Jeremia 7:23 - KITABU KITAKATIFU

²³ Navuzwa ndaavalaga vaduuki kutia inzi, kunangwa inzi nduuki kuva Nyasaye wavo navo vaduuki kuva avandu vange; kandi ndaavavoolera vamenye kuli wandaali nindaavalaga, kunangwa vaduuki komenya vulahi.

Jeremia 7:23 Iomraidhean Croise

Ayubu 36:11

Niiva valahulira Nyasaye nukumutumikira, valagasizwa mumadiku gaavo goosi, kandi mihiga jaavo josi jilava ji liyaanziza ligali.

Zaburi 119:3

Sivakora uvudamanu kali hakuzu; vagenda mu zinzira zia Yahova.

Zaburi 40:6

Ivi siwenya ivisiuviliru anoho ivihaanwa mba; siotevanga oheevwe zinyama ziukusambwa zing'ima ku vwali, anoho ivisiuviliru viukusamiha uvwoni. Mu vogono yivwo, wamba amatu kukuhulira.

Zaburi 81:13

Vwakaveeye vulahi avandu vange Isiraeli valambuliriza! Vwakaveeye vulahi niiva vakambuliyi!

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Kutwula 16:32

Musa yavoola, “Yahova umali kukulaga kuviiki ku kegero kilala chi mana, engekeeke ivikirwi visukululwi vietu, kunangwa valaduuki kolola viukulia via yakuha kulie mu changalangwi ulwayakutuliza mu kivala cha Egebeti.”

Isaya 3:10

Avandu valungi valava nu vusangali, kandi ivindu vilava vilahi kuvo. Valalia viologeli lwavo.

Jeremia 11:4

Ni lilagana lia ndalomba na avaguuga vaavo lwa ndaatuliza kutura mukivala cha Egebeti; kivala chaali kuli kisambiru chi vivia kuvo. Ndaavavoolera vatie inzi kandi vakole vuli kindu cha ndaavalaga. Ndavavolera ndi, niiva valatia inzi, valava avandu vange, na inzi ndava Nyasaye wavo.

Jeremia 11:7

Lwa ndaaleeta avaguuga vaavo kutura mukivala cha Egebeti, ndaaviganihiza vatie inzi. Ndaazizagilira ku viganihiza kali kuduuka na kalunu.

Jeremia 13:11

Kuli zimbala zigumira vudinyu mukisindi, kandi ndio ndeenya avandu va Isiraeli ni Ivuyuda vagumiri vudinyu ku inzi. Inzi ndaakola yaga kunangwa vaduuki kuva avandu vange kandi vahane lizominya nuluyali ku inzi; navuzwa sivaatia inzi mba.”

Jeremia 22:21

Yahova yamoloma ku munyi ing'inga ya mwali ni mwagasizwa, navuzwa mwasuura kuhuliriza. Mwakora yaga mulimenya lienyu liosi, simwali munyala kutia Yahova mba.

Jeremia 22:3

“Inzi Yahova, mulaga mukore likalaga liveeye lirungi kandi liu vulungi. Mukingi mundu umali kunuurwa kutura ku munuri. Mutakola uvudamanu anoho mutadambiza avageni, avavisandu anoho avakunzakali mba. Mutiita avandu vataveeye nimbara havundu yaaha mba.

Jeremia 24:7

Ndavakora vave nuvuha vwu kumanya ndi inzi mbeeye Yahova. Maku valava avandu vange, na inzi ndava Nyasaye wavo, kigira valirana ku inzi ni mioyo jaavo josi.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Jeremia 32:23

Lwa vaduuka mukivala yiki, vaavugura miandu josi jaali mucho, navuzwa si vaatia amalago googo anoho si vamenya kolondekana na amagizu googo mba. Si vaakora kindu ku viosi via waali ni wavalaga mba. Kulwayago, ivi waleeta lidiviza yili liosi kuvo.

Jeremia 38:20

Inzi ndaavoora, “Ivi siulavikwa mu zinguru zia avandu va Babiloni mba. Ngogonya utie likuva lia Yahova; hene yaho, goosi galava amalahi ku ivi, kandi ulava mwoyo.

Jeremia 42:6

Kali gave amalahi ku kunyi anoho amadamanu, kulatia Yahova Nyasaye wiitu, uwa kunyi kokoteeva ukusaaliri kuye. Goosi galava malahi niiva kulatia Yahova.”

Zefania 3:2

Siliahuliriza Yahova anoho kuvugilira konyoora mageri mba. Si liasuuvira Yahova anoho koteeva vokonyi kutura kuye mba.

Zekaria 6:15

Avasaza vamenyi ihale valakaze kokonyana kwumbaka vuhia Litembeli lia Yahova. Lwa navave ni vakumbaka Litembeli vuhia, ulakamanye ndi Yahova Wuvunyali yanduma kuivi. Yaga galakakoleke goosi niiva mulakatie ligali malago ga Yahova Nyasaye winyu.

Zekaria 7:7

Yahova yavoola yaga kuvitira mu vaporofeti vaali ho kale ing'inga lwa Jerusalemi yaali nu vutugi na vandu vanyingi, kandi lwa vandu vavura komenya mu madaala gakumberiza lidaala linene kandi mulosoma lwi Isavaalu, kandi hi vigulu vie madioli vitangira.

Varumi 16:26

Navuzwa kalunu agiligali yago galolekiziywi kuvitira mu Mang'oda ga vaporofeti, kandi mu Lilaga lia Nyasaye wi mihiga ni mihiga kunangwa, gamanyikane ku zihiiri ziosi, vosi vaduuki kusuuvira nu kutia.

2 Vakorintho 10:5

Kwononyia amahangari kandi chukwikigitaliza chukwekonyera ku choosi chaviikwaho kuhing'ana ni limanya lia Nyasaye, kandi kuvugura zing'anagani ziosi nu kuzikola kutia Kristo.

Kwidzulitsa 11:27

uvugasu niiva mulahulira malago ga Yahova Nyasaye winyu, aga muheezaa kalunu;

Kwidzulitsa 13:4

Mulonde Yahova kandi muhaane luyali kuye. Mumuhuliri kandi mulindi malago geege; mumusigamiri kandi muve avasuuvirifu kuye.

Kwidzulitsa 13:5

Muporofeti oyo anoho mulooti oyo kuduuka yiitwi, kigira yilwaza liebaala ku Yahova Nyasaye winyu, uwamuleta kutura mu kivala cha Egebeti wamwaali vatugwa. Vandu kuli yava vadamanu, kandi vageriza kumutuliza kunzira ya Yahova Nyasaye winyu yamulaga mulonde ku. Kuduuka viitwi kunangwa mutulize uvudamanu voveeye hagati hinyu.

Kwidzulitsa 30:2

Niiva munyi harara ni visikululwi vienyu, mulirana ku Yahova, kandi muhuliri malago geege nu mioyo jinyu josi agamuhezaa kalunu,

Kwidzulitsa 30:20

Muyanze Yahova Nyasaye winyu, mumuhuliri kandi muve avasuuvirifu kuye maku munyi harara ni visukululwi vienyu mulamenya madiku manyingi mu kivala cha yasuuviriza avaguuga vinyu, Aburahamu, Isaka na Yakobo.”

Kwidzulitsa 30:8

Na munyi mulirana kuhulira Yahova kandi nokulinda malago geege goosi aga muheezaa kalunu.

Kwidzulitsa 4:10

kigira lidiku lia mwasingira imbiri wa Yahova Nyasaye winyu ku kiguru cha Sinai, lwa Yahova yambolera, ‘Vuganyia avandu. Nyenya vahuliri makuva ga nyenya mbore, kunangwa vaduuki kwiga kumbulira madiku goosi aga vaveeye mwoyo kandi kunangwa navo valiegizi avana vaavo kokora malala meere.’

Kwidzulitsa 4:40

Muhuliri ligali malago geege goosi gamali kuhaana ku munyi kalunu, kandi goosi galava malahi ku munyi harara ni visukululwi vienyu. Mulazizagilira komenya mu kivala icha Yahova Nyasaye winyu amuhezaa kuva miandu jinyu mihiga ni mihiga.”

Kwidzulitsa 5:16

“Muhaane luyali ku vababa vinyu na vamama vinyu kuli Inzi Yahova Nyasaye winyu ndamulaga kunangwa viosi viduuki kuva vulahi ku munyi kandi kunangwa muduuki komenya ing'inga indambi mu kivala cha Inzi Yahova Nyasaye winyu muheezaa.

Kwidzulitsa 5:29

Oh, vwakaveeye vulahi niiva vakaveeye nu mwoyo kuli yigu kazozo gwu kutia Inzi. Vwakaveeye vulahi niiva vakahaani ku Inzi luyali nokuhulira malago gange goosi kazozo, kunangwa vindu viosi viakaveeye vilahi kuvo kandi ku visukululwi viavo mihiga ni mihiga.

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

Kwidzulitsa 6:3

O, munyi avandu va Isiraeli, mugahulirizi kandi mugalonde! Maku vindu viosi vilava vilahi ku munyi, kandi muduuki komeedeka kuva ihiiri enene ligali kandi mumenye mukivala kitugi kandi kenoru yiki kuli Yahova Nyasaye wa avaguuga vinyu amali kumusuuviriza.

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

1 Samweli 15:22

Samweli yativura, “Ni ki cha Yahova ayaaziliraa kuvita? Kutia anoho vihaanwa viukusambwa kandi visiuviliru? Ni vulahi ligali kuhulira Yahova kuvita kuhaana visiuviliru via magondi malahi ligali kuye.