Jeremia 51:5 - KITABU KITAKATIFU

⁵ Inze Yahova Nyasaye Wuvunyali, sindaaleka avandu va Isiraeli kandi avandu vi Ivuyuda mba; navuzwa avandu va Babiloni vaveeye namahiolo manyingi ku inzi, Mutakatifu wa Isiraeli.

Jeremia 51:5 Iomraidhean Croise

1 Avami 6:13

Ndamenya hagati ha vandu vange Isiraeli na sindavaleka kali hakuzu mba.”

2 Avami 21:16

Mwami Manase yita avandu vanyingi ligali avaari vugira kisaalia, kuduuka kali zinzira zia Jerusalemi zidorokaa amasahi; yakola yaga komeeda ku limilira avandu vi Ivuyuda mu lisigamira vifananyi navakola kokora uvwoni imbiri wa yahova.

Ezara 9:9

Kunyi kwali avatugwa navuzwa ivi si wakoleka mu vutugwa mba. Wakola mwami wa Pasia nakuyaanza kandi na kuvugilira kuzizagilira komenya kandi nu kwumbaka uvuhia kandi nu kwumbaka uvuhia Litembeli liilio, iliali niliagwa mang'anye. Wahaana kukunyi likingwa kandi nikomenya mu mirembe mu Ivuyuda kandi Jerusalemi.

Zaburi 94:14

Yahova sialaleka avandu veve mba; sialang'ara yavo avaveeye aveeve mba.

Isaya 44:21

Yahova avoora, “Isiraeli, wizulizi makuva yaga; wizulizi ndi oveeye mutumikiri wange, Ndaakolomba ove mutumikiri wange, kandi sindakakwivilira mba.

Isaya 51:15

“Inzi mbeeye Yahova Nyasaye woovo; uvuruganyiaa inyanza, nokokola viguvuli vihuumi. Lieta liange liveeye Yahova Wuvunyali!

Isaya 62:12

Mulalangwa, “Avandu va Nyasaye Avatakatifu”, “Avandu va Nyasaye amali kohonyia.” Jerusalemi ilalangwa, “Lidaala linene lia Nyasaye ayaanza”, “Lidaala linene lia Nyasaye yavula koleka.”

Jeremia 14:19

Yahova, ivi umali kusuura Ivuyuda ligali? Umali kudunyira avandu va Ziyoni? Kigira ki ivi umali kusaliriza kunyi vudamanu ligali na si kunyala kohona mba? Kwahenzelera mirembe, navuzwa kindu kilahi si chekoleka mba. Kwegomba kohonywa, navuzwa mu vogono vwene yivwo litihiza liaza.

Jeremia 14:9

Kigira ki oveeye kuli mundu oveeye mu ligenya, kuli musikari utaveeye ni zinguru kokonya? O, Yahova, ligali ivi oveeye harara ni kunyi! Kunyi koveeye avandu vovo; utakoleka mba.’ ”

Jeremia 16:18

Inzi ndavakora vatungi haali kaviri kigira uvwoni vwavo nuvuchamu vwavo, kigira vamali kwononyia kivala change nivifananyi vitaveeye nilivamwoyo kuli avakuzu, kandi vamali kuviikamu avanyasaye vanyingi vuvugadi.”

Jeremia 19:4

Nziza kokora yaga kigira avandu vamali kondeka kandi vononyi havundu yaaha nukuhaana zisadaka zievisiuviliru ku vanyasaye vandi - Yavo aveene anaho avaguuga vaavo anoho avami vi Ivuyuda sivamanyi kindu kigira avanyasaye zana yavo mba. Vamali kwita vandu vatali nimbala havundu yaaha,

Jeremia 23:15

“Kunangwa, yaga nigo aga inzi, Yahova Wuvunyali, mboraa kigira vaporofeti va Jerusalemi: inzi ndavaha vitagwa vilulu valie kandi isumu vanwi, kigira vamali kulandiza agataveeye guvulungi mukivala choosi.”

Jeremia 31:37

Niiva lidiku lilala ligulu liakagereywi kandi imise jilirova kohenzerizwa, maku yakasuyi avandu va Isiraeli kigira kugoosi agavamali kokora. Yahova amali kovora.

Jeremia 46:28

Inzi nanzizi kumunyi kandi naamuhonyie. Inzi nandivizi zihiiri ziosi uwa inzi mali kumusalanyira, navuzwa sindamudiviza mba. Inzi sindaleka muzie vugira kohevwa amageri mba; navuzwa lwamuha amageri nambe nilikalaga lirungi. Inzi, Yahova mali kovora.”

Jeremia 50:20

Lwa ing'inga yeyo iduuka, uvwoni sivulinyolekaku mukivala cha Isiraeli anoho uvuchamu mukivala chi Ivuyuda mba, kigira ndakasamihi avandu va Inzi mali kohonyia. Inzi, Yahova mali kovora.”

Jeremia 51:19

Nyasaye wa Yakobo siaveeye kuli yavo mba; niye walomba vuli kindu, kandi umali kotovola Isiraeli kuva vandu veve mwene. Lieta lilie ni Yahova Wuvunyali.

Ezekieli 8:17

Maku Yahova yambolera, “Mwana wu Mundu, ololaa yaga? Avandu vi Vuyuda yava vakikiri kuduukira mu likora vindu viosi viu kuvihiliriza via ivi umali kolola yaaha kandi nokokola kirage mu kivala choosi. Awa vaduukana vaaze kuvikolera mu Litembeli nokongola kali kuva nu vutima vunyingi ligali? Henza kuli vanyega mu liiva liosi liokokola uvudamanu!

Ezekieli 9:9

Nyasaye yativura, “Avandu va Isiraeli na vandu vi Ivuyuda vamali kokora vwoni vudamanu ligali. Vamali kwita vandu mu kivala choosi kandi vamali kuviika likalaga litaveeye lirungi mu Jerusalemi. Vavoola ndi inzi Yahova, mali koleka kivala chavo kandi si mbalolaa mba.

Hosea 1:10

Avandu va Isiraeli valakave vanyingi kuli muyeke gwu munyanza ugunyala kuvula kuvalizwa anoho kogerwa. Kalunu Nyasaye avavoolera, “Munyi si muveeye avandu vange mba,” navuzwa ing'inga yiza lwa livavoolera, “Munyi muveeye avana va Nyasaye omenya!”

Hosea 2:1

Kunangwa, muvoolere avamwavo vinyu ndi “Avandu va Nyasaye” kandi avavozo vinyu “Yahova yavayanza.”

Hosea 2:3

Niiva si alaleka mba, ndamutuliza zinguvu atigale chahonyo kuli yiivulwa. Ndamukora ave kuli changalangwe kandi kuli kivala chumu, kandi alakuza kigira uvuluhu.

Hosea 4:1

Yahova aveeye nikiyaalo ku avandu vamenya mukivala yiki. Muhuliri avandu va Isiraeli, ku agaavoola: “Siaveeye ho kali mulala oveeye musuvirifu anoho wuvuyanzi mukivala, kandi avandu mukivala sivamanyiriza inzi kuli Nyasaye mba.

Hosea 4:2

Valomba malagano kandi sivatwekizaa mba. Vavoola vovehi, vita, viva, kandi vakora voheyi. Zimbi ziamedeka, kandi iliitana liveeye linyingi ligali.

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Mika 7:20

Ivi ulamanyia uvusuuvirifu kandi uvuyanzi vuvwo uvutaveeye nekeheri ku avandu vovo, ivisukulurwi via Aburahamu na Yakobo, kuli wasuuviriza avaguuga viitu zing'inga zia kale.

Zekaria 12:6

“Ing'inga yene yeyo ndakakole zihiiri zie Vuyuda kuva kuli inyingu eveeye ku lomemo liumuliru hagati hu mulitu, anoho kuli muliru hagati hu mulimi gwu vuswage vwumu; muliru gulakadivizi zihiiri ziosi ziavakumberiza. Avandu va Jerusalemi valakamenye mu mirembe mu lidaala linene.

Zekaria 12:8

Ing'inga yene yeyo, ndakasole yavo avamenyi mu Jerusalemi, kali yavo avaveeye avadedekere hagati haavo, valakave ni zinguru kuli Daudi yaali. Visukululwi via Daudi vilakavimiliri kuli engelosi wa Yahova Nyasaye kuli mwene.

Zekaria 2:12

Avandu vi Ivuyuda kandi valakave vatovole va Yahova mu kivala chiche kitakatifu. Jerusalemi lilakave lidaala linene lia nayaanze kuvita madaala gandi goosi.

1 Samweli 12:22

Yahova umali kulagana ligali kandi si alamuleka mba, kigira umali kukalaga akole munyi kuva vandu veve.