Jeremia 6:16 - KITABU KITAKATIFU

¹⁶ Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Jeremia 6:16 Iomraidhean Croise

1 Avami 8:36

uhuliri lisaala liavo noveeye mwigulu. Samiiha mwami kandi vwa avandu va Isiraeli. Uvigizi vakole gaveeye malungi. Hene yaho O, Yahova, tuma imbura ku kivala chicho kinu, cha waha vandu vovo kuli miandu ji mihiga ni mihiga.

2 Kyetsinyinga 19:11

Amaria musaalisi munene alava nilikalaga liu kumaliriza mu viina viosi vie idini na Zebadia muyaayi wa Ishimaeli mwamihi wi Ivuyuda, alava ni likalaga liu kumaliriza mu viina viosi kolondekana na malago gi kivala. Muve avaluviriri na mulonde malago yaga. Yahova alava harara na valungi veve!”

Zaburi 116:7

Ove nilielemeriza mu mwoyo gwange; kigira Yahova umali kongolera malahi ligali.

Isaya 2:5

Kalunu, ivisukulurwi via Yakobo, hambi kogende mu vulavu vwa Yahova akuheezaa!

Isaya 28:12

Yahaana vosoosi ni lielemeriza ku munyi mwosi, navuzwa mwasuura kumuhulira.

Isaya 30:21

Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Isaya 46:9

Mwizurizi vindu viakoleka mu madiku ga kale, muduuki kumanya ndi inzi wengine mbeeye Nyasaye, kandi siaveeye ho nu munyasaye wundi kuli inzi mba.

Isaya 57:2

Yavo avagendaa mu vulungi vingira mu mirembe; vanyoola ovososi lwa vagona mu likuza.

Isaya 8:20

Uvativuliri ndi, “Muhulirize ga Yahova amwigizaa! Mutahulirizi amigizu gavasigitiri mba, agavamuvoolera sigalatuliza ho vudinyu mba.”

Jeremia 12:16

Niiva valavugilira idini yavandu vange nu mwoyo mulala nukwisuha, ‘Kuli Yahova aveeye mwoyo’ - kuli mulitanga vigiza avandu vange kwisuha ku Baali - lwene yilwo valakave avalala kuavandu vange kandi valakagasizwi.

Jeremia 18:12

Valativura, ‘Awa, kigira ki kokole ndio? Kunyi kwosi kulava kuli avahindagirizi kandi avandu avuvudamanu kuli kwenya.’ ”

Jeremia 18:15

Navuzwa avandu vange vamali kunzivilira! Vahaana vihaanwa vie vimuli ku vifananyi. Vamali kwichigatira kuinzira yavaduukana kogenda ku, sivalonda muzinzira ziakale mba; vagenda kuzinzira zitaveeye zinungi.

Jeremia 2:25

Avandu va Isiraeli, mutasaliriza virenge vienyu mba, anoho mutava nuvuha na avanyasaye vandi mba. Navuzwa muvooraa, ‘Awa, si kunyala kwirana inyima mba. Kwayaanza avanyasaye vandi avageni. Kandi kulavasigamira.’ ”

Jeremia 22:21

Yahova yamoloma ku munyi ing'inga ya mwali ni mwagasizwa, navuzwa mwasuura kuhuliriza. Mwakora yaga mulimenya lienyu liosi, simwali munyala kutia Yahova mba.

Jeremia 31:21

Mulombe vimanyiru kunzira; mwenyerizi kandi inzira ya mwaleka. Mwilane, munyi avandu va Isiraeli, muzie yengo mu madaala ga mwaleka.

Jeremia 42:3

Ukusaaliri ku Yahova Nyasaye wiitu akumanyie zinzira ziduukanaa kolonde ku kandi vindu viduukana kokole.”

Jeremia 44:16

“Kunyi kusuuyi kuhulira amakuva ga umali kokovoolera mu lieta lia Yahova.

Jeremia 50:5

Navalateeve inzira izizaa Ziyoni ma navazie mulovega lwene yilwo. Valalomba ninzi lilagana litaveeye nekeheri kandi sivaaza valivunanyie mba.

Jeremia 7:23

Navuzwa ndaavalaga vaduuki kutia inzi, kunangwa inzi nduuki kuva Nyasaye wavo navo vaduuki kuva avandu vange; kandi ndaavavoolera vamenye kuli wandaali nindaavalaga, kunangwa vaduuki komenya vulahi.

Jeremia 7:24

Navuzwa si venya kutia anoho kuhulira inzi mba. Mu vogono vwene yivwo, vaakora goosi agavaganaganaa mu mioyo jaavo kokora amadinyu kandi amadamanu. Vaagwa avadamanu ligali havogono hukuva avalahi ligali.

Jeremia 7:3

Yahova Wuvunyali, Nyasaye wa avandu va Isiraeli avoora ndi, mugirung'anyie liiva lie limenya lienyu, kandi muleke vikolwa vienyu, na ndaleka mumenye havundu hano.

Malaki 4:4

“Mwizurizi amigizu kandi amalago gu mutumikiri wange Musa, ga ndahaana kuye ha kiguru cha Sinai ku vandu vosi va Isiraeli vaduuki kugatia.

Luka 16:29

“Navuzwa Aburahamu yamuvolera, ‘Avamwavo vovo vaveeye na Musa kandi avaporofeti; kuduuka vahuliri aveene yavo.’

Yohana 12:35

Yeso yavavolera, “Uvulavu vukikiri ni munyi ku ing'inga engekeeke. Gendi lwa mukikiri mu vulavu yivu kunangwa; kisundi kivuli kumunyoola, kigira ogendaa mu kisundi siamanyi wazizaa mba.

Yohana 13:17

Kalunu munyi mumanya vindu yivi, muveeye nuvugasu nimuvikola.

Yohana 5:39

Munyi musomelera mu Mang'oda Matakatifu nimuganagana ndi mulanyola livamwoyo litahera mugo; Navuzwa Mang'oda Matakatifu gene yaga amolomaa kondolekiza!

Vikolwa 17:11

Avandu vu weneyo vaali avahuliri kuvita avandu va Tesalonike. Vavugilira likuva ni likayirwa linene, nivenya mu Mang'oda Matakatifu kazozo valore niiva amakuva ga Paolo na Sila vavoola gaali gagiligali.

Varumi 4:12

Aveeye baba kandi wa yavo avakevwa, agaveeye kovora, wa yavo, komeeda ku likevwa, vamenyi liiva lielisuuvira lia baba wiitu Aburahamu yamenya nakikiri kokevwa.

Kwidzulitsa 32:7

“Muganagane ku agaavita, agizing'inga zia kale ligali, muganagane mihiga ja makura manyingi muteeve avababa vinyu vamuvolere ageekoleka. muteeve avasaakulu vinyu vamuvolere gi zing'inga zia kale.

Vakolosai 2:6

Kunangwa kuli mwa vugula Kristo Yeso kuva Mwami, muzizagiliri komenya ndio muye,

Vahebraina 11:2

Kigira lisuuvira avaguuga vavugilirwa na Nyasaye.

Vahebraina 6:12

Kunangwa sikwenyaa munyi muve vagata, navuzwa muve kuli yavo avasuuviraa kandi vaveeye viikuziri, kandi ndio vanyoore yivio via Nyasaye amali kusuuviriza.

Vakalagi 2:17

Navuzwa vandu va Isiraeli sivahulira vakalagi vaavo mba. Sivali vasuuvirifu ku Yahova mba navuzwa vaasigamira vanyasaye vandi. Avaguuga vaavo valonda amalago ga yahova, navuzwa ilikula lihia liivilira kolola ndio.