Jeremia 8:9 - KITABU KITAKATIFU

⁹ Avandu vovogeri valaviikwa mu zisoni, kohenda mioyo kandi valagumirwa; vamali kusuura makuva gange. Kalunu vogeri ki vwa vaveeye navwo?

Jeremia 8:9 Iomraidhean Croise

2 Avami 17:15

Vasuura kuhulira amigizu geege, sivalinda lilagana lia Yahova yalomba na vaguuga vaavo mba, kandi vachaaya lieganihiza lilie. Vasigamira misambwa gitakonya kindu kandi ni vaagwa veene avatakonya kindu choosi, no kolonda likora lie zihiiri zia vakumbiriza, ni vavura kuhulira lilaga lia Yahova ndi vavuli kokora kuli vo.

Ayubu 5:12

Yononyia, lilohiza lia avagaadi, kunangwa vavuli kuduukiza agavasaavira kokora.

Ayubu 5:13

Agumiraa avageri mu vogeri vwavo; Kandi agayaa lilohiza liavo liu vugadi ma lihelizwa vwangu.

Zaburi 19:7

Lilaga lia Yahova liveeye liduukiru, liheezaa mundu zinguru zimbia. Amalago ga Yahova ahaanaa gaveeye gukusuuvirwa, gahaanaa ovogeri ku yavo avatali navwo.

Isaya 19:11

Aviimiliri vi lidaala linene lia Zoani vaveeye avasiru! Avasaza avageri vu Mwami wa Egebeti vahaana zing'anagani ziu Vusiru! Ndi kovoolera mwami yavo nivo vavugura vogono vwa vandu vageri vavami va kale?

Isaya 29:14

Kunangwa ndagosa avandu yava na maduywa galondekanaa vugira yavo kumanya. Yavo avaveeye vageri valagirung'ana kuva avasiru, na ovogeri vwavo vwosi vulava uvutakoonya kindu kali hakuzu.”

Isaya 43:27

Avaguuga vinyu vukutanga vaakora uvwoni, aviimiliri vinyu vaangolera uvwoni,

Isaya 8:20

Uvativuliri ndi, “Muhulirize ga Yahova amwigizaa! Mutahulirizi amigizu gavasigitiri mba, agavamuvoolera sigalatuliza ho vudinyu mba.”

Jeremia 15:6

Munyi avandu va Jerusalemi mumali kusuura inzi; mumali kugirung'ana kutura ku inzi. Kulwayago, mali kuhaana amageri ku munyi kandi kumudiviza, kigira si ndaali nyara kumanyia livererera mba.

Jeremia 19:7

Havundu hano, ndononyia lilohiza liosi lia avandu vi Ivuyuda na Jerusalemi. Ndakaleke avasigu vaavo vavaguuti nukuvitira muvulwani. Ndakahaane miviri jiavo mikuzu ku amanyonyi kandi zinyama ziumbulimu kuli chukulia.

Jeremia 2:8

Avasaalisi si vateva, ku ‘Yahova aveeye hayi?’ Yava avaari ni lilago sivamanya inzi mba. Avamihi vibaara ku inzi avaporofeti vaporofeta mu lieta lia Baali, kandi nivasigamira vifananyi via vuzwa.”

Jeremia 49:7

Yaga nigo aga Yahova Wuvunyali yavoola kigira avandu va Edomu: Avandu va Edomu vagotiza likalaga liavo lilahi? Avahaani viziganagani vaavo vanyara kuvavolera chokokola? Vogeri vwavo vwosi vwagota?

Jeremia 6:15

Vaali nizisoni kigira vakora ivindu viukuvihiliriza yivi? Awa, sivali nizisoni kali hakuzu mba; sivaheendaku mwoyo mba. Kulwayago valagwa kuli avandu vandi vamali kugwa; lwanambahe amageri, yilio nalive limaliriza liavo. Inzi Yahova, mali, kovora.”

Jeremia 6:19

Huliri, avandu! Kuli amageri kigira lilohiza liavo ndaleta lidivizwa ku avandu yava, kigira vasuura amigizu gange kandi sivahulira amakuva gange mba.

Ezekieli 7:26

Kivi kenene kilaaza vuli kase kandi ulusuma lwa makuva govovehi lulaza. Valageliza konyoora malola kutura ku muporofeti; liegiza lielilaga navasaalisi lilagota, kandi lihaana zing'anagani kutura ku vakulundu lilagota.

Amosi 2:4

Yahova avoora, “Avandu vi Ivuyuda vamali uvwoni haali kanyingi, na kigira yaga ndavaha amageri ligali. Vamali koleka kolegeriza amigizu gange kandi vavuli kugumira amalago gange. Vamali kogotizwa na vanyasaye vuvugadi valala vere ava avavaguuga vaavo vasigamira.

Zekaria 13:4

Ku lidiku liene yilio, vuli muporofeti aladuuka mu zisoni na malola geege lwava naporofetaa. Muporofeti sialiviika inguvu yu vwoya yu voporofeti kunangwa aduuki kugaada vandu.

Kwidzulitsa 4:6

Mugalonde nokugakola nu vusuuvirifu kigira yaga galamanyia avandu vizihiiri zindi kuli muveeye avageri kandi avilimanya. Lwa vahulira malago yaga goosi, valavoora, ‘Ligali ihiiri enene yiyi veveeye no vogeri kandi ni limanya!’