Joeli 1:2 - KITABU KITAKATIFU

² Muhuliri, munyi avandu vakulundu; avandu vosi vi Ivuyuda, huliri. Kindu kuli yiki chayekolekaku mu ing'inga yinyu, anoho ing'inga ya avaguuga vinyu?

Joeli 1:2 Iomraidhean Croise

Ayubu 12:12

Avakulundu vaveeye no vogeri, madiku manyingi gi limenya liavo galetaa limanya.

Ayubu 15:10

Kunyi kwanyoora vogeri kutura ku vasakulu vakungu vi zimbuzi, avakulundu viivulwa imbiri wa baba woovo.

Ayubu 21:7

Kigira ki avandu vachamu vamenya, vaduuka kuva avasaakulu nokomedeka kuva nizinguru?

Ayubu 8:8

Mwaza, teveleriza amakuva go ovogeri vwa maziambiri, na uganagane ku agiligali aga vaguuga viitu viga.

Zaburi 49:1

Huliri likuva yili, avandu vosi! Muhulirizi, avandu vosi havundu hoosi.

Isaya 34:1

O, munyi avandu vi zihiiri ziosi, mwisunde ahimbi muhuliri! Munyi avandu vi lirova liosi, kandi ni viosi vimenyi mulio, mwisundi ahimbi muhuliri.

Isaya 7:17

“Yahova azizaa koleta ku ivi, ku vandu vovo, kandi ku vosi avinyumba yu vwami madiku gi kivi kidamanu ligali kuvita yago agamala kuduuka kutura uvwami vwa Isiraeli nivwavukanywa kutura ku Ivuyuda - azizaa koleta mwami wa Asiria.

Jeremia 30:7

Lidiku liuvudinyu lizaa; sihaveeyeho nilidiku linyala kufwanana nalio mba, ing'inga yuvudinyu ku avandu va Isiraeli, navuzwa valahona.”

Jeremia 5:21

Muhuliri, munyi avandu vasiru kandi avataveeye ni limanya. Muveeye ni zimoni, navuzwa si munyala kolola mba. Muveeye na matuyi, navuzwa si munyala kuhulira mba.

Danyeli 12:1

Engelosi yaali ni yiviiki iganza yavoola, “Ing'inga yene yeyo, Mikaeli engelosi enene, ulindaa vandu vovo, alakaloleke. Maku ilakave ho ing'inga yu vudinyu, indamanu ligali kali kutura zihiiri ziu kutanga nizivaho. Lwi ing'inga yene yeyo iliduuka, avandu vosi vi ihiiri yooyo, avamita gaavo gang'odwa mu kitabu cha Nyasaye valakahonywi.

Hosea 4:1

Yahova aveeye nikiyaalo ku avandu vamenya mukivala yiki. Muhuliri avandu va Isiraeli, ku agaavoola: “Siaveeye ho kali mulala oveeye musuvirifu anoho wuvuyanzi mukivala, kandi avandu mukivala sivamanyiriza inzi kuli Nyasaye mba.

Hosea 5:1

“Muhuliri yaga, munyi avasaalisi! Muhulirizi munyi avandu va Isiraeli! Muhuliri, munyi avandu vinyumba yu vwami! Gamuduukira muhaane likalaga liveeye lirungi. Munyi mulakalagirwa! Kunangwa likalagirwa lilaaza kumunyi! Munyi mumali kugumira avandu kigira lisigamira misambwa ha Mizipa, kandi ku Kiguru cha Tabori.

Joeli 1:14

Uhaane lilaga liokohonga lilia; ulange livugana! Vuganyia aviimiliri kandi avandu vosi vi Ivuyuda mu Litembeli lia Yahova Nyasaye winyu na mwaniri kuye.

Joeli 2:2

Na live lidiku lie kisundi kandi liovovereri, lidiku lia malesi kandi kisundi kenene. Zisigi zinyingi ziza kuli kisundi kenene kufumaa vigulu. Sihaalikuho ni kindu kuli yiki mba, kandi sikilivaho mba.

Amosi 3:1

Munyi avandu va Isiraeli, muhuliri makuva ga Yahova amali kovora ku munyi ihiiri yoosi yatura mu kivala cha Egebeti;

Amosi 4:1

Muhuliri likuva yili, munyi vakali va Samaria, avaveeye vakomelu kuli zing'ombe zia Bashani; avanyangizaa avadedekere nu kudambiza avadaka, avavoolera avasaza vaavo, “Muleete malwa kunwi kuhambiki!”

Amosi 5:1

Muhulirizi ku lwimbu lwange lwi lisioma O, munyi avandu va Isiraeli:

Mika 1:2

Muhuliri yaga munyi zihiiri ziosi; hulirizi ku amakuva yaga, vosi avamenyi ku lirova! Yahova Wuvunyali alava mulolekizi ku vindu vidamanu via mwakora. Muhuliri! Yahova amolomaa kutura mu litembeli lilie Litakatifu.

Mika 3:1

Maku ndavoora, “Muhuliri, munyi aviimiliri va Yakobo, munyi avamihi va avandu va Isiraeli! Gamudukira mumanye uvulungi.

Mika 3:9

Mumbulirizi, munyi avamihi va Isiraeli, munyi avadunyiraa likalaga liuvulungi nukuchaminya malungi kugwa amadamanu.

Matayo 13:9

Yeso yamaliriza navoora: “Oveeye na amatu gu kuhulira na ahuliri!”

Matayo 24:21

Kigira ing'inga yene yeyo ikivi kenene kilakaveho likikiri kololeka ku kutura litanga lie lirova kuduuka lero. Silakaveho ing'inga yindi kandi mba.

Likunula 2:7

“Oyo oveeye nu gutu, ahuliri aga Roho avolera amakanisa! “Uyu ugutaa, ndamuha uvunyali aduuki kulia amakuyu gu musaala gwi livamwoyo, ogoveeye mu mulimi gwa Nyasaye.