Jeremia 7:9 - KITABU KITAKATIFU

⁹ Munyi mwivaa, mwitaa, mukoraa ovoheyi, muvooraa ovovehi mu liesuha, muhaana visiuviliru ku Baali, kandi musigamira avanyasaye vandi avamwavula kumanya maziambiri.

Jeremia 7:9 Iomraidhean Croise

1 Avami 18:21

Elija yazia ku vandu zana navoora, “Galavugula lohono ki kunangwa munyi muduuki ku likalaga? Niiva Yahova ni Nyasaye, mumusigamiri; navuzwa niiva Baali aveeye nyasaye, mumusigamiri!” Navuzwa vandu sivativula likuva kali lilala mba.

Kutwula 20:3

“Mutasigamiri vanyasaye vandi nataveeye inzi mba.

Isaya 1:13

Mutandeteli vihaanwa vienyu vitaveeye novokoonyi kandi mba. Lifunya lie kimuli cha musambaa limbihilirizaa. Sinyala kwikuzira ku amasavo ginyu gu mweli muhia, Amasabato, na mavugano ginyu; viosi vikoleywe vidamanu nuvwoni vwinyu.

Isaya 58:2

Vuli lidiku vazaa ukusigamira. Vakayilangwa kumanya zinzira ziange, kuli yavo vaveeye ihiiri ekolaa uvulungi kandi itiviliraa malago ga Nyasaye wavo. Vatevaa inzi likalaga lirungi, kandi valoreka kuva nuvuha ukwisunda ahimbi ninzi, Nyasaye wavo.”

Jeremia 1:16

Ndahaana amageri ku avandu vange vosi kigira vamali kokora uvwoni; vamali kondeka, kandi vamali kuhaana visiuviliru ku avanyasaye vandi, kandi vamali kolomba vifananyi nu kuvisigamira.

Jeremia 11:13

Avandu vi Ivuyuda vaveeye na avanyasaye avanyingi kuli vaveeye na amadara amanene, agavaveeye nago, kandi avandu va Jerusalemi valomba uvwali uvunyingi kuli zinzira ziveeye mu madaala manene nu kuhaanira ku visiuviliru ku Baali, nyasaye wu kuvihiliriza?

Jeremia 11:17

“Inzi Yahova Nyasaye Wuvunyali, ndaasimika avandu va Isiraeli kandi Ivuyuda kuli misaala, navuzwa kalunu ndavatiihiza ku lileta ikivi kuvo. Vamali kweletera yaga aveene, kigira vamali kokora vudamanu ligali; vamali kokora inze kuva nu vutima ku lihaana visiuviliru ku Baali.”

Jeremia 13:10

Avandu vadamanu yava vasuuye kutia inzi. Vamala kuva avahindagirizi kandi avachamu kuli maziambiri, kandi vamala kusigamira nukuyinzilira avanyasaye vandi. Kulwayago valava kuli zimbala yizi zitaveeye zindahi mba.

Jeremia 18:15

Navuzwa avandu vange vamali kunzivilira! Vahaana vihaanwa vie vimuli ku vifananyi. Vamali kwichigatira kuinzira yavaduukana kogenda ku, sivalonda muzinzira ziakale mba; vagenda kuzinzira zitaveeye zinungi.

Jeremia 19:4

Nziza kokora yaga kigira avandu vamali kondeka kandi vononyi havundu yaaha nukuhaana zisadaka zievisiuviliru ku vanyasaye vandi - Yavo aveene anaho avaguuga vaavo anoho avami vi Ivuyuda sivamanyi kindu kigira avanyasaye zana yavo mba. Vamali kwita vandu vatali nimbala havundu yaaha,

Jeremia 32:29

Valahambiza muliru ku lidaala liene yili, nukulisamba ligali; harara ni zinyumba zia avandu vaanomba kuva nu vutima ku lisaamba vimuli ku Baali ku visegese vie zinyumba, kandi ku lisundula vihaanwa vie Iwaini ku avanyasaye vandi.

Jeremia 44:3

kigira avandu va madaala yaga vaakora uvudamanu kandi vaangora kuva nu vutima. Vahaana visiuviliru ku avanyasaye vandi kandi nivatumikira avanyasaye vavavula kumanya anoho avavaguuga vaavo vavura kusigamira.

Jeremia 44:8

Kigira ki mungolaa nimba nu vutima ku Lisigamira vifananyi kandi ku lihaana visiuviliru ku avanyasaye vandi mukivala cha Egebeti, havundu ha muuzi komenya? Mukoraa yaga kunangwa muduuki kwidiviza munyi aveene, kandi vuli ihiiri ku lirova iduuki kumukolera kehenyahenye kandi kutumikira lieta lienyu kuli kilaamo?

Jeremia 44:9

Munyi mumali kwivilira uvudamanu vwosi vwa mwakora harara na avakali vinyu, kandi na avami vi Ivuyuda harara na avakali vaavo mu madaala gi Ivuyuda kandi mu zinzira zia Jerusalemi?

Jeremia 48:35

Ndigalira avandu va Moabu vavuli kuhaana vihaanwa viu kusambwa havundu haavo hu kusigamira vifananyi, kandi ndavigalira vavuli kuhaana visiuviliru ku avanyasaye vaavo. Inzi Yahova mali kovora.

Jeremia 5:2

Kali niiva muvooraa musigamira Yahova, simukola agagiligali mulimusigamira liinyu mba.

Jeremia 5:7

Yahova yateeva, “Kigira ki samiihi uvwoni vwa avandu vange? Vamali kondeka kandi vamali kusigamira avanyasaye vataveeye va agiligali. Ndaavalihiza kuduuka niviguta ligali, navuzwa vaakora ovoheyi, kandi vatumikira vwiyangu vwavo kokora ovoheyi.

Jeremia 7:6

Niiva mulaleka kudambiza avageni, avavisandu kandi avakunzakali, anoho kwita avandu vatali nimbala mukivala yiki, kandi nimuleka kusigamira avanyasaye vandi ku lisalira lienyu aveene,

Ezekieli 18:18

Kigira baba weve yaakola uvugaadi kandi niyiva, kandi naakora uvudamanu hagati havandu, kunangwa yakuza kigira uvwoni vwivwe umwene.

Ezekieli 20:30

Kalunu ovoolere avandu va Isiraeli aga Inzi Yahova Wuvunyali mboraa: Kigira ki mukoraa uvwoni vulala vwere vwa vaguuga vinyu vaakora, nu kusigamira vifananyi viavo?

Ezekieli 23:39

Lidiku lilala liere lia vita vana vaavo kuva kuli visiuviliru ku vifananyi viavo, vaza mu Litembeli liange nivalionogonyia! Yaga nigo agavaakola mu Litembeli liange.

Ezekieli 5:11

“Kulwayago, kuli inzi mbeeye Nyasaye oveeye mwoyo, Mwami Munene Yahova, kigira mumali kwonogonyia Litembeli liange ni vindu vidamanu kandi ni vindu viukuvihiliriza, ndatuliza liyaanzilira liange ku munyi. Si ndamuhonyia mba kandi si ndamuvererera zimbavasi mba.

Hosea 2:13

Ndahaana mageri kuye ku ing'inga ya yaanzivilira, lwa yasamba vimuli vifunya mwayu ku Baali, kandi niyivika zimingiri ziu mumatu kandi niviuma viuvuguli nokolondelera avasaza veve. Yahova umali kovora.

Hosea 6:9

Avasaalisi vaveeye kuli muganda gwa vanuuri avagonekaa avandu kuzinzira. Kali vita avandu kunzira izizaa Shekemu havundu hatakatifu. Vakora uvudamanu yivu vwosi mu liyanza liavo.

Amosi 4:5

Muhaane kisiuviriru chu kusandiza chi migadi ja mamera, na mulandizi amakuva gi vihaanwa viumwoyo gwu kwihana nu vuyanzi. Mulandizi kigira yivi nivio vindu via muyanzaa kokora. O, munye avandu vi kivala cha Isiraeli!”

Zefania 1:5

Ndakadivizi vuli mundu woosi ulakanini ku inyumba igulu nu kusigamira liuva, umweli kandi zing'ereng'ani. Ndakadivizi yavo avasigamiraa kandi aviisuhaa kuhaana ku inzi luyali, kandi visuha mulieta liumunyasaye Moleki.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Varumi 2:2

Kunyi kumanyi ndi Nyasaye aveeye vulahi kukalagira vandu vandi vosi vakora vindu kuli yivi.

Kwidzulitsa 32:17

Vahaana visiuviliru ku vanyasaye vitali vigiligali; ku avanyasaye vageni va avaguuga vaavo vavura kumanya, avanyasaye va Isiraeli vavura kolonda malago gaavo.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.

Vakalagi 5:8

Lwa vandu va Isiraeli vaatovora vanyasaye vageni uvulwani vwaduuka mu virivwa via madaala manene, sihaaliho nikuuti anoho litimu vialoleka mba, ku vandu zielefu arubaini.