Jeremia 7:33 - KITABU KITAKATIFU

³³ Miviri ja vakuzu yiji jilava viukulia via manyonyi kandi vie zinyama ziu muvulimu, si halavaho nu mundu mulala ulinyala kuzitiihiza mba.

Jeremia 7:33 Iomraidhean Croise

Isaya 18:6

Miviri mikuzu ja avasikari vaavo jilalekwa kuva chukulia cha manyonyi ni zinyama ziu muvulimu. Amanyonyi galalia zing'inga ziu muvasu, nizinyama zilalia ing'inga yu vudiku.”

Jeremia 12:9

Avandu vange vatovole vaveeye kuli linyonyi limali kwingilirwa kuzimbega ziosi na mave. Mulange zinyama ziumbulimu ziizi musange mulisavo!

Jeremia 14:16

Avandu vavaporofeta ku amakuva yaga, valakitirwi mu inzira ndala nzere. Miviri jaavo jirakasiuvwi mu zinzira zie lidaala linene lia Jerusalemi, kandi sialakaveho nu mundu kali mulala ulakajiyaviri mba. Yaga goosi galakakoleke ku avandu vosi harara na avakali vaavo, avayaayi na avakaana vaavo. Ndakavakole valatungi uvudamanu vwavo aveene.”

Jeremia 15:3

Inzi Yahova, mali kotovola ndi, ndalaga vindu vine viukutihiza kokoleka kuvo: Valitirwa mu liihi; zimbizi zilatandula miviri jaavo; amanyonyi galalia miviri jaavo, kandi zinyama ziu mbulimu zilalia miviri jitigala.

Jeremia 16:4

Vaza varware zinguzu ziukutihiza manavakuzi kandi siaveeyeho kali mulala waza asiome anoho kuvayavira mba. Miviri jaavo jaza jivungi kuli kitumi chemboreya kumarova. Valakitirwi muvulwani anoho navakuzi kigira inzara, kandi miviri jiavo jilakagwi chukulia chamanyonyi nizinyama ziumbulimu.

Jeremia 19:7

Havundu hano, ndononyia lilohiza liosi lia avandu vi Ivuyuda na Jerusalemi. Ndakaleke avasigu vaavo vavaguuti nukuvitira muvulwani. Ndakahaane miviri jiavo mikuzu ku amanyonyi kandi zinyama ziumbulimu kuli chukulia.

Jeremia 22:19

Kuli isukiri iyavilwa, mundu uyu alayavilwa ndio, alasiuvwa ichova wi virivwa via Jerusalemi.”

Jeremia 25:33

Ku lidiku yilio, miviri ja avandu va Yahova amali kwiita jirasalanywa kutura kolovega lulala lwi lirova kuduuka ku lovega lundi. Mundu kali mulala si alajisiomera, kinga si jilavugulwa nukuzia kuyavirwa mba. Miviri yiji jirakave kuli kitumi chi isiina kumalova.

Jeremia 34:20

ndavaviika ku vasigu vaavo avenya kuviita. Miviri jaavo mikuzu najiliivwi namanyonyi, nizinyama ziumuvulimu.

Jeremia 9:21

Likuza liayingira kuvitira mumadirisia kandi liziiyi muzinyumba zietu ziuvwami; liiti avana kuzinzira, kandi avasaza vasoleri liviti.

Jeremia 9:22

Miviri jiavakuzu jiasalanywa havundu hoosi, kuli vitumi vie isiina mumirimi, kuli uvuswage votemeywi nukungarwa numugesi, kuli uvuswage vumundu atavungizi. Yaga nigo aga Yahova amboleeye mbore.”

Ezekieli 29:5

Nangusiuvi muchangalangwe harara ni zisuzi yizio ziosi. Muviri gugwo nagugwi kumalova kandi si naguyavilwi mba. Nambane muviri gugwo ku zinyama ziu muvulimu na manyonyi gu muvwerefu kugulie.

Ezekieli 39:4

Goga harara ni liihi lilie kandi vandu veve vosi valakuzira ku vigulu via Isiraeli. Ndaleka manyonyi kandi zinyama ziu muvulimu kulia miviri jaavo.

Kwidzulitsa 28:26

Lwa mukuza manyonyi gu muvulimu galalia miviri zienyu. Sihalavaho nu mundu wu wukuzikunga mba.

Kwidzulitsa 8:20

Niiva simulahulira Yahova Nyasaye winyu, muladivizwa kuli zihiiri zia Yahova Nyasaye azizaa kudiviza lwa muva nimuzizagilira kuvaguuta.