Jeremia 52:3 - KITABU KITAKATIFU

³ Yahova yaali nu vutima ligali navandu va Jerusalemi ni Ivuyuda, na yavakunga kutura imbiri weve. Zedekia yibaala ku mwami Nebukadineza wa Babiloni,

Jeremia 52:3 Iomraidhean Croise

Litanga 4:14

Ivi umali kungunga kutura ku lirova kandi ndivisa kutura imbiri woovo. Ndagendagenda mukivala, kandi mundu woosi onyoora alaanzita.”

Litanga 4:16

Maku Kaini yazia kutura imbiri wa Yahova, nazia komenya mukivala cha Nodu ekeveeye Ivugwi wa Edeni.

2 Samweli 24:1

Yahova yaali nu vutima na vandu va Isiraeli ligali, kandi yakola Daudi aleete uvudinyu kuvo. Yahova yamuvolera, “Zia uvalizi avandu va Isiraeli ni Ivuyuda.”

1 Avami 10:9

Yahova Nyasaye woovo yizominywi! Amali kumanyia kuli ayanziziywi kokokola ove mwami wa Isiraeli, kigira vuyanzi vwivwe ku vandu va Isiraeli voveeye vwukuhindira mihiga ni mihiga. Umali kokora ivi kuva Mwami kunangwa uduuki kulinda Lilaga nu vulungi.”

2 Avami 17:18

Yahova yavihilirizwa na vandu va Isiraeli, kandi navatuliza mu zimoni zizie, naleka vuzwa uvwami vwa Vayuda vweng'ine.

2 Avami 17:20

Yahova yasura avandu va Isiraeli vosi, navaha amageri, navaviika mu makono ga vasigu valulu vaavo kuduuka lwa yavatuliza mu zimoni zizie.

2 Avami 17:23

kuduuka mu limala, Yahova yaatuliza avandu va Isiraeli mu zimoni zizie, kuli yaali ni yaviganihiza kuvitira ku vatumikiri veve avaporofeti kunangwa avandu va Isiraeli vaahirwa mu vuhambe mu kivala cha Asiria, uwavakemenyi kuduuka lero.

2 Avami 24:20

Yahova yavihilirwa ligali na vandu va Jerusalemi ni Ivuyuda, na yavatuliza imbiri weve. Zedekia yibaala ku mwami Nebukadineza wa Babiloni.

2 Kyetsinyinga 36:13

Zedekia yibaala ku mwami Nebukadineza, uwaali naamunigi yisuhi mu lieta lia Nyasaye ndi alava musuuvirifu kuye. Kigira kirage chiche ya suraa kwiganira kandi kwirana ku Yahova Nyasaye wa Isiraeli.

Ezara 4:15

kunangwa alage lienyeleriza likolwe numang'oda aga avaguuga vovo vaviika. Niiva ulakola ndio, ulanyora ndi lidaala linene yili liali liukwibaala kandi kutura muzing'inga ziakale liadambiza avami kandi navamiihi vi vivala. Avandu valio vaveza vadinyu kwamiiha kazozo. Yiki nicho chagira lidaala linene yili nilidivizwa.

Tsing'ano 28:2

Lwi ihiiri ekolaa vwoni, yamifwaa na vami vanyingi, navuzwa ihiiri eveeye na vimiliri vi limanyiriza kandi limanya ilazizagilira kuva ni zinguru.

Kohelethu 10:16

Kivala kevezaa mu vudinyu lwu mwami wacho aveeye muyaayi, na vimiliri vacho vaveeye mulisaangala lie lilia vudiku vwosi.

Isaya 19:4

Ndahaana avandu va Egebeti ku vandu valulu, ku mwami mululu ulivaamiha. Inzi Yahova Wuvunyali mali kovora.”

Isaya 3:1

Kalunu Yahova, Yahova Wuvunyali, aveeye ahimbi kutulizaho ivindu viosi kandi vandu vosi avahaana ovokonyi ku vandu va Jerusalemi ni Ivuyuda; Azizaa kutulizaho avandu vosi avahaanaa ovokonyi ku Jerusalemi kandi Ivuyuda. Alatulizaho viukulia viavo viosi kandi na amazi gaavo goosi,

Isaya 36:5

Uganaganaa makuva amere ganyala kuvugura vwiyangu vwo vogeri kandi zinguru ziuvulwani? Nivwaha wa uganaganaa alakokoonya ukwiibaala ku vandu va Asiria?

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Jeremia 7:15

Ndamukunga muturi imbiri wange kuli ndakunga aviiko vinyu, avandu va Isiraeli. Inzi Yahova mali kovora.”