Jeremia 6:26 - KITABU KITAKATIFU

²⁶ Yahova avooreraa avandu veve, “Mwiviki zinguvu ziamagunia na mugalagale muligoke. Musiome vululu kuli unyala kusioma mwana muderwa, kigira oyo uzaa kudiviza munyi nonoho alamwingiira.

Jeremia 6:26 Iomraidhean Croise

Litanga 21:16

kandi niyikara hasi zimita 100 ihale kutura ku mwana. Yevoolera umwene, “Inzi si nyara kolola mwana wange nakuzaa mba.” Lwa yaali niyikaye ho mwana yaatanga kulira.

Ayubu 15:21

Liyoga lie litihiza lilakuba lwanga mu matu geege, na aviivi valamwingilira lwa aganagana aveeye mu likingwa.

Ayubu 2:8

Ayubu yazia niyikara mu ligoke, navugura kijonjo natanga kwiyagira.

Isaya 22:12

Mwami munene, Yahova Wuvunyali yamulanga muduuki kulira kandi musiome, muvege amasu ginyu kandi mwiviki zinguvu ziamagunia.

Isaya 22:4

Kalunu, mundeke siomere vululu, avandu vange vosi avamali kukuza. Mutagelizi koneminya mwoyo mba.

Isaya 3:24

Muvogono vwukutumikira ivifunyaa mwayu, valafunya vugundu, mu vogono vwu kwevoha misibi mirahi, valevoha zimbunu, havogono hi liisu lilahi, valava ni chole, na havogono hi zinguvu zindahi, valivika zinguvu zia madali. Ligondo liavo lilahi lilagirunganywa kuva zisoni.

Isaya 30:13

Munyi muveeye na mahiolo. Muveeye kuli lidigi litambi ilimali kwadika nukusiavuka kutura igulu kuduuka hasi; nonoho mulagwa.

Isaya 32:11

Munyi mwamenyangi mulielemeliza, litaveeye ni lihenda mwoyo, navuzwa kalunu, mudegere nu uvuti! Mutulizi zinguvu zienyu, kandi mwevohe zinguvu ziamagunia mu vikenge vienyu.

Jeremia 12:12

Engereka wivisuru vie viangalangwi, avandu vamali kuuza ku valanya. Mali kutuma uvulwani kwononyia kivala choosi; siaveeyeho kali mulala oveeye mumirembe mba.

Jeremia 13:17

Niiva simulahulira, inzi ndakaliri mu vwivisu kigira liegingira lienyu ndakaliri nuvululu kandi maliga gange galakidoreke, kigira avandu va Nyasaye vamali kuhirwa ihale mu avahambe.

Jeremia 14:17

Yahova yandaga mbore amakuva yaga ku avandu yava: “Leka zimoni ziange zidorokaa amaliga mbasu nu vudiku, kandi mburi kolekera kusioma kali hakuzu, kigira avandu vange vamali kwatwa zing'oma nukusalirizwa ligali.

Jeremia 15:8

Vaveeye ho avakunzakali avanyingi mukivala chienyu kali kuvita zinzaro ziu muyeke mu inyanza. Ndiita avasoleri vinyu mu vosooleri vwavo; kandi ningora avamama vaavo nivasalirizwa ligali Nonoho ndaavakuya vululu ligali kandi nindeeta litihiza kuvo.

Jeremia 18:22

Tuma avandu vikivihiri valanye zinyumba ziavo vugira lieganihiza; uvakole vaaniri mulitiihizwa. Vamali kulima liliina nduuki kugwamu kandi vamali kotega mitego jingumili.

Jeremia 30:5

“Inzi ndaahulira lilira liukutihiza, lilira liuvuti kandi litaveeye liemirembe.

Jeremia 4:11

Ing'inga yiza lwa avandu va Jerusalemi navavolerwe ndi imbuza yumuliru ihuuzaa kutura muchangalangwe kuzia kolovega lwavo. Siilakave imbuza yagalaha ihuuzaa vuzwa umukuzi mba.

Jeremia 4:20

Ikivi kilala kelondekana nikindi; kivala choosi kimali kugwa mang'anye. Nonoho amahema giitu gononyiywi; zisuka ziago zitanduranyiywi muvidonye.

Jeremia 4:8

Kunangwa mwiviki zinguvu ziamagunia, muliri kandi musiome; kigira vutima vululu vwa Yahova vukikiri kugirung'ana kutura ku avandu vi Ivuyuda.

Jeremia 6:14

Vakolavuzwa zingwagu zia avandu vange ziveeye vuzwa uvwiyago. Vavoola, ‘Goosi gaveeye amalahi,’ ulwa goosi gataveeye amalahi.

Jeremia 8:19

Muhulirizi! Mbulira avandu vange nivalira mukivala choosi: “Yahova yatura mu Ziyoni? Mwami wa Ziyoni yatura yo kandi naye?” Yahova, mwami wavo yativura, “Kigira ki mwakora inzi kuva nu vutima ku lisigamira vifananyi viinyu! Kandi linamira avanyasaye vinyu avageni avataveeye kindu?”

Jeremia 8:21

Mwoyo gwange gulwaye, kigira avandu vange vakuzi; inzi siomaa kandi mbeeye mu lihenda mwoyo ligali.

Jeremia 9:1

Ndakayanzi niiva mutwi gwange gwakaveeye kidaho cha mazi, kandi zimoni ziange kisinukiru chamaliga, kunangwa ndakaliri mbasu nu vudiku, kigira avandu vange vamali kwitwa.

Jeremia 9:10

Ndaavoora, “Ndasiomera ivigulu kandi ndalilira iviayiru. Kigira vimali kwuma kandi umundu siavitaa mu mba ilihulirika lie mitugu lihulirika mba; amanyonyi kandi zinyama ziu muvulimu zimali kuburuka nu kuzia.”

Lisyoma lya Jeremia 1:16

“Yiki nicho kigira nikusioma kandi amaliga nigidoloka kutura mu zimoni zietu. Siaveeye ho nu mundu unyala kukuleminya mwoyo mba, kandi siaveeye ho nu mundu unyala kukudinyiriza mba. Avana viitu vatigaye hazwa, kigira vasigu viitu vamali kukuguuta.”

Lisyoma lya Jeremia 1:2

Avandu va Jerusalemi vasioma vululu vudiku vwosi, amaliga gidolaa kutura mu zimoni ziavo. Siaveeye ho nu mundu kali mulala ku avalina vaavo unyala kuvaleminya mwoyo mba. Avalina vaavo vosi vamalikuvazama, kandi vamali kugwa avasigu veve.

Lisyoma lya Jeremia 2:11

Zimoni zietu ziiluhi kigira lisioma, mioyo jiitu jizuuyi ovovereri; koveeye novovereri vunyingi kigira lidivizwa lia vandu viitu. Avana kandi zindanya vakuziraa kuzinzira zie lidaala linene.

Lisyoma lya Jeremia 3:16

Umali kuvunanyia amiinu gange namagina gizigongodo; kandi umali kunduvaganyira muluguchi.

Lisyoma lya Jeremia 3:48

Amaliga gidorokaa muzimoni zietu kigira vandu viitu vamali kudivizwa.

Lisyoma lya Jeremia 4:10

Avakali vi zimbavasi vadeeka vana vaavo aveene; ni vavalia kuli viukulia lwa vandu vange vadivizwa.

Lisyoma lya Jeremia 4:3

Kali vivwi vinyunyaa avana vavio, navuzwa vandu vange vamali kugwa avalulu ku avana vaavo kuli amahudu gu mwigendanyama.

Lisyoma lya Jeremia 4:6

Avandu vange vamali konyoora amageri manene kuvita mageri ga vandu va Sodoma vanyoola, lidaala liadivizwa ku ing'inga engekeeke ku vunyali vwa Nyasaye.

Amosi 8:10

Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!

Jona 3:6

Lwu mwami wa Nineve yahulira goosi agaali nigekolekaa, yatura kondeve yu vwami, natuliza iganza yeye yu vwami, ni yiviika zinguvu ziamagunia, ma niyikara mu ligoke.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Luka 7:12

Lwa yaali niyakaduuka ha kirivwa chi lidaala, henza, mukuzu yaali naleetwa ichova. Mukuzu oyo yaaha muyaayi muderwa ku mama weve, uwaali mukunzakali. Avandu vanyingi vi lidaala yilio vaali harara naye.

Yakobo 4:9

Muve no vovereri, muliri kandi musiome! Liseka lienyu ligirung'anywi kuva lilira, lisangala lienyu live liverera.

Yakobo 5:1

Kalunu, munyi avandu avatugi, mumbulirizi! Mukubi zikwiri kandi musiome, kigira ikivi kiiza kumugwila.