Jeremia 51:18 - KITABU KITAKATIFU

¹⁸ Vaveeye vuzwa kandi kuduuka valeganywe; lwa Yahova ahaanaa amageri kuvo, vosi valadivizwa ligali.

Jeremia 51:18 Iomraidhean Croise

Kutwula 12:12

“Vudiku yivwo ndavitira mukivala cha Egebeti, nukwita kindu kisaza choosi chukutanga mu liivulwa, ku vandu kandi ku mitugu, nukuhaana mageri ku vanyasaye va Egebeti. Inzi mbeeye Yahova.

Isaya 19:1

Yili ni likuva kigira avandu va Egebeti. Yahova yaazaa mu Egebeti, naniini ku lilesi ligendaa vwangu. Vifananyi via vandu va Egebeti vasigamira, videgera imbiri weve, na avandu va Egebeti valakuza mioyo jaavo.

Isaya 2:18

Kandi vifananyi viosi vilakatulizwiho ligali.

Isaya 46:1

“Yiki nekeheri cha Beli na Nebo, avanyasaye va Babiloni, avasigamirangwa mu litanga; navuzwa kalunu vagingiywi ku zibunda, uvuliduhu ku migongo ji zinyama ziiluhi.

Isaya 57:12

Muganaganaa ndi agamukolaa gaveeye malungi, navuzwa inzi ndalang'aminya ivikolwa vienyu, na ivifananyi vienyu sivilamukoonya mba.

Jeremia 10:11

Kunangwa muvavoolere: “Avanyasaye yava avavura kolomba ligulu ni lirova navadivi kutura mu lirova kandi isi wiligulu.”

Jeremia 10:14

Mulilora yaga, avandu vafwana avasiru kandi vugira limanyiriza; yavo avalombanga ivifananyi vavikangwa muzisoni, kigira avanyasaye vavalomba sivaveeye avagiligali mba kandi sivaveeye ni livamwoyo mba.

Jeremia 10:15

Vaveeye vuzwa kandi gavadukiraa valeganywi; valakadivizwi lwa Yahova aliiza kuvaha mageri.

Jeremia 10:8

Vosi vaveeye vasiru kandi vayingu, nikindiki chavanyala kwiga kutura ku ivifananyi viumusaala?

Jeremia 18:15

Navuzwa avandu vange vamali kunzivilira! Vahaana vihaanwa vie vimuli ku vifananyi. Vamali kwichigatira kuinzira yavaduukana kogenda ku, sivalonda muzinzira ziakale mba; vagenda kuzinzira zitaveeye zinungi.

Jeremia 46:25

Yahova Wuvunyali, Nyasaye wa avandu va Isiraeli avoora, “Nziza kuhaana amageri ku vandu va Amoni, nyasaye wa Zebesi, harara na avandu va Egebeti na avanyasaye vaavo na avami vaavo. Nziza kuvugura mwami wa Egebeti kandi na vosi avaasuuvira muye,

Jeremia 48:7

“Munyi avandu va Moabu, mwasuuvira mu zinguru zienyu kandi mu vutugi vwinyu, navuzwa kalunu kali mulaguutwa; munyasaye winyu Kemoshi alahirwa mu lihaminywa, harara na avanene veve kandi avasaalisi veve.

Jeremia 50:2

“Ovolere izihiiri amakuva malahi! Ugalandizi! Uhaane kelolero ma ulandizi makuva malahi! Utagaviika mu vwivisu mba! Babiloni ilakaguutwi! Umunyasaye wavo Mariduki umali kosekerizwa! Ivifananyi via Babiloni viveeye muzisoni, ivifananyi vialio viukuvihiliriza vidiviziywi!

Ezekieli 6:6

Amadara goosi ga Isiraeli galadivizwa, kunangwa vwali vwavo vwosi kandi ivifananyi viavo vilavunaganywa mu vidonye, vwali vwavo vwi vifunya mwayu viladegerizwa, na vuli kindu chavalomba kilagota.

Jona 2:8

Yavo avasigamiraa vifananyi via vuzwa vamali koleka uvusuuvirifu vwavo ku ivi.

Zefania 2:11

Yahova alakavatiihizi. Alakalombe avanyasaye vaavo vi kivala kuva kindu vuzwa, maku zihiiri ziosi zilakamusigamiri muvivala viavo.

Vikolwa 14:15

“Avandu munyi, kigira ki mukoraa vindu yivi? Kunyi kandi koveeye avandu kuli munyi. Koveeye hano kumwilwaazira Ivangeri ya Nyasaye, kunangwa muduuki koleka visiuvililu via vuzwa yivi, mwirane ku Nyasaye oveeye mwoyo, Nyasaye walomba ligulu ni lirova, kandi inyanza, nivindu viosi viveeye mu.