Jeremia 6:15 - KITABU KITAKATIFU

¹⁵ Vaali nizisoni kigira vakora ivindu viukuvihiliriza yivi? Awa, sivali nizisoni kali hakuzu mba; sivaheendaku mwoyo mba. Kulwayago valagwa kuli avandu vandi vamali kugwa; lwanambahe amageri, yilio nalive limaliriza liavo. Inzi Yahova, mali, kovora.”

Jeremia 6:15 Iomraidhean Croise

Litanga 19:34

Lidiku lialondaku, mukaana munene yavolera mukaana muke ndi, “Inzi ndaali harara na baba wiitu vudiku vwa mugolova. Kalunu genda kumuhe iwaini ahambiki vudiku vwa kalunu, ma ivi ove harara naye, maku vuli mulala ku kunyi yiivuli mwana na baba wiitu.”

Kutwula 32:34

Kunangwa kalunu uzie, kwimilira avandu vaduuki havundu ha mali kokovoolera. Wizulizi ndi engelosi wange alakwimilira; navuzwa mu ing'inga yiza lwa ndihaana mageri ku avandu yava kigira uvwoni vwavo.”

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Isaya 10:4

Munyi mulakitilwi muvulwani anoho mulakahilwi kuli avahambe. Kali ndio uvutima vwa Yahova si vulahera mba, navuzwa alanyira mukono gwigwe kuhaana amageri ku munyi.

Isaya 3:9

Lihenza lie zimoni ziavo lilorekiza kuva liu kuhing'ana. Vamali kokora uvwoni havulavu, kuli lidaala linene lia Sodoma. Vamali kudiva! Vamali kwivika mu vudamanu aveene.

Jeremia 14:15

Inzi Yahova, ngovolera aganzizaa kokora ku avaporofeti yavo, ava inzi ndaavura kutuma navuzwa vamolomaa mu lieta liange nokovoora ndi vulwani kandi inzara si viladiviza kivala yiki mba. Inzi Yahova ndavitira mu vulwani harara ninzara enene ligali.

Jeremia 18:23

Navuzwa, Yahova, ivi umanya lilohiza liavo liosi liu mu vwivisu kunzita. Utasamiha uvudamanu vwavo anoho kusamiiha uvwoni vwavo mba. Uvaleke vave muliguutwa kandi uvahe amageri lwa ukikiri nu vutima.”

Jeremia 23:12

Zinzira ziavalondamu zilava zindelere kandi ziekisundi; inzi ndavakora vichigatiri kandi vagwi. Nziza koleta kivi kuvo; ing'inga yaavo yokohevwa amageri yiza. Inzi, Yahova mali kovora.

Jeremia 3:3

Yiki nicho chagira imbura nivula kukuba kandi imbura ying'inga yilisembera nivula kuuza. Kali muheezaa kuli avataveeye avasuuvirifu; muvura zisoni.

Jeremia 44:10

Navuzwa kuduuka kalunu, ndi, mukikiri kwegehiza aveene mba. Mukikiri kuhaana luyali ku inzi, kandi mukikiri komenya kolondekana na malago goosi ga ndaamuha kandi ga ndahaana ku avaguuga vinyu mba.

Jeremia 5:29

“Navuzwa inzi Yahova, ndahaana amageri kuvo kigira vindu yivi; ndavanza kisaalia ku ihiiri yiyi.

Jeremia 5:9

Nyara kuvaha amageri kigira kokora vindu kuli yivi, kandi kuvanza kisaalia ku ihiiri kuli yiyi?

Jeremia 8:12

Avandu vange, mwaali ni zisoni kigira mwakora vindu viukuvihiliriza yivi? Awa, simwali nisoni mba sivahendaa mioyo jaavo kali hakuzu mba; si mwamanya kali lwa mwaali mu zisoni mba. Kulwayago, mulagwa kuli avandi vamali kugwa. Lwa mbana amageri ku munyi, yicho kilava keheri chienyu. Inzi Yahova mali kovora.

Jeremia 8:9

Avandu vovogeri valaviikwa mu zisoni, kohenda mioyo kandi valagumirwa; vamali kusuura makuva gange. Kalunu vogeri ki vwa vaveeye navwo?

Ezekieli 13:14

Ndasambura lidigi liavumbaka novodohi nukulidiviza, kandi ndaleka imise jalio jamagina hazwa. Lilamugwila na mwosi muladiva. Maku mulamanya ndi Inzi mbeeye Yahova.

Ezekieli 2:4

Vaveeye avahindagirizi kandi sivambezaa luyali mba. Kunangwa ngutumaa uvavoolere aga inzi, Yahova Wuvunyali mboraa kuvo.

Ezekieli 24:7

Avandu va Jerusalemi vaaluminda vandu vataveeye nimbara mu lidaala linene. Sivaveeye avanyala kali kukunika masahi gasunduka ku lirova nuluguki mba.

Hosea 4:5

Munyi mwigatalaa mbasu navudiku harara navaporofeti. Kunangwa ndadiviza Isiraeli mama vinyu.

Hosea 9:7

Ing'inga yu kuhaana mageri imali kuduuka. Yiyi ni ing'inga lwa avandu navanyoole agadukanaa navo. Lwa yago gakolekaa, avandu va Isiraeli valamanya! Mulavoola ndi, “Muporofeti uyu aveeye umusiru; kandi aveeye na roho gwu vulalu.” Avandu munyi muvadunyira kigira uvwoni vwinyu voveeye ovonene ligali.

Mika 3:6

Kulwayago, uvudiku vulaza ku munyi vugira malola, kandi kisundi kiladuuka ku munyi vugira uvusigitiri. Iliuva lilayelera avaporofeti, kandi lidiku lilava kisundi kuvo.

Mika 7:4

Kali mulahi kuvita vosi kandi musuuvirifu kuvita vosi vuzwa vaveeye kuli indiva. Lidiku limali kuduuka lwa Nyasaye nahaane mageri ku avandu, kuli yaviganihiza kuvitira mu avasikari veve, avaporofeti. Kalunu vaveeye mu vogoyani.

Zefania 2:1

Munyi avandu vi zihiiri zitaveeye ni zisoni, mwivungikizi harara

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Zekaria 13:4

Ku lidiku liene yilio, vuli muporofeti aladuuka mu zisoni na malola geege lwava naporofetaa. Muporofeti sialiviika inguvu yu vwoya yu voporofeti kunangwa aduuki kugaada vandu.

Matayo 15:14

“Mutavahendera mwoyo mba. Vaveeye aviimiliri vavoku. Umboku niyimilira umboku, vombi valagwa mu vogo.”

Vafilipi 3:19

Keheri cha avandu yava keveeye ilidivizwa, kigira nyasaye wavo ni lienya lie imiviri jaavo, kandi vasangalira vindu viavenyekaa vave ni zisoni navio. Zing'anagani ziavo ziveeye vuzwa ku vindu vie lirova yili.