Jeremia 6:13 - KITABU KITAKATIFU

¹³ Siavuli mundu, mukuzuzu ku munene agerizaa kwenyolera mabese muinzira itaveeye yuvusuvilifu; kali kuli avaporofeti navasaalisi vagada avandu.

Jeremia 6:13 Iomraidhean Croise

Isaya 28:7

Kali vaporofeti navasaalisi vaveeye vahambiku ligali kali vagenda nivayekayeka vanweeye iwaini namalwa malulu kali vikigitara mugoyana. Avaporofeti vaveeye vahambiku ligali kali sivanyala kumanyiriza malola ga Nyasaye atumaa mba, na vasaalisi navo kandi vaveeye vahambiku ligali kali sivanyala kukalaga viyaalo viletwaa kuvo mba.

Isaya 57:17

Ndavasinyikira kigira uvwoni nu vuviti vwavo, kunangwa ndaavaha mageri, kandi nimbaleka. Navuzwa vahindagiriza nivazizagilira kuzia mu zinzira ziavo aveene.

Jeremia 14:18

Lwandulanga kuzia mumilimi, ndolaa miviri mikuzu ja avandu viitirwa mu vulwani; lwandulaa kuzia mu madaala, ndolaa avandu ni vakuza kigira inzara. Avaporofeti na avasaalisi vakora miyinzi jaavo, navuzwa sivamanyi chavakola mba.”

Jeremia 17:11

Mundu anyoora uvutugi munzira itaveeye isuuvirifu, aveeye kuli ilinyonyi ligoneraa amavuyu agaliavula kotera. Hagati hi limenya lilie alagotiza uvutugi vwivwe, kandi mu keheri chi limenya lilie alava vuzwa kandi umusiru.

Jeremia 2:26

Yahova avoora, “Kuli umwivi aviikwa mu zisoni lwa agumiriywi, kandi ndio munyi avandu va Isiraeli vosi mulavikwa mu zisoni harara na avami vinyu kandi na avanene vinyu, avasaalisi na avaporofeti.

Jeremia 2:29

Kigira ki muhing'anaa ninzi? Kigira ki munyi mumali kwibaala ku inzi?

Jeremia 2:8

Avasaalisi si vateva, ku ‘Yahova aveeye hayi?’ Yava avaari ni lilago sivamanya inzi mba. Avamihi vibaara ku inzi avaporofeti vaporofeta mu lieta lia Baali, kandi nivasigamira vifananyi via vuzwa.”

Jeremia 22:17

Navuzwa unyala vuzwa kukayirwa lienya liilio umwene; witaa avandu vataveeye nimbala kandi mu kilage udambiza avandu vovo Yahova umali kovora.

Jeremia 23:10

Kivala chayizula avandu vataveeye avasuuvirifu ku Yahova; vamenya limenya liuvuchamu kandi vatumikira zinguru ziavo vudamanu. Avandu vi kivala vasioma kandi uvwayilu vwayuma kigira kilaamo cha Yahova.

Jeremia 23:11

Yahova avoora, “Avaporofeti navasaalisi vaveeye vugira Nyasaye; Inzi mali kuvanyolerera ni vakora uvudamanu mulitembeli.

Jeremia 27:15

Yahova mwene amali kovora ndi si yatuma avaporofeti yavo kumunyi kovora makuva gu vugadi mulieta lilie mba. Kulwayago alamukunga kutura mukivala yiki, munyi harara na avaporofeti avavooraa uvugadi kandi muliitwa.”

Jeremia 32:32

kigira uvudamanu vwosi vwa avandu vi Ivuyuda kandi Jerusalemi vamali kokora, harara na avami vaavo kandi na aviimiliri vaavo, na avasaalisi kandi na avaporofeti vaavo.

Jeremia 42:1

Maku aviimiliri vosi vi liihi, harara na Johanani mwana wa Karea na Azaria mwana wa Heshaya, na avandu vosi kutura ku mukekeeke kuduuka ku munene vaza ku inzi

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Jeremia 8:10

Kulwayago ndahaana milimi jaavo ku avandu vandi kandi avakali vaavo valahevwa avasaza vandi. Vuli mundu, munene kandi mukekeeke alageriza kolomba amabesa munzira itaveeye isuuvirifu. Kali avaporofeti na avasaalisi vagada avandu.

Lisyoma lya Jeremia 4:13

Navuzwa gekoleka kigira avaporofeti vakora vwoni kandi avasaalisi vaavo vaali namashioro gukwita avandi vatali nimbara.

Ezekieli 22:12

Valala ku munyi vahevwa mitungu vaduuki kwita. Valala vatungiza vukala vunyingi kuliegobiza liavakola ku vandu va Isiraeli nokonyoora vutugi kigira litungiza linyingi kuvo. Vamali kunzivilira.” Yahova Wuvunyali umali kovora.

Ezekieli 33:31

Kunangwa avandu vange vazaa kuhulira makuva aga oveeye nago, navuzwa si vakora aguvavoolela vakole mba. Vavoola makuva gu kuyaanziza, navuzwa vazizagiliraa muliiva liavo liokolomba vukala vunyingi.

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Mika 3:5

Yahova avoora, “Avandu vange vamali kugadwa na avaporofeti avasuuvirizaa mirembe ku yavo avavatuungaa navuzwa vatihiza nuvulwani yavo avatavahezaa kindu.

Luka 16:14

Lwa Avafarisayo vahulira, amakuva yaga goosi, vaakolera Yeso kehenyahenye kigira vayaanza mabese.

2 Petro 2:1

Kuli vaporofeti vu vugadi vanyooleka hagati ha vandu mu madiku yago, kandi munzira ndala nzere avigizi vu vugadi valanyooleka mumunyi. Valaleta mu vuvisi amigizu go vovehi kandi gukudiviza na valambakana Umwami wavahonyia, na ndio valeletera aveene lidiviza lia vwangu.

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.