulira mu kivala chiitu. Gaveeye agizingulu kandi amanyingi aga utavaliza mba; amiinu gazio gaveeye amuugi kuli agisimba.

Joeli 2:1

Kuba kisiriva; kuba ulwanga ku avandu va Ziyoni, kiguru cha Nyasaye Kitakatifu. Mudegere, avandu vi Ivuyuda! Kigira lidiku lia Yahova lizaa vwangu.

Joeli 2:2

Na live lidiku lie kisundi kandi liovovereri, lidiku lia malesi kandi kisundi kenene. Zisigi zinyingi ziza kuli kisundi kenene kufumaa vigulu. Sihaalikuho ni kindu kuli yiki mba, kandi sikilivaho mba.

Joeli 2:25

Ndamwiranyira via mwagotiza ku mihiga je kiduma chi zisigi lwa zialia vitagwa vienyu. Yaali inzi uwatuma amahi gu vulwani kumwingilira.

Joeli 2:31

Liuva lilamwaminywa, kandi mweli gulava mwakanyu kuli masahi lidiku linene liukutihiza lia Yahova likikiri kuduuka.

Joeli 3:14

Zihiiri zielefu ni zielefu ziveeye mulivoona liukukalaga. Ni hene yaho ahilidiku lia Yahova liizira vwangu.

Joeli 3:16

Yahova ahuumaa kutura mu kiguru cha Ziyoni; mwoyo gwigwe gwatuluruka kutura mu Jerusalemi; lirova ni ligulu videgera. Navuzwa alakinga vandu veve.

Amosi 1:2

Amosi yavoola, “Yahova afumaa kutura mu kiguru cha Ziyoni; nu mwoyo gwigwe guhiligana kutura mu Jerusalemi Vwayiru vulaniala, na vunyasi vwi kiguru cha Karimeli vulagilungana kufwana amalova.”

Amosi 5:18

O, vayaayi, kivi keveeye ku munyi avegombaa liduka lie lidiku lia Yahova! Kigira ki mwenyanga lidiku lia Yahova? Lilakave lidiku lie kisundi vugira uvulavu ku munyi.

Amosi 5:20

Yahova lilaleeta kisundi, na uvulavu sivulavaho mba. Lilakave lidiku lie kisundi ligali vugira vong'ereng'anu.

Obadia 1:15

“Lidiku liveeye ahimbi lwa Inzi, Yahova, ndakakalagili zihiiri ziosi. Avandu va Edomu, agamumali kokora, kandi galakakoleke ku munyi. Chamumali kuhaana kilirana kumunyi.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Malaki 3:2

Navuzwa nivwaha unyala kwikuzira kulindilira ku lidiku yilio lwaliza? Nivwaha ulakahononoke lwa aliloleka? Alakaze ni zinguru kuli Isavuni, kandi kuli muliru gwu kutura kivia.

Livalidza 24:23

Baalamu yavoola ovoporofeti yivu, “Yava ni vandu ki vivungikiza Ivaale?

1 Vatesalonike 4:16

Gulakave ho nu mwoyo munene gwu kulanga, kandi nu mwoyo gwe engelosi Munene, kandi nugwi kisiriva cha Nyasaye, maku Mwami mwene aliika kutura mwigulu. Yavo vaakuza nivasuuvira mu Kristo valakasimuguki kutanga.

Likunula 18:8

Kigira yaga, alakahaane amaduywa lidiku lilala, agaveeye uvulwaye, likuza, ni liverera, ninzara. Kandi alasaambwa nu muliru ligali; kigira umukalagiraa ni Umwami Nyasaye, niyie oveeye ni zinguru.”

Likunula 6:17

Lidiku linene liu uvutima vwavo liduuki, nivwaha unyala kusingira imbiri wuvutima yivu?”