Jeremia 51:20 - KITABU KITAKATIFU

²⁰ Yahova avoora, “Babiloni, ivi oveeye kuli inyundu yange, kandi ichugi chi iliihi liange. Ndaakutumikira kuduvuranyia zihiiri kandi kudiviza uvwami,

Jeremia 51:20 Iomraidhean Croise

Isaya 10:15

Navuzwa Yahova avoora, “Imbaazi inyala kwevoora kuva enene ligali kuvita umundu ugitumikiraa? Musumeno gunyala kuva nilizominywa kuvita mundu ugutumikiraa? Imbimbu si inyala kuginga mundu mba, navuzwa mundu agingaa imbimbu.”

Isaya 10:5

Yahova yavoola, “Ivi Asiria! Ndumikila avandu va Asiria kuli imbimbu kuhaana amageri kuyavo avambeeye nu vutima navo.

Isaya 13:5

Amahi yaga galaaza kutura mu kivala chihale, kali kutura ku keheri chi lirova. Yahova alaza nu vutima harara ni viugi vivie kudiviza kivala choosi.

Isaya 37:26

“Ivi ukikiri kuhulira ndi ndalohiza yaga goosi kutura madiku ga kale? Na kalunu inzi mali kugadukiza. Ndakuha zinguru ukugirung'anyia madaala manene gizimbinga kugwa vitumi via mang'anye.

Isaya 45:1

Yahova umali kotovola Sairasi kuva mwami! Umali kumutovola kuguuta zihiiri; Amutumaa kuvugura zinguru zia avami. Yahova alamwigulira virivwa via madara manene. Yahova avooreraa mwami Sairasi ndi,

Isaya 8:9

Munyi avizihiiri ziosi, mwivungikize harara, muvuti! Muhuliri, munyi avaveeye muvivala ihale. Mwetegeke kulwana, navuzwa muve avati! Yee, mwetegeke, navuzwa muve avati!

Jeremia 25:11

Kivala yiki choosi kilatigala amang'anye kilava kindu chokogenyia; zihiiri yizi ziratumikira mwami wa Babiloni ku mihiga 70.

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 50:23

Babiloni yaduyanyia lirova liosi muvidonye, kandi kalunu inyundu yene yeyo imali kuvunika! Zihiiri ziosi zimali kwegosa ku agaamali kwekoleka ku kivala.

Ezekieli 21:11

Kivavi kishagaliywi kiduuki kutumikirwa. Kishagalilwi, kiduuki kuvikwa mu makono gumwiti.

Ezekieli 21:31

Vutima vwange vululu vulamusaliriza kuli muliru. Ndakuvika mu makono gavandu valulu avamanya kudiviza ligali.

Mika 4:12

Navuzwa zihiiri yizi sizimanyi agaveeye mu zing'anagani zia Yahova mba. Si zimanyirizi ndi zivungiziywi harara kohevwa amageri kuli vuswage voletwa koloze ma vuhuulwa.

Mika 4:13

Yahova avoora, “Avandu vi lidaala linene lia Jerusalemi, muzie ma muhaane amageri ku vasigu vinyu! Ndamukora muve ni zinguru kuli igiriki eveeye ni zinziga zie kivia ne zimbagayu zie migasa. Mulashonoranyia zihiiri zinyingi, na mulaleetera inzi Yahova wi lirova liosi uvutugi vwa vanyoola mulitumikira zinguru.”

Nahum 2:1

Munyi avandu va Nineve, mu veeye mu vuhimwa vwu kwingilirwa! Avasigu valimudiviza vamali kuduuka ku munyi. Mwelohizi kuli munyala kwikinga! Mulindi zinzira! Mwetegeke ku vulwani!

Zekaria 10:4

Avamihi aviimiliri, na vahaani va malago, valakatuli muvo; avalakamiihi avandu vange.

Matayo 22:7

Mwami oyo yavihilirwa, natuma avasikari veve nivadiviza aviiti yavo, nivasamba lidaala liavo.