Jeremia 52:24 - KITABU KITAKATIFU

²⁴ Komeeda Nebuzaradani, munyabara munene wi liihi, yaahira muvuhambe Seraya musaalisi munene, Zefania musaalisi olondeleri wumusaalisi munene, na avanene vaduukiru vandi vavaga vumu Litembeli.

Jeremia 52:24 Iomraidhean Croise

2 Avami 23:4

Hene yaho, mwami Josia yavolera Hilicha, musaalisi munene, avasaalisi valondi veve, na vasikari vu kulinda avaari ku miyinzi ha vwingiliru vwi Litembeli valeete ichova wi Litembeli iviju viosi iviatumikaa mu lisigamira lia Baali, viu munyasaye wi kikali Ashera, kandi zing'ereng'ani. Mwami yasambira iviju yivi viosi ichova wi lidaala linene lia Jerusalemi ahimbi ni Livona lia Keduroni, na yaahira lligoke liavio Bezeli

2 Avami 25:18

Komeeda ku vandu vo munyabara, munene wi liihe lia Nebukadineza yaahira mu kivala chu vuhambe; yaahira kandi Seraya musaalisi munene, Zefania musaalisi olondela musaalisi munene, na vanene vaduukiru vandi vavaga vu mu Litembeli.

1 Kyetsinyinga 6:14

Azaria yivula Seraya, na Seraya ni yivula Jehozadaki.

Ezara 7:1

Inyima wi mihiga minyingi, lwa Aritasakises yaali mwami wa Pasia, yaali ho umundu uwalangwa Ezara. Yenyeleriza avaguuga veve kuduuka inyima ku Haruni musaalisi munene kuli ndi: Ezara yaali muyaayi wa Seraya, na Seraya yaali muyaayi wa Hilikia,

Zaburi 84:10

Kuva mu Litembeli liilio ku lidiku lilala, voveeye vulahi ligali kuvita kuva havundu handi madiku elefu indala, vwakaveeye vulahi inzi kuva mulindi ha kirivwa chi Litembeli lia Nyasaye wange, ukuvita komenya mu zinyumba zia vandu vachamu.

Jeremia 20:4

Yahova mwene avooye, ‘Ndakokola ove mutiihizi ku avalina vovo vosi kandi ku ivi mwene, kandi avasigu vaavo valitirwa mu vulwani imbiri woovo. Nziza kuviika avandu vosi vi Ivuyuda mu vwamihi vwu mwami wa Babiloni; alavugula avandu valala avahili mukivala cha Babiloni kuli avahambe na avandu vandi alavita.

Jeremia 21:1

Mwami Zedekia wi Ivuyuda yatuma Pashuri mwana wa Malikia nu musaalisi Zefania mwana wa Maaseia ku inzi kovora,

Jeremia 29:25

Yahova Wuvunyali, Nyasaye wa avandu va Isiraeli avoora: Ivi waang'oda zibarwa mulieta lilie kandi watuma ku avandu vosi avaveeye mu Jerusalemi, kandi ku Zefania mwana wa Maaseia musaalisi, kandi ku avasaalisi vosi kovora:

Jeremia 29:29

Musaalisi Zefania yasomera ibarwa yiyi. Jeremia,

Jeremia 34:21

Kunangwa ndahaana mwami Zedekia wi Ivuyuda navatumikiri veve ku yavo avenya kuviita. Kandi ndavaviika ku liihi lia avandu va Babiloni, iliali nilialekera kuvingilira.

Jeremia 35:4

nimbaleeta mu Litembeli. Ndaavahila mu keng'oze cha aviigi avumuporofeti Hanani mwana wa Igidalia. Keng'oze yicho chaali igulu ku keng'oze cha Maaseia mwana wa Shalumu munene wikivuni mu Litembeli himbi kuving'oze via vanene vandi.

Jeremia 37:3

Mwami Zedekia yatuma Jehukali mwana wa Shelemia kandi musaalisi Zefania mwana wa Maaseia koteeva inzi saale ku Yahova Nyasaye wiitu kigira avandu vihiiri yitu.

Jeremia 52:12

Ku lidiku lie likomi, mweli gwakatano, mu muhiga gwa 19 gwi liamiiha liu mwami Nebukadineza wa Babiloni, Nebuzaradani mwani wi zing'anagani wu mwami kandi mwimiliri wi liihi lilie, yaza Jerusalemi.

Jeremia 52:15

Maku Nebuzaradani yavugula avandu vaali nivatigaye mu lidaala linene, avasaza vatigara avaari ne limanya linene, avasiza na avatuli kandi yavo avaari niviluki kutura ku mwami wa Babiloni, naavahira mu lihaminywa.

Lisyoma lya Jeremia 4:16

Yahova mwene umali kuvasalanyia, sialavaganagana ku kandi mba; Avasaalisi si vahevwa uluyali mba kandi avakulundu sivayaanzirirwa mba.

Ezekieli 11:7

“Kunangwa yaga nigo aga inzi, Yahova Wuvunyali mboraa. Lidaala linene yili liveeye ligali inyingu yokodekeramu, navuzwa inyama eveeye ki? Inyama yiyi eveeye miviri jayavo avamumali kwita. Munyi si mulava hano mba, ndamusiuva ichova wi lidaala linene!

Ezekieli 24:5

Utumikiri inyama indahi ligali yi ligondi; uviiki zingu mu mahiga. Oleke amazi gatavagili, ma odeeke vigumba kandi zinyama.”

Ezekieli 34:10

Inzi, Mwami Munene Yahova mboraa, mbeeye musigu winyu. Ndakavuguli magondi gange kutura ku munyi kandi si mulakave aviimiliri vago kandi mba. Si nandeke na mwilindi aveene kandi mba. Ndakahonyie magondi gange kutura ku munyi kandi si mulagalia kandi mba.