Joeli 2:1 - KITABU KITAKATIFU

¹ Kuba kisiriva; kuba ulwanga ku avandu va Ziyoni, kiguru cha Nyasaye Kitakatifu. Mudegere, avandu vi Ivuyuda! Kigira lidiku lia Yahova lizaa vwangu.

Joeli 2:1 Iomraidhean Croise

1 Kyetsinyinga 15:28

Kunangwa vandu va Isiraeli vosi vazia harara ni Lisandugu lie Lilagana kuduuka Jerusalemi ni lihanzuka liu vusangali, ni vakuba visiliva, ling'alala kandi vikuli, kandi zinyimbu ziuvukana vwi migoye.

Zaburi 119:120

Mbeeye nuvuti vonene kigira ivi; nzizuuyi uvuti kigira likalaga liilio.

Zaburi 87:1

Yahova yumbaka lidaala lilie linene ku kiguru kitakatifu;

Kutwula 10:14

Zisigi ziaza muvunyingi nizigwa kukivala choosi cha Egebeti. Ziali zisigi zinyingi ligali zikikiri kololeka ku, kandi izilivula kololeka ku kivala mba.

Isaya 13:6

Mukubi zikwiri kigira lidiku lia Yahova liveeye ahimbi! Yahova Wuvunyali alaleeta lidiviza.

Isaya 13:9

Lidiku lia Yahova liveeye ahimbi, lidiku liu vutima vululu vwa Yahova. Lirova lilakolwa hazwa, kandi vuli mwoni omenyi mucho aladivizwa.

Isaya 2:12

Ing'inga yene yeyo, Yahova Wuvunyali alakagehize vosi avizingulu, kandi yavo vosi vikirage ni liegingira.

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Isaya 66:5

Muhuliri icha Yahova avoora, munyi avamutizaa nukumuhulira: “Kigira muveeye avasuuvirifu ku inzi, valala ku vandu vinyu vene vamudunyira na sivalava ni cha vamukola mba. Vamukolera kehenyahenye nivavoora; ‘Leka Yahova amanyie ovonene vwivwe na amuhonyie, kunangwa kuduuki kolola munyi nimusangara.’ Navuzwa yavo aveene valava muzisoni!

Jeremia 16:10

“Lwanovoolere avandu yava yaga goosi, vaza vakoteeve ndi, ‘Kigira ki Nyasaye alagi kivi kenene yiki kukwingilira? Ni vudamanu ki vwa kwakora? Nivwoniki vwakumali kokora ku Yahova Nyasaye wiitu?’

Jeremia 16:7

Siaveeyeho kali mulala ulakarii chukulia anoho ulinywa iwaini harara naye anoho ulakamuleminyi mwoyo lwumuyanze weve akuza mba, si aveeyeho mulala ulaka muvererere mba, kali ku oyo umali kogotiza baba weve anoho mama weve.

Jeremia 4:5

Mukubi kisiriva mukivala choosi chi Ivuyuda! Muhanzuki vudinyu kandi vulahi! Muvoolere avandu vi Ivuyuda na Jerusalemi vanyaguri kuduuka mu madaala gizimbinga.

Jeremia 5:22

Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.

Ezekieli 12:23

Kalunu uvavoolere aga inzi, Mwami Munene Yahova, mali kovora kigira yaga. Ndigalira lugano yilwo. Si valalutumikira kuli lugano mu kivala cha Isiraeli mba. Uvavoolere muvogono yivwo, ing'inga imali kuduuka lwa vuli malola galakatwekizwi!

Ezekieli 21:12

Uliri kandi usiome, Mwana wu Mundu; kivavi yiki keveeye ho kulwa vandu vange, kandi ku vimiliri vosi va Isiraeli. Vazizaa kwitwa harara na vandu vange vandi vosi. Kunangwa ulava novovereri vunyingi ligali.

Ezekieli 30:3

Lidiku liveeye ahimbi, lidiku lwa Yahova alakahaane mageri. Lidiku lia malesi kandi liu kutihiza ku zihiiri.

Ezekieli 33:3

Lwa alolaa musigu niyisunda ahimbi, akubaa lwanga kwiganihiza vuli mundu.

Ezekieli 33:6

Niiva musikari alalola musigu niyaza kandi avuli kukuba lwanga, musigu alaza kandi aliita avoni yavo, navuzwa ndadula musikari kigira likuza liavo.

Ezekieli 7:10

Lidiku lie kivi lizaa ku vandu va Isiraeli. Kirage kemedeki. Lielola liveeye linyingi ligali.

Ezekieli 7:12

Ing'inga yiza, lidiku liveeye ahimbi. Avakiranyi vatasangala anoho vatasioma mba, kigira vutima vwa Nyasaye vululu vulava ku vandu vosi.

Danyeli 6:26

Mbana malago ndi mu vwamihi vwange vwosi vuli mundu gamuduukira atie kandi ahaane luyali ku Nyasaye wa Danieli. Aveeye Nyasaye oveeye mwoyo, kandi alamiiha mihiga ni mihiga. Vwamihi vwivwe si vuladivizwa mba, kandi zinguru zizie si zilahera mba.

Danyeli 9:16

O, Yahova, kolondekana ni vikolwa vivio viu vulungi, tuliza vutima vwuvwo ku lidaala lia Jerusalemi, kiguru kitakatifu. Jerusalemi harara na vandu vovo vaduuki mulichaywa hagati hayavo vosi avamali ku kukumberiza.

Danyeli 9:20

Ndaazizagilira kusaala, nukwiganira uvwoni vwange kandi vwoni vwa vandu vange Isiraeli, ning'oonya Yahova Nyasaye yumbake uvuhia Litembeli lilie Litakatifu.

Hosea 5:8

Mukubi visiriva viu vulwani mu Gibea! Mukubi kiliri mu Rama! Mukubi liyoga liu vulwani ha Bezaveni! O, munyi avandu va Benjamini, muzie muvulwani!

Hosea 8:1

Yahova avoora, “Ukubi kisiriva! Avasigu vaza mukivala change kuli zindizu! Avandu vange vavunanyia lilagana lia inzi ndalomba navo kandi vamali kwibaala ku lilaga liange.

Joeli 1:15

Lidiku lia Yahova liveeye ahimbi; lidiku liu Wuvunyala aleetaa lidiviza. Nuvutihizi vwalugano ki vuliduuka lidiku yilio!

Joeli 2:11

Yahova ahaanaa malago ku avasikari veve. Amahi gu vulwani agamuhuliraa gaveeye manyingi kandi agizingulu. O, lidiku lia Yahova liveeye liukutihiza ligali! Ivwaha ulihononoka kulio?

Joeli 2:15

Mukubi kisiriva ku kiguru cha Ziyoni; muhaane lilago lio kohonga lilia na mulange livugana!

Joeli 2:31

Liuva lilamwaminywa, kandi mweli gulava mwakanyu kuli masahi lidiku linene liukutihiza lia Yahova likikiri kuduuka.

Joeli 3:14

Zihiiri zielefu ni zielefu ziveeye mulivoona liukukalaga. Ni hene yaho ahilidiku lia Yahova liizira vwangu.

Joeli 3:17

“Maku, munyi Isiraeli mulamanya ndi inzi mbeeye Yahova Nyasaye winyu. Menyaa mu Ziyoni, kiguru change Kitakatifu. Jerusalemi lilava lidaala Litakatifu; avageni sivalaliguuta kandi mba.

Amosi 3:6

Kisiriva chu vulwani kinyala kukubwa mu lidaala linene vugira kokora avandu vatie? Kivi kinyala kuduuka mu Lidaala linene ni kitaleteywi na Yahova?

Amosi 5:18

O, vayaayi, kivi keveeye ku munyi avegombaa liduka lie lidiku lia Yahova! Kigira ki mwenyanga lidiku lia Yahova? Lilakave lidiku lie kisundi vugira uvulavu ku munyi.

Amosi 8:2

Yahova yandeva, “Amosi, ololaa ki?” Ndaamutivulira, “Ndolanga kihinda cha makuyu amengu.” Yahova yambolera, “Keheri kiduuki ku avandu vange Isiraeli. Sindagirung'anyia zing'anagani ziange ziu kuvaha amageri mba.

Obadia 1:15

“Lidiku liveeye ahimbi lwa Inzi, Yahova, ndakakalagili zihiiri ziosi. Avandu va Edomu, agamumali kokora, kandi galakakoleke ku munyi. Chamumali kuhaana kilirana kumunyi.

Zefania 1:14

Lidiku lia Yahova liveeye ahimbi, himbi ligali kandi lizaa vwangu! Lidiku yilio lilakave lilulu kali avasikari valuviliri valakaliri nu mwoyo munene!

Zefania 1:16

Lidiku lizuiyi liyoga lie visiriva viu vulwani kandi lwanga lwa vasikari vu vulwani avingiliyi madaala gi zimbinga kandi gi minaara mitambi.

Zefania 1:7

Lidiku liveeye ahimbi lia Yahova ahaanaa likalaga, kulwayago muchiring'ane imbiri weeve. Yahova alohizaa kuhaana vandu veve kuli kisiuviriru, kandi umali koleta vasigu kwingilira kivala chi Ivuyuda.

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

Zekaria 14:1

Lidiku liveeye ahimbi lia Yahova alakahaane likalaga. Lidaala lia Jerusalemi lilakalanywe na vilaanye vilakagavulanywe imbiri winyu.

Zekaria 8:3

Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Livalidza 10:2

“Olombe visiliva 2 viu vutuli vwifeza, uvitumikiri kulanga vandu vivungikizi harara, kandi lwa vatanga logendo lwavo.

Livalidza 10:3

Lwa ukubaa visiliva viombi viviri, avandu vosi valivungikiza imbiri woovo, havwingiliru vwi Lihema.

1 Vakorintho 14:8

Niiva iling'alala liu vulwani nilikubwa ma livuli kuhulirika vulahi, nivwaha unyala kwetegeka ku liihi zana?

Vafilipi 2:12

Kunangwa, avalina vange vayanze, kuli mwahulira kutura ku inzi lwa ndaali nimunyi kazozo, kuduuka muhuliri kandi kalunu lwambeeye ihale kutura ku munyi. Muzizagiliri kuyinzira nu vuti kandi ni lidegera kunangwa muduukizi ovohonyi vwinyu,

1 Vatesalonike 5:2

Munyi aveene mumanya vulahi ndi Lidiku liu Mwami lilakaze kuli mwivi yaazaa vudiku.

Yakobo 5:8

Munyi kandi kuduuka mwikuziri kuli ndio, muve nilisuuvirizwa linene kigira liza liu Mwami liveeye ahimbi.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

Likunula 6:17

Lidiku linene liu uvutima vwavo liduuki, nivwaha unyala kusingira imbiri wuvutima yivu?”