Jeremia 6:12 - KITABU KITAKATIFU

¹² Zinyumba ziavo kandi imilimi, navakari vaavo, vilahaanwa kuvandi. Nziza kuhaana amageri ku vandu vikivala yiki.

Jeremia 6:12 Iomraidhean Croise

1 Kyetsinyinga 21:16

Daudi yalora engelosi nasingiyi mu vwerefu hagati, nagumiyi kivavi chiche mu mukono gwigwe, niyetegeki kudiviza Jerusalemi. Maku Daudi na aviimiliri va avandu, vosi avaari niviviiki zinguvu zia magunia, vaagwa haasi mamumama.

Isaya 10:4

Munyi mulakitilwi muvulwani anoho mulakahilwi kuli avahambe. Kali ndio uvutima vwa Yahova si vulahera mba, navuzwa alanyira mukono gwigwe kuhaana amageri ku munyi.

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Isaya 9:12

Siria ku lovega lwi ivugwi kandi Filisitia ku lovega lwi madioli vakunuyi minwa jaavo ukumila Isiraeli. Na kali ndio, uvutima vwa Yahova vukikiri kuduuka ku kiheri; akinyiiyi vuzwa mukono gwigwe ukuhaana mageri.

Isaya 9:17

Kunangwa Yahova sialaleka avasoleri vahononoke mba; sialamanyia liverererwa ku vakunzakali navavisandu mba, kigira avandu vosi sivali nuvunyasaye mba, vaveeye avachamu na kindu choosi cha vavola keveeye uvudamanu uvwere. Na kali ndio, uvutima vwa Yahova sivulahera mba, navuzwa akinyiiyi vuzwa mukono gwigwe ukuhaana mageri.

Isaya 9:21

Avandu vi ihiiri ya Manase na avandu vi ihiiri ya Efuraimu vingilirana aveene naveene; kandi vombi harara, vatutilanga avandu vi Ivuyuda. Navuzwa ku yaga goosi, uvutima vwa Yahova sivoheraa mba. Akinyiiyi vuzwa mukono gwigwe ukuhaana mageri.

Jeremia 15:6

Munyi avandu va Jerusalemi mumali kusuura inzi; mumali kugirung'ana kutura ku inzi. Kulwayago, mali kuhaana amageri ku munyi kandi kumudiviza, kigira si ndaali nyara kumanyia livererera mba.

Jeremia 21:5

Inzi ndamulwana nizinguru ziange ziosi, kandi, nu vutima vwange vululu.

Jeremia 38:22

Mu malola yaga, ndaalora avakali vosi avatigara munyumba yu vwami vwi Ivuyuda nivahilwa ku mwami wa avanene va Babiloni. Huliriza ku agavavoola lwa vaali ni vazizaa: ‘Avalina vu mwami avasuuvirifu vamali kumugada, vamali kumuguuta nu kumwamiiha. Kalunu umali kusikira mu vodohi, avalina veve vamali kumuleka.’ ”

Jeremia 38:23

Maku ndaameeda kovora, “Avakali vovo vosi kandi avana vovo vosi valahirwa ku avandu va Babiloni, na ivi mwene siulahononoka kutura kuvo mba. Mwami wa Babiloni alakokola kuva umuhambe, kandi lidaala linene yili lilasambwa nu kudivizwa ligali.”

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Jeremia 8:10

Kulwayago ndahaana milimi jaavo ku avandu vandi kandi avakali vaavo valahevwa avasaza vandi. Vuli mundu, munene kandi mukekeeke alageriza kolomba amabesa munzira itaveeye isuuvirifu. Kali avaporofeti na avasaalisi vagada avandu.

Lisyoma lya Jeremia 2:8

Yahova amali kusaavira kusambula madigi gi lidaala lia Ziyoni. Yavika kimanyiru kolola ndi amadigi goosi gadiviziywi. Minaara harara na madigi, kalunu vitigaye mang'anye.

Lisyoma lya Jeremia 3:3

Nyasaye yambezaa mageri vuli ing'inga.

Lisyoma lya Jeremia 5:11

Avakali viitu vamali kwononywilwa ku kiguru cha Ziyoni chene; mu vuli kadaala twi Ivuyuda avakaana viitu vamali kunigwa kuhaana miviri jaavo.

Lisyoma lya Jeremia 5:2

Miandu jietu jiveeye mumakono ga vandu avageni; avageni vamenyi muzinyumba zietu.

Lisyoma lya Jeremia 5:3

Avasigu vamali kwita vababa viitu, kandi kalunu avamama viitu vaveeye avakunzakali.

Ezekieli 35:3

Ovoolere avandu aga Inzi, Mwami Munene Yahova mboraa: Inzi mbeeye musigu winyu, munyi avandu va Edomu! Ndahaana mageri ku munyi kandi ndamukora muve hazwa.

Ezekieli 7:24

Inzi ndaleta zihiiri zindamanu ligali hano, kandi ndazileka zivuguli zinyumba zienyu. Avasaza vinyu vizingulu navave avadedekere lwa nandeke zihiiri kwononya havundu ha mwasigamiraa misambwa.

Mika 2:4

Lwi ing'inga yene yiyi iduuka, avandu valatumikira makuva ginyu kuli kelolero chi kivi, na valimba ulwimbu yilu lwu kukuza mwoyo. Kigira vindu viamwavitiramu: Kumali kudivizwa ligali! Yahova umali kuvugura milimi jietu, kandi ujigavuliyi yavo avakuhila muvuhambe.”

Zefania 1:13

Vutugi vwavo vulavugulwa kandi zinyumba ziavo ziladivizwa. Sivalakamenye mu zinyumba zia vumbaka mba, anaho sivalakanwi iwaini kutura ku mizabibu jaavo ja vataga mba.’ ”

Zefania 1:4

“Ndakahaane mageri ku vandu va Jerusalemi halalani Ivuyuda. Ndakonogonyie vandu vosi avasigamiraa Baali. Sialakaveho nu mundu kali mulala ulakizulirizi avasaalisi vi vifananyi avatumikiraa Baali mba.