Jeremia 9:8 - KITABU KITAKATIFU

⁸ Zinimi ziavo ziveeye kuli mivano juvuta; zivoolaa ovovehi vuli ing'inga. Vuli mundu amolomaa amang'ana malahi kumutende weve, navuzwa mugiligali amutegaa mutego.

Jeremia 9:8 Iomraidhean Croise

2 Samweli 3:27

Lwa Abineri yaduuka mu Heburoni, Joabu yamuhira halovega ha kirivwa, kuli uwenyaa komoloma naye mu mambisu, na uwene yeyo yaamutooza munda. Nandio Abineri yitwa kigira naye yita Hazaeli amwavo Joabu.

Zaburi 12:2

Vuli mundu avoora ovovehi ku wache, vagadana aveene naveene.

Zaburi 12:3

O, Yahova, kiringanyia vandu vavola uvugadi yava! Uhanyie minwa jimolomaa amakuva gu kwigingira nukovola.

Zaburi 120:3

Munyi avavehi, Nyasaye alakola ki ku munyi? Alamuha amageri kuli ndi?

Zaburi 28:3

Utangalagira harara na vachamu, kandi harara na yavo avakolaa uvudamanu avandu va makuva gaavo gaveeye guvulina navuzwa uvusigu voveeye mu mioyo jaavo.

Zaburi 35:20

Sivamoloma munzira indahi yuvulina mba; mu vogono yivwo, veelombelaa aveene zing'ano ziosi ziu vugadi ku avandu vayaanza mirembe.

Zaburi 55:21

Makuva gu munwa gwigwe gaali manulu ligali kuvita isiagi, navuzwa yaali ni livihiliriza mu mwoyo gwigwe. Amakuva geege gaali kuli amaterere gokodotiza, navuzwa gakalagaa kuli vivavi viugi.

Zaburi 57:4

Avasigu vange vamali kungumbiriza, vaveeye kuli zisimba ziveeye ninzara izienyaa kulia avandu. Amiinu gazio gaveeye kuli amatimu kandi mivano ju vuta; na zinimi ziavo ziveeye kuli vivavi viugi.

Zaburi 62:5

Nindiliraa Nyasaye nuvwikuziri ligali; kigira lisuuvirizwa liange litulaa kuye.

Zaburi 64:8

Nyasaye alavadiviza kigira zinimi ziavo; vosi avavalola, valasung'usa mitwi jaavo.

Tsing'ano 25:18

Liyaala lio vovehi lita kuli kivavi, kigulume, anoho muvano mwugi gwu vuta.

Jeremia 5:26

“Avandu vadamanu vamenyaa hagati ha avandu vange; viivisi nukulindilira kuli avasaza vategi umutego vagumiri amanyonyi, navuzwa vamali kotega mitego jaavo kugumira avandu.

Jeremia 5:9

Nyara kuvaha amageri kigira kokora vindu kuli yivi, kandi kuvanza kisaalia ku ihiiri kuli yiyi?

Jeremia 9:3

Vaveeye avetegeku vuli ing'inga kovora ovovehi. Kuvula kuvaho nu vusuuvirifu vwamihi ikivala kuvita uvusuuvirifu. Yahova avoora, “Avandu vange vakora uvudamanu ku vundi, kandi sivambugilira kuli Nyasaye wavo mba.”

Jeremia 9:4

Mugelihi ku avalina vinyu; mutasuuvira avamwavo vinyu mba. Vuli amwavo aveeye umuvehi, kandi vuli mundu aginaa nu mulina weve.

Jeremia 9:5

Vuli umundu aveheraa mutende weve, kandi siaveeyeho kali mulala ovola agiligali mba; vayiga okovoola vugadi vakoolaa uvudamanu kandi varuha kwiganira.

Mika 6:12

Avatugi vinyu vanyaga vadaka, kandi munyi mwosi muveeye avagaadi.