Jeremia 51:53 - KITABU KITAKATIFU

⁵³ Kali niiva avandu va Babiloni valakanine muligulu, nu kwumbakayo zimbinga zie zinguru ligali, navuzwa ndakatumi avandu kuvadiviza. Inzi Yahova mali kovora.”

Jeremia 51:53 Iomraidhean Croise

Litanga 11:4

Vavoola, “Kalunu gendi kwumbake lidaala linene, ma kolombe munara mutambi kali kuduuka mu ligulu, kunangwa kwelombele lieta kunyi aveene kandi kuvuli kusalana mu lirova liosi.”

Ayubu 20:6

Kali ovonene vwavwo nivoveeye vutambi kuduuka mwigulu na imitwi jaavo kudiira ku malesi,

Isaya 13:17

Yahova avoora, “Ndasingiliza vandu vi ihiiri ya Ivaale yi Ivugwi wa Babiloni avalangwa Medesi, vazie kwingilira Babiloni. Avandu yava si valiyanzilira ifeza anoho izahabu mba.

Isaya 41:25

“Inzi mali kotovola muguuti omenya vugwi. Ndamuleta aduuki kumwingilira kutura Ivaale. Alasenagira avamihi hasi kuli vaveeye amadohi, kandi kuli umulongi aduvagaa lidohi.

Isaya 47:5

Yahova avooreraa lidaala lia Babiloni, “O, munyi avandu va Babiloni, mwikale mu kisundi muchiring'ane, simulalangwa kandi mwami wi kikali wi zihiiri mba.

Isaya 47:7

Munyi avandu va Babiloni, mwaganagana mulamiiha mihiga ni mihiga, simwaganagana ku vindu yivi mu mioyo jinyu mba, kandi simwaganangana kuli keheri kiliduuka mba.

Jeremia 49:16

Lielora liyinyu limali kumugaada. Avulaho mundu kali mulala utizanga munyi kali niiva muganaganaa vamutiizaa. Munyi mumenyaa muzimbangaywa ziezinyanda, igulu kukigulu; navuzwa kali niiva mwamenya igulu mwigulu kuli indizu, Yahova alamwikiza. Yahova amali kovora.”

Jeremia 50:21

Yahova avoora, “Wingilira avandu va Merazaimu na Pekodi. Uviti kandi uvadivizi. Okole goosi agangulagaa. Inzi Yahova mali kovora.

Jeremia 50:25

Inzi mali kukunula havundu hi viugi viange viavikwa, kandi mali kuvituliza ichova mu vutima vwange, kigira Inzi, mwami munene Yahova Wuvunyali mbeeye nimiyinzi jokokola mu Babiloni.

Jeremia 50:45

Kunangwa hulira lilohiza liamali kolomba kigira lidaala linene lia Babiloni, kandi chang'anagana kokolera avandu valio. Kali avana vaavo navakungwi, kandi vuli mundu naave nuvuti ligali.

Jeremia 51:11

Yahova amali kusinyikiza avami va Media, kigira asaaviyi kudiviza Babiloni. Alakola ndio kuvanza kisaalia kigira vayononyia Litembeli lilie. Avanene vi Liihi liukwingilira vamali kulaga ndi, “Muhiagale mivano jinyu ju vuta! Mwetegekizi zinguva zienyu!

Jeremia 51:25

Babiloni, ivi oveeye kuli kiguru ikidivizanga kivala choosi, navuzwa Inzi, Yahova mbeeye musigu woovo. Ndakuvugura, ngusisuli kuduuka kumalova, ma ngoleke noveeye kuli ligoke.

Jeremia 51:48

Vindu viosi viveeye muligulu kandi mu lirova, viliimba nuvusangali lwa Babiloni igumilwa nu kudivizwa na vandu, kutura Ivaale!

Jeremia 51:56

Avasigu vamali kuza kudiviza Babiloni; avasikari valio vamali kugumirwa, kandi vamali kuvunanyia mivano jaavo ju vuta. Inzi mbeeye Nyasaye uhaanaa amageri ku vudamanu. Ndakolera Babiloni kuli gavadukiraa.

Jeremia 51:58

Amadigi amadinyu gi lidaala lia Babiloni galavunguluka, virivwa vialio vitambi vilasambwa. Miyinzi midinyu ja vandu jilava hazwa, miyinzi ji zihiiri jirava kuli jolomemo lwu muliru. Inzi, Yahova wuvwami mali kovora.”

Danyeli 4:30

yavoola, “Henza kuli Babiloni eveeye enene! Ndajumbaka kuli lidaala linene kumanyia zinguru nu vunyali vwange, kandi vukumi harara nu vwami vwange.”

Amosi 9:2

Kali niiva valayava hasi kuduuka mu kihadisi ndavagumira. Kali niiva valanina kuduuka mwigulu, ndavilanyia hasi.

Amosi 9:4

Kali niiva avasigu valavavugula mu kuva mu vuhambe ndalaga viitwi. Mali kotovola kudiviza ligali nu kuvula kuvakonya.”

Habakuk 2:9

O, vayaayi, munyi mwalaamwa kigira mumali kuhaana ku vandu vi zinyumba zienyu vutugi kutura ku vindu via mwanyaga vandi kuzinguru. Mugerizi kukinga hango hinyu kutura ku vusaliri kandi vuhimwa!