59 Yaga na makuva ga inzi Jeremia ndahaana ku Seraya mwana wa Neria, mwisukulu wa Mahiseya, lwa yazia Babiloni nu mwami Zedekia wi Ivuyuda mu muhiga gwa kane gwi liamiiha lilie.
Navuzwa kigira avaguuga viitu vaakora Nyasaye wi ligulu kuva nu vutima, yavakola nivaguutwa nu mwami Nebukadineza wa Babiloni, mwami wa Kalideani. Yadiviza Litembeli kandi navugura vandu naavahira Babiloni mu vuhambe
Mu muhiga mulala mwere, mulitanga lie liamiiha liu mwami Zedekia wi Ivuyuda, mu mweli gokolaa katano ku muhiga gwa kane, Hanania mwana wa Azuri, muporofeti kutura Gibeoni, yamoloma ku inzi mu Litembeli. Yambolera imbiri wa avasaalisi kandi avandu vosi ndi,
Ndaavugura zibarwa ziene yizi niimbana ku Baruki, mwana wa Neria kandi mwisukulu wa Mahaseya. Avandu vaaliho mu lihaana yili vaali: Hanameli, avaloli vaali ni vaviikiku mukono gwaavo, harara na Avayuda vosi avaari ni vikaaye mu mugizi gwi inyumba yu vwami.
Zedekia yaali ni mihiga 21 lwa yagwa mwami wi Ivuyuda, na yamiha mu Jerusalemi ku mihiga 11. Mama weve yaali Hamutali, mukaana wa Jeremia kutura mu lidaala linene lia Libuna.