Jeremia 8:1 - KITABU KITAKATIFU

¹ “Ku ing'inga yene yeyo, vigumba via avami vi Ivuyuda kandi vigumba via avanene, avasaalisi, avaporofeti kandi na avandu vandi vosi avamenyaa mu Jerusalemi, vilakatulizwi mu virindwa.

Jeremia 8:1 Iomraidhean Croise

1 Avami 13:2

Kolondekana ni lilaga lia Yahova, muporofeti zana oyo, yahanzuka kukalagira vwali navoora, “O, vwali! Vwali! Yaga nigo ga Yahova avoora, ‘Muyaayi alivulwa munyumba ya Daudi lieta lilie lilava Josia. Aliitira ku ivi vasaalisi vatumika ku vwali vwa vandu vasigamira misambwa kuli visiuviliru, kandi alasambira vigumba via vandu ku ivi.’ ”

2 Avami 23:16

Maku Josia yikivuka nalora vilindwa vilala iviali ku kiguru, yavavolera vatulizi mu vigumba nu kuvisambira ku vwali. Munzira yiyi, yononyia uvwali, nakora agu muporofeti yaali ni yaporofeta kale ing'inga yi lisavo lwu mwami Jeroboamu yaali nasingiyi himbi nu vwali. Mwami Josia yahenza nalora kilindwa chu muporofeti wavoola makuva gi liporofeta yili.

2 Avami 23:20

Yitira ku vwali yivu avasaalisi vosi vavura kumanya Nyasaye kandi nasambira ku vuli vwali ivigumba via vandu, ma ni yirana Jerusalemi.

2 Avami 9:37

Zinyama ziu muviri gwigwe zilakasalanywe uwene yeyo kuli isingu, kunangwa mundu kali mulala sialakanyalize kugumanyiriza.’ ”

Zaburi 53:5

Navuzwa valatiihizwa ligali, kali kuvita kuli lwa vaali maziambiri, kigira Nyasaye alasaranyia ivigumba via avasigu va vandu veve. Nyasaye umali kuvasuura, kandi avandu va Isiraeli valavaguuta ligali.

Jeremia 14:16

Avandu vavaporofeta ku amakuva yaga, valakitirwi mu inzira ndala nzere. Miviri jaavo jirakasiuvwi mu zinzira zie lidaala linene lia Jerusalemi, kandi sialakaveho nu mundu kali mulala ulakajiyaviri mba. Yaga goosi galakakoleke ku avandu vosi harara na avakali vaavo, avayaayi na avakaana vaavo. Ndakavakole valatungi uvudamanu vwavo aveene.”

Ezekieli 37:1

Ndaahulira zinguru zinene zia Yahova, kandi Roho weve yambugura nambira indangu mu livona uwi vigumba viali niviizura.

Ezekieli 6:4

Uvwali volononywa nu uvwali vwi vifunyaa umwayu vuladivizwa. Ndiita avandu vosi uwene yeyo, imbiri wi vifananyi viavo.

Ezekieli 6:5

Ndasalanyia miviri ja vandu va Isiraeli; Ndasalanyia nu kukumberiza uvwali vwavo.

Amosi 2:1

Yahova avoora, “Avandu vi kivala cha Moabu vamali kokora uvwoni haali kanyingi, na kigira yaga ndavaha amageri ligali. Sivahaana luyali ku vigumba viu mwami wa Edomu kulivisaamba kuduuka nivigwa ligoke.