Jeremia 51:9 - KITABU KITAKATIFU

⁹ Avageni vamenyi mu kivala yicho vavoola, ‘Kwageliza kokonya Babiloni, navuzwa sikwanyala mba. Gendi kuvaleke kalunu na kwilane mukivala chiitu. Nyasaye amali kuhaana amageri ku vandu va Babiloni ni zinguru zizie ziosi kandi umali kuvadiviza ligali.’ ”

Jeremia 51:9 Iomraidhean Croise

2 Kyetsinyinga 28:9

Haali ho nu muporofeti wa Yahova, uwalangwa Odedi wamenyaa mu lidaala linene lia Samaria. Yagana ni liihi lia Isiraeli liali nivirana na vahambe kutura Ivuyuda lwa vaali nivaveeye ahimbi kwingira mu lidaala linene ma navavoolera, “Yahova Nyasaye wa vaguuga vinyu yavihilirwa na vandu vi Ivuyuda ma naleka munyi muvaguuti; navuzwa kalunu umali kuhulira kuli munyi mu vasinzi mu vutima vonene vugira livelererwa, kali yaga goosi gaduuki mwigulu.

Ezara 9:6

Inzi ndaavoora, “O, Nyasaye, inzi mbeeye ni zisoni kuginga mutwi gwange igulu imbiri woovo. Uvwoni vwitu vumali kuva vunyingi ligali, imbiri woovo.

Isaya 13:14

“Avageni avamenyi mu Babiloni valiruka kuzia mu vivara viavo aveene, varasarana kuli zimbongo ni ziruka kutura ku avahimi, kandi kuli amagondi gataveeye nu mwayi.

Isaya 47:15

Yava ni vakumu kandi avasigitiri, avamwenyereriza zing'anagani kutura kuvo, kandi avamwakiranyia navo kutura ni mukikiri avayaayi; vosi valatura ku munyi, mundu mulala sa mulala alazia kunzira yeye yuvuchamu. Sialatigala ho mundu kali mulala amuhonyia mba.”

Jeremia 46:16

Avasikari vinyu vamali kwikigatira ma vagwiyi; vuli mulala avolera wache, ‘Kola vwangu! Leka kuzie yengo ku avandu viitu ma kwiruki kutura mu likuza!’

Jeremia 46:21

Kali avasikari vaavo vagulwa vaveeye vuzwa kuli vimoli. Sivali vanyara kusingila nukulwana mba; vosi vagirung'ana ni viruka. Lidiku lie lidivizwa liavo liali niliduuki, ing'inga yaavo yukudivizwa.

Jeremia 50:16

Mutaleka vamizi uvumwu mukivala yicho anoho vagesa mba. Vuli umundu mugeni omenya mu kivala yiki alatia kigira liihi kandi alirana mu kivala chiche mwene.”

Jeremia 8:20

Avandu valira ni vavoola, “Ing'inga yi ligesa eheri, umbasu gufeye, navuzwa sikwanyoola vokonyi mba!”

Hosea 7:13

“O, vayaayi kivi keveeye kuvo! Vamala koleka inzi kandi nukwibaala kutura ku inzi. Valadivizwa. Inzi ndeenya kuvahonyia, navuzwa vangadaa.

Likunula 18:4

Maku ndaahulira mwoyo gundi gutulaa mwigulu, nigovoora, “Avandu vange, muturi mulio! Mutava ni lisanga nalio muvwoni vwalio mba! Mutava ni lisanga ku maduywa galio mba.

Likunula 18:5

Kigira uvwoni vwalio vuvungi kitumi kuduuka mwigulu, kandi Nyasaye wizulizi uvudamanu vwalio.