Jeremia 9:11 - KITABU KITAKATIFU

¹¹ Yahova avoora, “Ndakora Jerusalemi ikitumi cha mang'anye, ahavundu hivivwi vimenya; amadara givuyuda galagwa viangalangwe, havundu hu mundu atamenyi.”

Jeremia 9:11 Iomraidhean Croise

Nehemia 4:2

Yavoola imbiri wa avalina veve kandi imbiri wi liihi lia vandu va Samaria, “Avayuda vadedekere yava vaganagana vakora ki? Venya ukwumbaka vushia lidigi lie lidaala linene? Vaganagana ndi ku lihaana visiuviliru vanyara kumala miyinzi zana mu lidiku lilala? Vanyara kolomba magina gukwumbakira kutura mu vitumi vie ivianyi viasambwa?”

Zaburi 107:43

Vosi avaveeye avageri, vaganagane ku makuva gi vindu yivi; kandi vaduuki kuganagana ku vuyanzi vwa Yahova vutaveeye ne keheri.

Zaburi 44:19

Navuzwa wakoleka hagati hi zinyama ziu mwigendanyama, kandi wakukunika ni chiriri chi likuza.

Zaburi 79:1

O, Nyasaye, avandu vizihiiri vamali kwingira mu kivala chicho. Vamali kwononyia Litembeli liilio Litakatifu, kandi vakoli Jerusalemi kuva amang'anye.

Isaya 13:22

Zimbiti zilafuma mu zimbinga zia zio, na vivwi vi laloka mu zinyumba ziuvusangali ziazio ziu vwami. Ing'inga yu kudiviza lidaala linene lia Babiloni iduuki! Amadiku galio sigalamedwa kandi mba.”

Isaya 25:2

Umali kokora madaala manene kuva mang'anye nukwononyia zimbiga ziago. Zinyumba ziuvwami zia vasigu viitu vumbaka zituliho mihiga ni mihiga.

Isaya 34:13

Amafwa ni zindavati na matagalo zilamera mu zinyumba ziavo ziosi ziu vwami, nukumadigi gamadaala, kandi maudo ni vivwi vilakamenye mu.

Isaya 44:26

Navuzwa lwu mutumikiri wange aporofetaa, kandi lwa nduma mutumwa wange kuvuula lilohiza liange, ngolaa ovolohizi yivwo novoporofeti yivwo kuva vwa giligali. Mbolera Jerusalemi ndi avandu valamenya yo kandi; kandi mbolera madaala manene gi Ivuyuda ndi galumbakwa vuhia kandi. Madaala manene yago gasingirizwa kutura mu mang'anye.

Jeremia 1:15

kigira ndalaga zihiiri ziosi kuza kutura Ivaale. Avami vaavo valalomba uvwami vwavo ha vwingiliru vwi virivwa via Jerusalemi, kandi ku zimbega ziosi zia amadigi, kandi ku zimbega ziosi zia amadara gi Ivuyuda.

Jeremia 10:22

Huliri! Konyooye amakuva mageni! Umuliviti munene goveeyeho kutura mu ihiiri ya Ivaale; avamahi gayo valagirung'anyia amadara gi Ivuyuda kuva viangalangwe, havundu hi vivwi vimenyi.”

Jeremia 16:10

“Lwanovoolere avandu yava yaga goosi, vaza vakoteeve ndi, ‘Kigira ki Nyasaye alagi kivi kenene yiki kukwingilira? Ni vudamanu ki vwa kwakora? Nivwoniki vwakumali kokora ku Yahova Nyasaye wiitu?’

Jeremia 25:11

Kivala yiki choosi kilatigala amang'anye kilava kindu chokogenyia; zihiiri yizi ziratumikira mwami wa Babiloni ku mihiga 70.

Jeremia 25:18

Jerusalemi kandi na amadara manene goosi gi Ivuyuda, harara na avami kandi na aviimiliri vago, vanwi iwaini yiyi, kunangwa vaduuki kugwa changalangwi, chukutiihiza kandi chokogenyia, kunangwa avandu valatumikira amita gaavo kuva kuli kilaamo kuduuka lero.

Jeremia 26:18

“Lwa Hezekia yaali mwami wi Ivuyuda, muporofeti Mika wa Moreshezi yavolera avandu vosi ndi Yahova Wuvunyali amali kovora, ‘Ziyoni yaza ilimwi kuli mulimi, Jerusalemi neeve kuli kitumi cha mang'anye, kandi kiguru chi Litembeli nakigwi mulitu!’

Jeremia 26:9

Kigira ki novoora mu lieta lia Yahova ndi, Litembeli yili lilava kuli Shilo kandi lidaala yili liradivizwa na siaveeyeho kali mundu ulimenya mu mba?” Maku avandu vizura nivangumberiza.

Jeremia 34:22

Nambane lilaga, kandi navirane mu lidaala yili. Vaza vavingiliri, navaligumiri ma navalisambe numuliru. Nangore madaala gi Ivuyuda nagagwi kuli changalangwi havundu humundu atamenyi. Inzi, Yahova, mali kovora.”

Jeremia 4:27

Yahova umali kovora ndi, lirova liosi lilava ligendanyama, navuzwa sialalidiviza ligali mba.

Jeremia 44:2

Yahova Wuvunyali, Nyasaye wa avandu va Isiraeli avoora, “Munyi aveene mumali kolola lidiviza liandaaleeta ku Jerusalemi kandi madaala gandi goosi gi Ivuyuda. Kali kuduuka kalunu ndi gaveeye vuzwa amang'anye, kandi sihaveeyeho nu mundu omenyi mugo mba,

Jeremia 49:33

Lidaala lia Hazori lilakolwa changalangwi mihiga ni mihiga, havundu hi vivwi vimenya vieng'ine. Mundu si alamenyayo kandi mba. Inzi Yahova mali kovora.”

Jeremia 50:3

“Ihiiri kutura Ivaale imali kuuza nukwingilira Babiloni kandi ilaliloomba kuva changalangwi. Avandu ni zinyama valiruka kandi siaveeyeho kali mulala ulimenyayo mba.”

Jeremia 51:37

Kivala yicho cha Babiloni kilagwa kitumi cha mang'anye, havundu hi zinyama ziu muvulimu zilakamenye. Kilakave kivala chu vuti; mundu sialakamenye mu mba, kandi vosi avalolaa kivala yiki, valakave nuvuti ligali.

Jeremia 8:22

Lunyasi luvulaho mu Gileadi? Avaahi vi zinyasi vavulayo? Kigira ki avandu vange sivanyooye lihona mba?

Lisyoma lya Jeremia 1:4

Kalunu si haveeyeho nu mundu uzizaa mu Litembeli ku lidiku litakatifu ku sigamira Nyasaye mba. Avakaana viimba zinyimbu vaveeye mu vudinyu, kandi avasaalisi vaveeye vuzwa mulikenya vilivwa via Ziyoni viveeye iviere, kandi avandu va Ziyoni vaveeye mu vusaliri vululu.

Lisyoma lya Jeremia 2:2

Yahova amali kudiviza visukululwi via Yakobo viosi vugira livererera. Mu vutima vwivwe, amali kuvunanyia zimbinga zie lidaala lie Ivuyuda; yikiza uluyali lwu vwami harara na vamiihi vavwo nukuvaviika mu zisoni.

Lisyoma lya Jeremia 3:47

Kwadivizwa ma kwatigara amang'anye; komenyaa muvuhimwa nuvuti.

Kyavalevi 26:32

Ndadiviza kivala chienyu ligali kali avasigu vinyu vamenyamu valagenya kigira lidiviza yilio.

Mika 1:6

Kunangwa, Yahova avoora, “Ndakora lidaala linene lia Samaria kitumi cha mang'anye mu kivala, havundu hukusimika mizabibu. Ndasundura vijonjo via magina vie lidaala linene hasi mu livona, na ndadiviza imise ji lidaala linene lia Samaria.

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”

Kwidzulitsa 29:23

Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.

Likunula 18:2

Kandi yahanzuka nu mwoyo gwi zinguru navoora, “Limali kugwa! Lidaala linene lia Babiloni limali kugwa ovomenyo vwa mademoni, kandi ugwiyi ovomenyo vwa amanyonyi madamanu na gukuvihiliriza goosi.