Jeremia 8:6 - KITABU KITAKATIFU

⁶ Ndaahuliriza vulahi ligali, navuzwa si mwavoora agiligali mba. Kali mundu mulala kumunyi siyaverera kigira uvuchamu vwivwe mba; kandi mundu mulala siyeteeva ku ndi, ‘Kindiki kidamanu cha inzi mali kokora?’ Vuli mundu azizaa kunzira yeeye umwene, kuli ibarasi inyagura zimbiru kuzia mu vulwani.

Jeremia 8:6 Iomraidhean Croise

Ayubu 10:2

Nyasaye, utangalagira mba; Ombolere ni vudamanu ki vujira nungalagira?

Ayubu 34:31

Ayubu, ivi wayiyama uvwoni vwuvwo ku Nyasaye nukulaga siulakola uvwoni kandi mba?

Ayubu 34:32

Wateeva Nyasaye akumanyie mahiolo googo? Kandi ivi wavugilira koleka likora uvudamanu?

Zaburi 14:2

Yahova ahenzaa ku vandu vosi kutura mwigulu, alole niiva haveeye ho na mulala oveeye mugeri, kandi niiva haveeye ho na mulala umusigamiraa.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 57:17

Ndavasinyikira kigira uvwoni nu vuviti vwavo, kunangwa ndaavaha mageri, kandi nimbaleka. Navuzwa vahindagiriza nivazizagilira kuzia mu zinzira ziavo aveene.

Isaya 59:16

Yahova ogenyi kolola ndi si haali nu mulala okonyaa avadambi mba. Kunangwa alatumikira zinguru zizie kuvasoora kandi kuvaha iliguuta.

Jeremia 23:25

Ndaamanya vaporofeti yavo kovora avavoora ovovehi mu lieta liange kandi vekola ndi inzi mali kuvaha amakuva gange mu maloto gaavo.

Jeremia 3:5

Simulasinyika ing'inga yoosi mba; simulava nu vutima kigira inzi kazozo mba.’ Isiraeli, yago nigo gamwavora, navuzwa mwakora uvudamanu vwosi kuli munyala.”

Jeremia 5:1

Munyi avandu va Jerusalemi, munyaguli yiyi ni yiyi mu zinzira! Muhenze vuli muzimbega na mwelolere aveene! Mwenyelerizi mu vilitu! Munyala konyoora mundu mulala okolaa agaveeye amalungi, kandi ogerizaa kuva musuuvirifu ku Nyasaye? Niiva mulamunyoola, Yahova alamusamiiha.

Ezekieli 18:28

Yizuliza agakolaa ma yiganira uvwoni vwosi vwakolaa, mundu ligali sialakuza mba, navuzwa alazizagilira komenya.

Ezekieli 22:30

Ndahenza umundu kutura muvo uwaali unyala kwumbaka lidigi, uwaali anyala kusingira ha vundu hamadigi gamali kugwa nukukinga vandu lwa ndaali ahimbi kuvadiviza, navuzwa sindanyola mundu kali mulala mba.

Danyeli 9:11

Avandu va Isiraeli vosi vaavunaga malago googo kandi vasuura kuhulira aga wavoola. Wavika ku kunyi kilaamo cha ng'odwa mu malago ga Musa mutumikiri woovo kigira kwamala kokora uvwoni.

Mika 7:2

Sihaveeyeho nu mundu mulungi utigaye ku lirova mba, sihaliho nu mulala oveeye musuuvirifu ku Nyasaye mba. Vosi vagoneka vaduuki kwita. Vosi vahimana nu mutego.

Zefania 3:7

Ndasuuvira ndi avandu vange vanyara kutia inzi kandi vavugiliri konyoora mageri gange, kunangwa vavuli kwivilira miigizu ga ndavigiza. Navuzwa vatanga kokora vudamanu kali kuvita ing'inga yindi.”

Haggai 1:5

Si muloraa chekoleka ku munyi?

Haggai 1:7

Si muloraa kigira yaga ni gekoleka?

Malaki 3:16

Maku avandu vaatia Yahova vavolerana, na Yahova yahuliriza ma naahulira cha vavola. Vang'oda imbiri weve mu kitabu chu kwizuliza yavo vosi avatia Yahova kandi avahaana luyali kuye.

2 Petro 3:9

Mwami sialindagiraa kutwekiza lilagana lilie, kuli avandu vandi vaganagana. Navuzwa, aveeye umwikuziri ni munyi, kigira siyenya umundu kali mulala ku munyi adivizwi, navuzwa yenya vosi vaduuki ku lieganira.

Likunula 9:20

Avandu vaatigara, avavura kwitwa na amaduywa yaga, siviganira ku miyinzi jamakono gaavo gakoraa mba. Kandi sivaleka kusigamira amademoni, anoho vifananyi vie zahabu, ji ifeza, umugasa, je ligina, ni jimisaala jitanyala kuyinzira, anoho kuhulira, anoho kogenda.