Jeremia 8:7 - KITABU KITAKATIFU

⁷ Kali amagungu gaamanya ing'inga yu kwirana; kali amakuulu, ziminyi na amang'oani gaamanya ing'inga yu kung'anya. Navuzwa avandu vange munyi, si mwamanya amalago gange aga mwamiihiraa mba.

Jeremia 8:7 Iomraidhean Croise

Lwimbu lwa Solomoni 2:12

Amawa gatulizaa vimuli kukivala; ing'inga yu kwimba iduuki, lwimbu lwa makuulu luhulirikiraa mu milimi jitu.

Isaya 1:3

Zing'ombe ziamanya mwenezio kandi zibunda ziamanya mwenezio ahazilihizilaa. Navuzwa avandu vange Isiraeli sivamanyi mba, kandi sivahulira mba.”

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 5:12

Mu lilia lienyu musangalaa nimukuba uvukana, amadungu, amarere, kandi zisugudi, kandi ni munwa iwaini. Navuzwa simuveeye ni limanyiriza miyinzi ja Yahova Nyasaye akola mba.

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Jeremia 5:6

Kulwayago avasigu valaza kutura mu militu kuli zisimba nukuviita, kandi valaza kulia vivwi kutura mu changalangwi nu kuvatandulanyia mu vidonye. Avasigu yava valavagoneka kuli zingo mu madaala gaavo. Niiva avandu yava valatura ichova, valatandulanywa mu vidonye kigira uvwoni vwavo voveeye uvunyingi. Vuli ing'inga vagirung'ana kutura ku Nyasaye.

Habakuk 1:4

Malago sigaveeye ni zinguru mba, kandi gaveeye vuzwa, vulungi sivokolwaa mba. Avandu vadamanu vanyoola vindu vilahi via vandu valungi, kandi vulungi vuchaminywaa.

Zekaria 5:9

Ndahenza ma nindora vakali vaviri nivaveeye ni zimbaha zie zinguru kuli zie ling'oani; vaburuka nivaaza wa ndaali. Vaavugura kihinda ma nivaburuka nacho.