Jeremia 7:34 - KITABU KITAKATIFU

³⁴ Kivala yiki kilagwa ichangalangwe. Mu madaala amanene gi Ivuyuda kandi mu zinzira zia Jerusalemi, ndaheriza uvusangari kandi uvuyanzi vwa oyo osererwa kandi osereranga.

Jeremia 7:34 Iomraidhean Croise

Ayubu 3:7

Leka vudiku yivwo vuve vugumba, kandi leka mioyo ju vusangali jivuli kuhulilika.

Zaburi 78:63

Kigira avasoleri viitirwa mu vulwani, na vakaana sivali na vasaza vavaleeta mba.

Isaya 1:7

Kivala chienyu kinganyiywi, madaala ginyu manene gasambiywi goosi nu muliru. Avageni vavugura kivala chienyu nukukidiviza ligali na munyi nimulolaa.

Isaya 3:26

Avalindi vu mu virivwa viavo valakaliri nu kusioma. Lidaala linene lia Jerusalemi lilatigala liere, kuli mukali walekwa yikaye hasi naveeye chahonyo.

Isaya 6:11

Ndaateva, “O, Yahova, yaga galava kuli ndi kuduuka ing'inga ki?” Yativura, “Kuduuka lwa madaala manene gadivizwa ligali nokokorwa hazwa, kuduuka lwi zinyumba zitigala vugira mundu, kandi kuduuka lwi kivala chene kidivizwa ligali.

Jeremia 16:9

Hulira aga inzi, Yahova Wuvunyali, Nyasaye wavandu va Isiraeli mbora. Inzi ndaheriza uvusangari kandi uvuyanzi vwa oyo osererwa kandi osereraa. Avandu hano valakave mwoyo kolola yaga kwekoleka.

Jeremia 22:6

“Inyumba yu vwami yi Ivuyuda eveeye indahi ligali ku inzi kuli kivala cha Gileadi, kandi kuli vigulu via Lebanoni; navuzwa ndagekola eve kuli changalangwi, havundu ha avandu vatamenya mba.

Jeremia 25:10

Ndatuliza kuvo uvusangari kandi uvuyanzi vwa yavo osererwa kandi osereraa, kandi uvulavu kuli vwi itaya vulatula kuvo harara ni viukulia.

Jeremia 27:17

Mutavahuliriza mba! Mwegehizi kandi mutumikiri mwami wa Babiloni na mulamenya! Kigira ki lidaala linene yili live kuli kitumi cha mang'anye?

Jeremia 33:10

Yahova yavoola, “Avandu vavoola ndi havundu hano haveeye kuli ichangalangwi, kandi avandu anoho zinyama si zinyala komenya havundu yaaha mba. Yaga gaveeye malungi, amadara gi Ivuyuda kandi zinzira zia Jerusalemi ziveeye hazwa; avandu anoho zinyama si zimenyi havundu yaaha mba. Navuzwa havundu hene yaaha mulahulira kandi

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Jeremia 4:26

Kivala kigunamu chamala kugwa changalangwe madaala gacho goosi gaveeye amang'anye kigira vutima vwa Yahova vululu.

Jeremia 4:27

Yahova umali kovora ndi, lirova liosi lilava ligendanyama, navuzwa sialalidiviza ligali mba.

Jeremia 44:6

Kulwayago ndaviika uvutima vwange uvululu ku madaala goosi gi Ivuyuda kandi kuzinzira ziosi zia Jerusalemi, kandi nimbambiza muliru kugo. Amadara yaga gaatigala hazwa vugira mundu komenya mugo, kuduuka na Kalunu.

Lisyoma lya Jeremia 5:14

Avakulundu vamali kutura havundu havavuganira mu kirivwa chi lidaala linene, avayaayi vasoleri vamali kolekera kwimba.

Ezekieli 26:13

Ndaheriza zinyimbu zienyu zieliyoga, kandi zinyimbu zienyu ziuvukana; si zilahulirika kandi mba.

Ezekieli 7:11

Kirage kemedaa uvuchamu vunyingi. Avandu vaavo, anoho uvuhinda vwavo anoho uvukumi vwavo si navitigale mba.

Hosea 2:11

Ndaheriza lisangala lilie liosi, masavo gu mweli muhia kandi masabato geege goosi, kandi mavugano geege gidiini.

Hosea 2:13

Ndahaana mageri kuye ku ing'inga ya yaanzivilira, lwa yasamba vimuli vifunya mwayu ku Baali, kandi niyivika zimingiri ziu mumatu kandi niviuma viuvuguli nokolondelera avasaza veve. Yahova umali kovora.

Kyavalevi 26:33

Ndaleta vulwani ku munyi nokumusalanyia muvivala vigeni. Kivala chienyu kilang'anywa na madaala manene ginyu galatigala mang'anye.

Mika 7:13

Navuzwa lirova llilagwa changalangwe kigira vuchamu vwa avandu vamenyi kulio.

Likunula 18:23

Uvulavu vwi itaya sivulaaka mu ivi kandi mba; mwoyo gwa osereywi, nu gwumwiha sigulihulirwa mu ivi kandi mba. Avakiranyi vovo vaali avanene ligali kuvita avilirova liosi. Ivi wagaada zihiiri ku lirova nu vukumu vuvwo.”