Jeremia 8:13 - KITABU KITAKATIFU

¹³ “Ndeenya kuviika avandu vange harara kuli umulimi avungiza ligesa lilie harara navuzwa vaveeye kuli mizabibu vugira amakuyu; kali amatu gene gamali kuniara. Kulwayago, mali kuvugilira avageni kuvugura kivala chavo.”

Jeremia 8:13 Iomraidhean Croise

Isaya 5:10

Mulimi gwi zihekita 10 ugwama amazabibu galatuliza zilita 8 vuzwa ziewaini zieng'ine. Na zikilo 180 ziu vumwu zilatuliza zikilo 18 ziu vuswage.”

Jeremia 14:12

Kali niiva valahonga lilia, nu kwanira ku inzi, si ndahulira lilira liavo kigira ovokonyi mba. Kali niiva valahaana vihaanwa viu kusambwa kandi, vihaanwa viu vuswage ku inzi, sindayaanzizwa navio mba. Navuzwa nditira avandu yava mu muvulwani, kandi ninzara enene ligali nuvulwaye.”

Jeremia 14:15

Inzi Yahova, ngovolera aganzizaa kokora ku avaporofeti yavo, ava inzi ndaavura kutuma navuzwa vamolomaa mu lieta liange nokovoora ndi vulwani kandi inzara si viladiviza kivala yiki mba. Inzi Yahova ndavitira mu vulwani harara ninzara enene ligali.

Jeremia 17:8

Aveeye kuli musaala gwasimikwa ahimbi ni migera ja mazi kandi gwahila miri ligali kuduuka ku mazi. Siguveeye nu vuti mu ing'inga ye kivasu mba kigira amatu gagwo si ganiara mba. Si guhenda mwoyo lwi imbura itaveeye ho mba; navuzwa guzizagiliranga kwama amakuyu.

Jeremia 5:17

Valononyia vitagwa vienyu kandi viukulia vienyu; valiita avayaayi na avakaana vinyu. Valasinza mitugu jinyu kandi valononyia mizabibu ni mikuyu jinyu. Liihi liavo liladiviza amadara ginyu gizimbinga agamwasuuvira.

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Ezekieli 22:31

Kunangwa muvutima vwange vululu, ndaaza mbane mageri ku vandu va Isiraeli ku aga vamali kokora, kandi navamanyirizi ndi inzi mbeeye nu vutima.” Yahova umali kovora.

Hosea 2:12

Ndononyia mizabibu kandi mikuyu jije josi ijayavoola ndi avasaza veve vamuha kigira yakola ovoheyi navo. Ndagirung'anyia mizabibu yiji kandi mikuyu yiji kuva umulitu, kandi zinyama ziu muvulimu zilajidiviza.

Joeli 1:7

Zimali kwononyia Makuyu gi mizabibu nukulia misaala jietu ja makuyu jietu. Zikuvuyi magodo gajio, iziisia zitigaye zinzere.

Kyavalevi 26:20

Liyinzira vudinyu lienyu lilava liavuzwa, kigira kivala chienyu sikilaama viukulia kandi mba misaala sijilaama makuyu mba.

Habakuk 3:17

kali niiva misaala ja makuyu givula kulaviza kimuli, anoho makuyu gavuli kuva ku muzabibu, kali ndio mizeituni givuli kwama, kandi milimi givuli kwama vuswage, kali niiva viayo viosi via magondi vikuza, kandi vigo vivuli kuva ni mitugu,

Haggai 1:11

Inzi mali koleta kimeyu mu kivala choosi: ku vigulu, mu milimi ju vuswage, mu milimi ji kizabibu kandi mu milimi ja mizeituni, kandi ku vuli kitagwa kimeraa, ku vandu, zinyama kandi ku vuli kindu cha mugerizaa kutaga.”

Haggai 2:17

Ndaatuma kihuzuzi kandi imbura ya magina kudiviza vindu viosi via mwageliza kutaga, navuzwa si mwiganira mba.

Malaki 3:11

Sindalekazingeza ziononye vitagwa vienyu mba, kandi ji mizabibu jinyu jilama makuyu manyingi.

Matayo 21:19

Yalora mukuyu kunyasi kwi inzira, maku yazia kugwo, navuzwa si yanyoora kindu kugwo mba, nigatali amatu geng'ine. Yagovoolera, “Utama kandi amakuyu mihiga josi mba!” Ahene yaho, mukuyu gwaniala.

Yakobo 1:11

Liuva litongaa harara nu vuhiu vwalio vululu kandi lisaamba nu kwuminya vulimu. Ikimuli chavwo kivungulukaa nuvulahi vwacho vudivizwa. Munzira ndala nzere, mutugi alakadivizwi lwazizagilira ni miyinzi jije.