Jeremia 8:12 - KITABU KITAKATIFU

¹² Avandu vange, mwaali ni zisoni kigira mwakora vindu viukuvihiliriza yivi? Awa, simwali nisoni mba sivahendaa mioyo jaavo kali hakuzu mba; si mwamanya kali lwa mwaali mu zisoni mba. Kulwayago, mulagwa kuli avandi vamali kugwa. Lwa mbana amageri ku munyi, yicho kilava keheri chienyu. Inzi Yahova mali kovora.

Jeremia 8:12 Iomraidhean Croise

Litanga 19:34

Lidiku lialondaku, mukaana munene yavolera mukaana muke ndi, “Inzi ndaali harara na baba wiitu vudiku vwa mugolova. Kalunu genda kumuhe iwaini ahambiki vudiku vwa kalunu, ma ivi ove harara naye, maku vuli mulala ku kunyi yiivuli mwana na baba wiitu.”

Zaburi 52:1

Kigira ki wigingilira vudamanu vuvwo, ivi mundu wi zinguru? Vusuuvirifu vwa Nyasaye voveeye vwi mihiga ni mihiga.

Zaburi 52:7

“Heenzi mundu uyu si yenya kweleda ku Nyasaye amusoore mba, navuzwa yasuuvira mu vutugi vwivwe ovonene, kandi yenya uvuhaliru mu vutugi vwivwe.”

Isaya 24:2

Vuli mundu alava ni kivi kilala chere: avasaalisi navandu, avatugwa na vanene vaavo, avaguli navagulanyi, avegobizi na vegobaa, avadaka na vatugi.

Isaya 3:9

Lihenza lie zimoni ziavo lilorekiza kuva liu kuhing'ana. Vamali kokora uvwoni havulavu, kuli lidaala linene lia Sodoma. Vamali kudiva! Vamali kwivika mu vudamanu aveene.

Jeremia 10:15

Vaveeye vuzwa kandi gavadukiraa valeganywi; valakadivizwi lwa Yahova aliiza kuvaha mageri.

Jeremia 14:15

Inzi Yahova, ngovolera aganzizaa kokora ku avaporofeti yavo, ava inzi ndaavura kutuma navuzwa vamolomaa mu lieta liange nokovoora ndi vulwani kandi inzara si viladiviza kivala yiki mba. Inzi Yahova ndavitira mu vulwani harara ninzara enene ligali.

Jeremia 23:12

Zinzira ziavalondamu zilava zindelere kandi ziekisundi; inzi ndavakora vichigatiri kandi vagwi. Nziza koleta kivi kuvo; ing'inga yaavo yokohevwa amageri yiza. Inzi, Yahova mali kovora.

Jeremia 3:3

Yiki nicho chagira imbura nivula kukuba kandi imbura ying'inga yilisembera nivula kuuza. Kali muheezaa kuli avataveeye avasuuvirifu; muvura zisoni.

Jeremia 44:10

Navuzwa kuduuka kalunu, ndi, mukikiri kwegehiza aveene mba. Mukikiri kuhaana luyali ku inzi, kandi mukikiri komenya kolondekana na malago goosi ga ndaamuha kandi ga ndahaana ku avaguuga vinyu mba.

Jeremia 6:15

Vaali nizisoni kigira vakora ivindu viukuvihiliriza yivi? Awa, sivali nizisoni kali hakuzu mba; sivaheendaku mwoyo mba. Kulwayago valagwa kuli avandu vandi vamali kugwa; lwanambahe amageri, yilio nalive limaliriza liavo. Inzi Yahova, mali, kovora.”

Jeremia 6:21

Kunangwa ndakora avandu yava visigatiri nu kugwa. Avababa, avana, avalina kandi avatende vosi valakuza.”

Ezekieli 23:18

Lwa yaali ni yakakola uvulaya, kandi namanyi uvudamanu vwivwe havulavu, ndaamuleka kuli ndaaleka amwavo weve.

Hosea 5:9

Lidiku liu kuhaana mageri lizaa, na Isiraeli ilatigara mang'anye. Munyi avandu va Isiraeli, ligali yaga galakoleka ku munyi!

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Kwidzulitsa 32:35

Ing'inga yiza lwa valiguutwa, ing'inga yi lidivizwa liavo eveeye ahimbi. Lidiku lie lidivizwa liavo leveeye ahimbi.

Vafilipi 3:19

Keheri cha avandu yava keveeye ilidivizwa, kigira nyasaye wavo ni lienya lie imiviri jaavo, kandi vasangalira vindu viavenyekaa vave ni zisoni navio. Zing'anagani ziavo ziveeye vuzwa ku vindu vie lirova yili.