Jeremia 7:6 - KITABU KITAKATIFU

⁶ Niiva mulaleka kudambiza avageni, avavisandu kandi avakunzakali, anoho kwita avandu vatali nimbala mukivala yiki, kandi nimuleka kusigamira avanyasaye vandi ku lisalira lienyu aveene,

Jeremia 7:6 Iomraidhean Croise

2 Avami 21:6

Yahaana muyaayi weve kuli kihanwa chu kusambwa, kandi nakora uvulaguli nu vukumu, kandi nahaambana na vasigitiri kandi vavuuli. Yaakolera Yahova vwoni vonene ligali kandi yavuukiza vutima vwivwe.

2 Avami 24:4

na kuvita ligali kigira avandu va yaali ni yita avatali ni kisaalia kuvo. Yahova siyaali unyala kusamiha Manase ku yaga mba.

Zaburi 106:38

Vita avana avataveeye nimbala, kandi ni vavahaana kuli visiuviliru ku vifananyi via vanyasaye va Kanaani; kandi kivala chizula uvudamanu vwu kwita.

Tsing'ano 23:10

Utasunda kigingi kikulu chu lwako uvuguli mulimi gwa vavisandu mba.

Isaya 59:7

Munyagulaa zimbiru kuzia kokora uvudamanu; muveeye avangu ukwita avandu vatali nimbara. Zing'anagani ziavo ziveeye zing'anagani ziuvudamanu. Hoosi ha muzia mulekaa ho lidivizwa.

Jeremia 13:10

Avandu vadamanu yava vasuuye kutia inzi. Vamala kuva avahindagirizi kandi avachamu kuli maziambiri, kandi vamala kusigamira nukuyinzilira avanyasaye vandi. Kulwayago valava kuli zimbala yizi zitaveeye zindahi mba.

Jeremia 19:4

Nziza kokora yaga kigira avandu vamali kondeka kandi vononyi havundu yaaha nukuhaana zisadaka zievisiuviliru ku vanyasaye vandi - Yavo aveene anaho avaguuga vaavo anoho avami vi Ivuyuda sivamanyi kindu kigira avanyasaye zana yavo mba. Vamali kwita vandu vatali nimbala havundu yaaha,

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Jeremia 2:34

Mumali kwita vandu vadaka avataveeye nimbala; si mwavanyoola ni vaveeye a viguliri kandi a vivi mba. “Navuzwa mu likora yaga goosi, muvooraa,

Jeremia 26:15

Navuzwa mumanye yaga: niiva mulanzita, munyi navandu vilidaala yili mulava nilihiolo liukwita umundu utaveeye nimbara, kigira ni Yahova uwanduma nduuki kumwiganihiza.”

Jeremia 26:23

Vamuleeta ku mwami Jehoyakimu, uwamwiti ni kivavi na muviri gwigwe gwasiuvwa havundu havulavu havayavira vakuzu.

Jeremia 35:15

Nzizagilira kumutumira avaporofeti avatumikiri vange vosi, kandi vamali ku muvooleraa muleke likora lienyu liuvuchamu na mukore agaveeye malungi. Vaamwiganihizaa kuvula kusigamira nukutumikira avanyasaye vandi, kunangwa muzizagiliri komenya mukivala cha ndamuha navaaguuga vinyu. Navuzwa simwahulira inzi mba.

Jeremia 5:28

kandi kigira vaveeye avakomeru ligali kandi avanifu. Si vaveeye nekeheri ku vikolwa viavo vidamanu mba. Sivahaana ku avavisandu agadukanaa navo mba, anoho si vamanyia likalaga lirungi ku avadambi mba.

Jeremia 7:5

“Mugirung'anyie liiva lie limenya lienyu, kandi muleke vikolwa vienyu vidamanu muhaane likalaga liveeye lirungi ku mundu mulala nu wache.

Jeremia 7:9

Munyi mwivaa, mwitaa, mukoraa ovoheyi, muvooraa ovovehi mu liesuha, muhaana visiuviliru ku Baali, kandi musigamira avanyasaye vandi avamwavula kumanya maziambiri.

Lisyoma lya Jeremia 4:13

Navuzwa gekoleka kigira avaporofeti vakora vwoni kandi avasaalisi vaavo vaali namashioro gukwita avandi vatali nimbara.

Ezekieli 18:6

Mundu uyu siasigamiraa vifananyi via vandu va Isiraeli anoho kulia visiuviliru ku vigulu mba; anoho si yonogonyaa mukali wu mutende weve anoho kulia visiuviliru ku vigulu mba; anoho siagonaa nu mukali mu madiku geege gu mweli mba.

Ezekieli 22:7

Baba na mama si vahevwa luyali mba. Avageni vadambizwa kandi avavisandu na vakunzakali vakolerwa vudamanu.

Kyavalevi 19:33

“Mutadambizi avageni vamenyi mu kivala chiinyu mba.

Kyavalevi 25:17

Mutagaada Avisiraeli vache mba; navuzwa mutie Inzi Yahova Nyasaye winyu.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Matayo 27:25

Avandu vosi vavoola, “Amasahi geege gave ku kunyi, kandi ku vana viitu!”

Matayo 27:4

Yavavolera, “Mali kokora uvwoni ku kuzaama umundu utaveeye na mahiolo akuzi!” Navuzwa vamuvolera, “Yago gaveeye ki ku kunyi? Agene yago nagoogo ivi umwene!”

Kwidzulitsa 11:28

navuzwa kilaamo niiva mulavula kuhulira malago ga Yahova Nyasaye winyu; nimugirung'ana nukusigamira avanyasaye vandi, ava mwavura kusigamira maziambiri.

Kwidzulitsa 24:17

“Mutachaminyi likalagirwa liu vulungi lia vageni anoho vavisandu mba; kandi mutavuguli inguvu yumukunzakali kuli kihambiliru mba.

Kwidzulitsa 27:19

“ ‘Alaamwe oyo uchaminyaa likalagirwa liu mugeni, muvisandu numukunzakali.’ “Avandu vosi valavoora, ‘Amini!’

Kwidzulitsa 8:19

Mutivilira Yahova Nyasaye winyu, anoho kugirung'ana nokuzia ku avanyasaye vandi, kuvasigamira kandi kuvatumikira mba. Niiva mulakola ndio, mwiganihizaa kalunu ndi ligali muladivizwa.

Yakobo 1:27

Lisuuvira lilahi litaveeye nu vudamanu imbiri wa Nyasaye Baba wiitu ni yili: kokonya avavisandu na vakunzakali mu likuba ikivi liavo, nu kwilinda ligali umwene avuli kwononywa ni ivindu vie kivala.