Jeremia 9:16 - KITABU KITAKATIFU

¹⁶ Ndavasalanyira muzihiiri ziayavo kali avaguuga vaavo vakiri kuzihulira ku, kandi ndavatumira amahi gavingiliri kuduuka lwambadiviza ligali.”

Jeremia 9:16 Iomraidhean Croise

Nehemia 1:8

Mwaza ngusaala, yizuliza kalunu likuva lia walaga mutumikiri woovo Musa, noovoola, ‘Niiva munyi avandu va Isiraeli mulavula kuva avasuuvirifu ku inzi, ndamusalanyia hagati ha avandu vi zihiiri zindi.

Zaburi 106:27

nukusalanyia visukululwi viavo hagati ha vandu vatamanyi Nyasaye, nukuvaleka vakuziri muvivala vigeni.

Kohelethu 12:5

Ulava nuvuti kogenda ku vigulu, ulava mu vuhimwa. Liisu liilio lilagirung'ana live zimbuzi, vulava vudinyu kuivi kogenda kandi liegomba liosi lilahera ku ivi. Lwa nove nuzizaa hango ho kososa mihiga ni mihiga, avasiomi valakagendagende mu zinzira nivasioma.

Jeremia 13:24

Yahova alamusalanyia kuli mukuzi guhuuziywi ni mbuuza yumuchangalangwi.

Jeremia 24:10

Ndaleta iliihi kuvo, inzara kandi uvulwaye kuduuka vosi valadivi. Si halakaveho kali na mulala ulitigala mu kivala cha ndaavaha harara na avaguuga vaavo mba.”

Jeremia 25:27

Maku, Yahova yambolera, “Ovoolere avandu ndi, Inzi Yahova Wuvunyali, Nyasaye wa avandu va Isiraeli, mbalagaa vanwi iwaini yiyi kuduuka lwa vahambika kandi valuki, valagwa hasi kandi si valavuka mba, kigira iliihi lia ndetaanga hagati haavo.

Jeremia 29:17

Yahova Wuvunyali avoora, ‘Inzi ndaleta kuvo iliihi, inzara enene ligali kandi uvulwaye, kandi ndavakora vave kuli amakuyu gaguunda agaveeye amadamanu ligali kali agatanyala kulivwa mba.

Jeremia 44:27

Inzi ndalora ndi munyi si mulagasizwa mba, navuzwa muladivizwa. Munyi vosi avamenyi mukivala cha Egebeti mulakuzira mu liihi anoho mulakuza kigira inzara, kuduuka mwosi muhere.

Jeremia 7:29

“Musiome, munyi avandu va Jerusalemi, muvege liisu lienyu na mulisiuvi ihale. Mwimbi zinyimbu zie likuza ku zindongozi zie vigulu, kigira inzi Yahova mbeeye nu vutima, mali kusuura avandu vange.

Jeremia 8:19

Muhulirizi! Mbulira avandu vange nivalira mukivala choosi: “Yahova yatura mu Ziyoni? Mwami wa Ziyoni yatura yo kandi naye?” Yahova, mwami wavo yativura, “Kigira ki mwakora inzi kuva nu vutima ku lisigamira vifananyi viinyu! Kandi linamira avanyasaye vinyu avageni avataveeye kindu?”

Ezekieli 11:17

“Kunangwa uvavoolere aga inzi, Mwami Munene Yahova mboraa. Ndavavungiza kutura muvivala uwa ndavasalanyira, kandi ndakavilanyili kivala cha Isiraeli.

Ezekieli 12:15

“Lwa nambasalanyiri mu zihiiri zindi, kandi muvivala vigeni, navamanye ndi, inzi mbeeye Yahova.

Ezekieli 14:17

“Anoho niiva ndaleta iliihi ku kivala yiki nukutuma iviugi viu kudiviza vandu, harara ni zinyama,

Ezekieli 20:23

Kunangwa ndalomba lilagana lindi navo mwigendanyama. Ndisuuha ndi ndakavasalanyiri hagati hi zihiiri muvivala viosi.

Ezekieli 27:2

Yavoola, “Mwana wu Mundu, wimbiri avandu va Tiro lwimbu lwi likuza,

Ezekieli 5:12

Kedonye chu kutanga cha vandu vovo valakuza kigira vulwaye kandi inzara mu lidaala; kedonye kindi cha kaviri valitirwa mu vulwani ichova wi Lidaala, Kedonye cha kavaga chu kumaliriza ndakisalanyia mu imbuza kandi ndavakunga ni kivavi.

Ezekieli 5:2

Lwi likumberiza lie lidaala lihera, uvuguli kedonye chukutanga ma ukisambiri hagati hi lidaala zana yili. Uvuguli kedonye chakaviri okikalanyie ni kivavi lwa ovodongana ichova wi Lidaala yili. Usalanyie kedonye cha kavaga kunangwa imbuza iduuki kukiduminya, na ndakelondelera ni kivavi change.

Kyavalevi 26:33

Ndaleta vulwani ku munyi nokumusalanyia muvivala vigeni. Kivala chienyu kilang'anywa na madaala manene ginyu galatigala mang'anye.

Amosi 5:16

Kunangwa Yahova Nyasaye Wanyala Viosi avoora, “Lilavaho lilira ni lisioma lie liverera mu zinzira zia madaala manene, kali avalimi valalangwa kuzia kusiomera avakuzu na avaveeye nelimanya liokusioma.

Mika 2:4

Lwi ing'inga yene yiyi iduuka, avandu valatumikira makuva ginyu kuli kelolero chi kivi, na valimba ulwimbu yilu lwu kukuza mwoyo. Kigira vindu viamwavitiramu: Kumali kudivizwa ligali! Yahova umali kuvugura milimi jietu, kandi ujigavuliyi yavo avakuhila muvuhambe.”

Zekaria 7:14

Ndavasalanyia kuli kiihi nimbahila komenya muvivala vio vogeni. Kivala kilahi yiki chaalekwa chere vugira mundu komenya mucho.”

Kwidzulitsa 28:25

“Yahova alakola vasigu vinyu va muguuti. Mulavingilira kutura mulovega lulala, navuzwa mu liruka kutura kuvo mu zimbega saba, kandi avandu vosi vu mulirova valadegerizwa lwa valora ichekolekaa ku munyi.

Kwidzulitsa 28:36

“Yahova alamuhila harara nu mwamihi munene winyu mukivala kegeni, uwa munyi anoho avaguuga vinyu vavura komenya maziambiri. Uwene yeyo, mulasigamira avanyasaye vavaazwa ku misaala namagina.

Kwidzulitsa 28:64

“Yahova alamusalanyia hagati hi zihiiri ziosi kutura kolovega lulala lwe keheri chi lirova kuduuka kolovega lundi, kandi uwene yeyo mulatumikira avanyasaye valombwa kutura ku misaala na magina, avanyasaye va munyi anoho avaguuga vinyu vavura kusigamira amaziambiri.

Kwidzulitsa 32:26

Ndakavadivizi ligali, kunangwa avuli kuva ho nu uvizuliza.

Kwidzulitsa 4:27

Yahova alamusalanyia hagati hi zihiiri zindi, uwa avakeekeke vuzwa ku munyi valatigala mwoyo.

Yakobo 1:1

Inzi Yakobo, Mutumikiri wa Nyasaye kandi wu Mwami Yeso Kristo: Nduma mirembe jange ku munyi, zihiiri likomi na ziviri zia avasalanywa mu kivala choosi.