Jeremia 51:34 - KITABU KITAKATIFU

³⁴ Nebukadineza, mwami wa Babiloni amali kwononyia Lidaala linene lia Jerusalemi kandi kuliduvuranyia. Alikoli kuva hazwa kuli ikiju; alamili vugara kuli ogoyoka ogonene. Avuguyi viosi via yenya kandi asiuvi ivindi viosi vitigaye ihale.

Jeremia 51:34 Iomraidhean Croise

Ayubu 20:15

Mudamanu amiraa uvutugi vwa yiva ma avuluka kandi; Nyasaye avutulizaa, munda mwimwe.

Zaburi 74:13

Ivi waavukanyia inyanza kuzinguru zizio zinene; wasionolanyia imitwi ji miyoka minene ju mu inyanza.

Tsing'ano 1:12

Vanyara kuva mwoyo kandi valamu lwakuvanyoola, navuzwa valava vakuzu lwa kuva nikwakayinzira ku vo.

Isaya 34:11

Navuzwa amave, amakuure, amajikoro, vilungu kandi zinyama zindi zio muvulimu zilamenya mu kivala yiki. Yahova alakekola kuva chere kuli chaali mulitanga.

Isaya 42:22

Navuzwa kalunu avandu va Nyasaye vamali kulanywa, vamali kotegwa nu kugumirwa kandi vavikiywi mu vuhambe, Siyaali ho nu mundu kali mulala uwaali anyala kuvahonyia mba, anoho kwilanyia ivilanye viavo mba.

Jeremia 50:17

Yahova avoora, “Avandu va Isiraeli vaveeye kuli magondi gakungwa kandi gasalanywa nizisimba. Vingilirwa mulitanga nu mwami wa Asiria, kandi mwami Nebukadineza wa Babiloni yamenena ivigumba viavo.

Jeremia 50:7

Vosi avavanyooraa vavingilira. Vasigu vaavo vavoola, ‘Vaakolera Yahova uvwoni, kandi ndio, agakumali kokora sigaveeye amadamanu mba. Avaguuga vaavo vaasuuvira mu Yahova, na yavo aveene ngano vaali vasuuviri muye.’

Jeremia 51:44

Inzi ndahaana amageri ku Beli, umunyasaye wa Babiloni, kandi ndamukora ahaane vindu viosi via yavugula. Zihiiri si ziramusigamira kandi mba. “Madigi gi lidaala lia Babiloni gamali kugwa.

Jeremia 51:49

Babiloni yaleeta likuza ku avandu vanyingi vi lirova, na kalunu Babiloni ilagwa kigira yaleeta likuza ku avandu va Isiraeli. Inzi, Yahova mali kovora.”

Lisyoma lya Jeremia 1:1

Henza kuli Lidaala linenelia Jerusalemi litigaye iliere, lidaala liali ni liizula avandu vanyingi! Lidaala liali liuluyali ligali hagati hi zihiiri, kalunu limali kugwa kuli mukunzakali. Lidaala liali kuli mukaana wu mwami hagati ha madaala, limali kugwa kuli mutugwa.

Lisyoma lya Jeremia 2:16

Avasigu vinyu vosi vamunyega; vamusekerizaa nokodedeyiza amiinu gaavo nivalira nivavoora, “Kumali kulidiviza! Aha, yili ni lidiku lia kwalindilira, kalunu liduuki kandi kuliloli!”

Ezekieli 36:3

“Maku oporofete kandi ulandizi aga Inzi Yahova Wuvunyali mboraa. Lwi zihiiri zindi ziamwingilira kutura ku zimbega ziosi, kandi nivamunyaga miandu jinyu jiosi, vosi vaamunyega.

Hosea 8:8

Avandu va Isiraeli vadiviziywi. Kalunu vaveeye muzihiiri kuli kiju kitaveeye novokonyi.

Amosi 8:4

Hulira likuva yili, munyi avakiranyi avadambizanga nokogeriza kudiviza avandu vadaka mu kivala, nukuvasunda kuduuka ku keheri chi lirova.

Nahum 2:2

Yahova aveeye ahimbi kwilanyia vukumi vwa Isiraeli, kuli vaali kale avasigu vaavo ni vakikiri kuvadiviza.

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!