Jeremia 9:2 - KITABU KITAKATIFU

² Nzegomba ndava na havundu ho komenya muchangalangwe, handali nyalakuva ihale kutura ku avandu vange. Vosi sivaveeye avasuuvirifu mba, vaveeye umuganda gwa vazami.

Jeremia 9:2 Iomraidhean Croise

Isaya 59:3

Kigira munyi mwitaa na makono ginyu kandi mukoraa uvudamanu ni videte vienyu, muvooraa ovovehi ni minwa jinyu kandi zinimi zienyu zimonya uvuchamu.

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Jeremia 12:6

Kali avamwavo vovo, avandu vinyumba yooyo yene, vamali kukuzaama; vasanga mulingililwa liilio. Utavasuvira mba kali niiva vamoloma amakuva malahi.”

Jeremia 13:22

Nimuva nimuteeva kigira ki ivindu yivi viosi vimali kwekoleka ku munyi, kigira ki zinguvu zienyu zimali kutanduka kandi mumali kwonogonywa, gaveeye kigira vwoni vwinyu voveeye vudamanu ligali.

Jeremia 23:10

Kivala chayizula avandu vataveeye avasuuvirifu ku Yahova; vamenya limenya liuvuchamu kandi vatumikira zinguru ziavo vudamanu. Avandu vi kivala vasioma kandi uvwayilu vwayuma kigira kilaamo cha Yahova.

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Jeremia 5:1

Munyi avandu va Jerusalemi, munyaguli yiyi ni yiyi mu zinzira! Muhenze vuli muzimbega na mwelolere aveene! Mwenyelerizi mu vilitu! Munyala konyoora mundu mulala okolaa agaveeye amalungi, kandi ogerizaa kuva musuuvirifu ku Nyasaye? Niiva mulamunyoola, Yahova alamusamiiha.

Jeremia 5:11

Avandu va Isiraeli na Ivuyuda si vaveeye avasuuvirifu ku inzi mba. Inzi Yahova mali kovora.”

Jeremia 5:2

Kali niiva muvooraa musigamira Yahova, simukola agagiligali mulimusigamira liinyu mba.

Hosea 4:2

Valomba malagano kandi sivatwekizaa mba. Vavoola vovehi, vita, viva, kandi vakora voheyi. Zimbi ziamedeka, kandi iliitana liveeye linyingi ligali.

Hosea 5:7

Si vaveeye avasuuvirifu ku Yahova mba. Avana vaavo sivaveeye aveeve. Kalunu ku ing'inga yi lisavo mu mweli muhia, valadivizwa harara ni milimi jaavo.

Hosea 6:7

“Navuzwa ha Adamu vaavunaga lilaga liange, ahene yayo vavura kuva vasuuvirifu kuinze.

Hosea 7:4

Vosi vaveeye avagaadi kandi sivaveeye avasuuvirifu mba. Livihirirwa liavo liaka kuli muliru, gutafaanwa numudeki kuduuka lwuvusie vwetegeki kodekwa.

Mika 6:12

Avatugi vinyu vanyaga vadaka, kandi munyi mwosi muveeye avagaadi.

Zefania 3:4

Avaporofeti sivadukanaa mu miyinzi jaavo mba, kandi vaveeye avagaadi. Avasaalisi vonogonyia viveeye vitakatifu kandi vaagirung'anyia malago ga Nyasaye kulienya liavo.

Malaki 2:11

Avandu vi Ivuyuda vamali kuvunaga lilagana lia Nyasaye kandi vakora vudamanu ligali mu Jerusalemi kandi mu kivala choosi. Vayonogonyia litembeli lia Yahova ya yaanza. Avasaza valeta vakali vasigamira vanyasaye avageni.

Malaki 2:14

Muteeva, “Kigira ki navula kuvivugilira?” Kigira yamanya vulahi ndi wavunaga malago ku, mukali wa waleeta nukikiri musoleri. Yaali mukali woovo kandi wavunaga lilagana liilio kuye, kali niiva walagana imbiri wa Nyasaye ndi ulava musuuvirifu kuye.

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.

Vakalagi 2:10

Likula liene yili liosi liakuza, kandi likula lialonda ku liivilira Yahova harara na gayaali niyaakolera Isiraeli.