Jeremia 6:29 - KITABU KITAKATIFU

²⁹ Muliru gusambaa vululu, navuzwa lisasi silisaluluka nokotonyatonya mba. Navuzwa kuzizagilira kutakasa avandu vange, kigira yavo avaveeye avadamanu sivatulizwa ho mba.

Jeremia 6:29 Iomraidhean Croise

Tsing'ano 17:3

Izahabu ni ifeza zigelizwa kuvitira mumuliru, kandi Yahova agerizaa mwoyo gwu mundu.

Isaya 49:4

Inzi ndaavoora, “Ndaakola minyinzi, navuzwa jiveeye vuzwa! Ndaatumikira zinguru ziange ku miyinzi, navuzwa sindaakonya kindu kali hakuzu mba.” Kali ndio ndaasuuvira Yahova Nyasaye wange, alamba amadanyi ku likora liange.

Jeremia 15:19

Kulwayago, Yahova yavoola, “Niiva ulirana ku inzi, ndakwiranyia kandi ulava mutumikiri wange. Niiva ulavoola amakuva gaveeye amalahi na oleke kovora amakuva amadamanu, hene yaho ulava muporofeti wange kandi. Avandu varirana ku ivi, navuzwa ivi si ulazia kuvo mba.

Jeremia 9:7

Kigira yaga Yahova Wuvunyali avoora, “Inzi ndatakasa avandu vange kuli kivia kandi ndavageriza Avandu vange vamali kokora uvudamanu, nikindiki kindi ichanyala kokora?

Ezekieli 24:12

Inzi mali kokora miyinzi javuzwa, zisisinia ziayo zinyingi sizituli munyingu yiyi kali mulisambwa nu muliru mba.

Ezekieli 24:13

Munyi avandu va Jerusalemi, vikolwa vienyu vidamanu vimali kumwonogonyia. Kali niiva ndaageriza kumukola muve avanifu, navuzwa simwenya kuva avanifu mba. Munyi simulava avanifu kandi mba, kuduuka lwa nambane amageri gange amalulu ku munyi.

Hosea 11:7

Avandu vange vasaviyi kugirung'ana kutura ku inzi. Navaaniri kigira iniira eveeye kuvo, navuzwa umundu kali mulala si alivagingira mba.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

1 Petro 1:7

Kivuni cha magerizu yaga kimanyia ndi lisuuvira liange liveeye lia giligali kali izahabu inyala kusambwa mu muliru; kandi ndio lisuuvira lienyu liveeye lilahi ligali kuvita izahabu, ligerizwa kunangwa liduuki kuhindira. Maku mulakanyoole lizominywa, vukumi kandi luyali ku lidiku lia Yeso Kristo aliloleka.

1 Petro 4:12

Avalina avayaanze vange, mutagenya ku ligerizwa lilulu lia musaliranga kuvikwa mu muliru, kuli keveeye ikindu ekegeni chekoleka ku munyi mba.

Vakalagi 17:4

Lwa yiranyira mama weve amabese, mama weve yavugula vidonye mia mbiri vie ifeza, nahaana ku muturi wi vivia naye nalomba kifananyi chukuvazwa ni kivakwa ifeza. Kifananyi zana chaviikwa mu nyumba ya Mika.