Jeremia 7:24 - KITABU KITAKATIFU

²⁴ Navuzwa si venya kutia anoho kuhulira inzi mba. Mu vogono vwene yivwo, vaakora goosi agavaganaganaa mu mioyo jaavo kokora amadinyu kandi amadamanu. Vaagwa avadamanu ligali havogono hukuva avalahi ligali.

Jeremia 7:24 Iomraidhean Croise

Nehemia 9:29

Ivi waviganihiza vaatia amigizu googo, navuzwa vigingira kandi nivavula kuhulira malago googo. Vakora uvwoni ku malago googo, agahana livamwoyo niva umundu alagalinda. Mu liegingira liavo nilindinya magoti gaavo vasuura.

Zaburi 81:13

Vwakaveeye vulahi avandu vange Isiraeli valambuliriza! Vwakaveeye vulahi niiva vakambuliyi!

Jeremia 13:10

Avandu vadamanu yava vasuuye kutia inzi. Vamala kuva avahindagirizi kandi avachamu kuli maziambiri, kandi vamala kusigamira nukuyinzilira avanyasaye vandi. Kulwayago valava kuli zimbala yizi zitaveeye zindahi mba.

Jeremia 13:11

Kuli zimbala zigumira vudinyu mukisindi, kandi ndio ndeenya avandu va Isiraeli ni Ivuyuda vagumiri vudinyu ku inzi. Inzi ndaakola yaga kunangwa vaduuki kuva avandu vange kandi vahane lizominya nuluyali ku inzi; navuzwa sivaatia inzi mba.”

Jeremia 15:6

Munyi avandu va Jerusalemi mumali kusuura inzi; mumali kugirung'ana kutura ku inzi. Kulwayago, mali kuhaana amageri ku munyi kandi kumudiviza, kigira si ndaali nyara kumanyia livererera mba.

Jeremia 16:12

Navuzwa mumali kokora vudamanu ligali kuvita kali avaguuga vinyu. Munyi mwosi muveeye avahindagirizi kandi aviziimbi, kandi simutizaa inzi mba.

Jeremia 17:23

Avaguuga vaavo siyahulira anoho si vaatia lilago liange mba, navuzwa vaali avadinyu; sivenyaa kutia anoho kwiga kutura ku inzi mba.

Jeremia 17:9

“Nivwaha unyala kumanyiriza zing'anagani ziveeye mu mwoyo gwu mundu? Goveeye mwoyo gwu vugadi ligali kuvita vindu vindi viosi. Goveeye mulwaye ligali kali si gunyala kohona mba.

Jeremia 18:10

navuzwa ihiiri yene yeyo nivula kutia inzi nokokola uvuchamu, inzi sindakola agandavoola ndakora mba.

Jeremia 18:12

Valativura, ‘Awa, kigira ki kokole ndio? Kunyi kwosi kulava kuli avahindagirizi kandi avandu avuvudamanu kuli kwenya.’ ”

Jeremia 2:27

Munyi vosi mulavikwa mu zisoni, munyi avavoora ndi umusaala goveeye kuli baba winyu, kandi lwanda loveeye mama winyu. Yaga galakoleka kigira mwagirung'ana kuzia ihale kutura ku inzi havogono hukugirung'ana nu kuza ku inzi. Navuzwa lwa muveeye mu vudinyu, muteeva inzi kuza nu kumuhonyia.

Jeremia 22:21

Yahova yamoloma ku munyi ing'inga ya mwali ni mwagasizwa, navuzwa mwasuura kuhuliriza. Mwakora yaga mulimenya lienyu liosi, simwali munyala kutia Yahova mba.

Jeremia 23:17

Ku avandu vamali kusuura kuhulira aga inze mali kovora, vazizagilira kovora ndi goosi galava amalahi kuvo. Kandi vavoolera vuli mundu oveeye muhindagirizi ndi kivi sikilamugwira mba.”

Jeremia 3:13

Mwiyame muveeye namahiolo kandi mwayibaala ku inzi Yahova Nyasaye winyu. Mwiyame ndi hasi himisaala jia amatu mavisi mwayanza avanyasaye vageni kandi simwatia malago gange mba. Inzi Yahova mali kovora.

Jeremia 3:17

Lwa ing'inga yeyo iliduuka, Jerusalemi ilakalangwe ‘Endeve yu vwami vwa Yahova’, kandi izihiiri ziosi zilakavuganiri wene yeyo kusigamira. Kunangwa sivalalindagilira nokolonda uvudamanu vwimioyo jiavo mba.

Jeremia 32:23

Lwa vaduuka mukivala yiki, vaavugura miandu josi jaali mucho, navuzwa si vaatia amalago googo anoho si vamenya kolondekana na amagizu googo mba. Si vaakora kindu ku viosi via waali ni wavalaga mba. Kulwayago, ivi waleeta lidiviza yili liosi kuvo.

Jeremia 32:33

Vamali kugirung'ana kutura ku inzi, kali niiva ndaazizagilira kuvigiza, navuzwa si venya kuhulira kandi kwiga mba.

Jeremia 35:15

Nzizagilira kumutumira avaporofeti avatumikiri vange vosi, kandi vamali ku muvooleraa muleke likora lienyu liuvuchamu na mukore agaveeye malungi. Vaamwiganihizaa kuvula kusigamira nukutumikira avanyasaye vandi, kunangwa muzizagiliri komenya mukivala cha ndamuha navaaguuga vinyu. Navuzwa simwahulira inzi mba.

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Jeremia 7:26

Navuzwa si yaliho kali mulala uwatia anoho uwahulira mba. Muvogono yivwo, mwagwa avadinyu ligali kandi avibaali kali kuvita avaguuga vinyu.

Jeremia 8:5

Kigira ki munyi avandu vange mugirung'anaa kutura ku inzi navuzwa simwirana kuinzi mba. Mwahanda ku vifananyi vienyu kandi mwasuura kwirana ku inzi.

Jeremia 9:14

Muvogono yivwo vamali kuva avahindagirizi nukusigamira ivifananyi via Baali kuli avaguuga vaavo vavigiza vakole.

Ezekieli 20:13

Navuzwa avandu va Isiraeli vibaara ku Inzi mwigendanyama. Sivagumira lilago liange mba, kandi vasuura malago gange agaleetaa livamwoyo ku mundu woosi wegehiza kugo. Vamali kwononyia lidiku liange lie Lisabato. Ndavika kuva nu vutima vwange vululu mwigendanyama kandi ndavadiviza ligali.

Ezekieli 20:16

Inzi ndalomba lilagana kigira vaali nivasuyi lilago liange kandi vasuyi kugumira malago gange kandi nivononyia lidiku liange lie Lisabato. Kunangwa vayanzilira kusigamira vifananyi viavo.

Ezekieli 20:21

“Navuzwa vana vaavo vibaara ku Inzi; vaavunanyia lilago liange kandi sivagumira malago gange agaleetaa livamwoyo ku mundu woosi wegehiza kugo mba. Vonogonyia Lidiku liange lie Lisabato. Ndaaganagana kuva nu vutima vululu kuvo mu changalangwi nu kuviita vosi.

Ezekieli 20:8

Navuzwa vibaara ku inzi kandi sivenya kumbulira mba. Si venya koleka anoho kusiuva ihale vifananyi viukuvihiliriza viavo anoho koleka vanyasaye va Egebeti avavaali ni vayaanza mba. Mu vutima vwange uvululu, inzi ndaatovora kuhaana mageri ku vandu va Isiraeli mu kivala cha Egebeti.

Danyeli 9:6

Si kwahuliriza kutura ku vatumikiri vovo avaporofeti mba, avamolomaa mulieta liilio ku vami viitu, avamihi viitu, avavaguuga viitu kandi avandu vi kivala chiitu choosi.

Hosea 10:6

Kifananyi yiki kilagingwa nu kuhilwa mukivala cha Asiria keve kuli mutungu gwu vusuuru ku mwami munene. Avandu va Isiraeli valava mu zisoni kigira vasigamira kifananyi yiki.

Hosea 4:16

Avandu va Isiraeli vaveeye avahindagirizi kuli zing'ombe. Inzi, Yahova nyara kuvalihiza ndi kuli vimeme viamagondi mu vwayiru?

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”

Zekaria 7:11

“Navuzwa vandu vange vasuura kuhulira. Vahaana matu gaavo kuhulira zing'anagani ziavo vavuli kuhulira

Kwidzulitsa 29:19

“Lwu mundu kuli uyu ahuliraa makuva gi liesuuha yaga, yigaasizaa mumwoyo gwigwe, ma aganagana, ‘Ndava ni mirembe, kali niimba ninzizagilira kogenda mu zinzira ziange mwene.’ Yago galadiviza munyi mwosi, avalahi na vadamanu.