Jeremia 51:11 - KITABU KITAKATIFU

¹¹ Yahova amali kusinyikiza avami va Media, kigira asaaviyi kudiviza Babiloni. Alakola ndio kuvanza kisaalia kigira vayononyia Litembeli lilie. Avanene vi Liihi liukwingilira vamali kulaga ndi, “Muhiagale mivano jinyu ju vuta! Mwetegekizi zinguva zienyu!

Jeremia 51:11 Iomraidhean Croise

1 Avami 11:14

Kunangwa Yahova yakola Hadadi, wi nyumba yu vwami vwa Edomu kugirung'ana kulwaana Solomoni.

1 Avami 11:23

Nyasaye yakola Rezoni, muyaayi wa Eliada, kugirung'ana kulwaana Solomoni. Rezoni yaali niyiruki kutura ku mwimiliri weve mwami Hadadezeri wa Zoba;

1 Kyetsinyinga 5:26

Kunangwa Nyasaye yakola mwami Puli wa Asiria, uwamanyikana kandi kuli Tigilazi - Pileseri, kwingilira kivala chavo. Yang'anyia avandu vi zihiiri zia Rubeni, Gadi ni Ivugwi wa Manase kuzia mu vuhaambe; kandi vidikira mu kivala cha Harara, Habori na Hara kandi ku mugera gwa Gozani.

2 Kyetsinyinga 36:22

Mu muhiga gwu kutanga gwu vwamihi vwu mwami Sairasi wa Pasia, Yahova yakola aga yaali navooye kuvitira mu muporofeti Jeremia kuva agiligali. Yaavukiza mwoyo gwu mwami Sairasi ukuhaana lilaga yili na kulituma ichova mu mang'oda gasomwe vudinyu havundu hoosi mu vwami vwivwe:

Ezara 1:1

Mu muhiga gwu kutanga gwa Sairasi yaali mwami wa Pasia, Yahova yaduukiza agayaali navooye kuvitira ku muporofeti Jeremia. Yakola Sairasi kuhaana lilaga yili kandi aviiki mu mang'oda nu kugatuma galandizwi havundu hoosi mu vwami vwivwe:

Isaya 10:26

Inzi Yahova Wuvunyali, ndavakuya ni imbimbu yange kuli ndaakuya avandu va Midia ha lwanda lwa Orebu. Ndahaana amageri ku vandu va Siria kuli ndaakola ku vandu va Egebeti.

Isaya 21:2

Mali kolola malola gi vindu viukusaliriza ligali, malola gavandu vukuzama nukudiviza. Liihi lia Elamu, mwingiliri! Liihi lia Media, kumbirizi madaala manene! Nyasaye alakaherizi lisalirizwa liosi lia vandu va Babiloni vamali koleta.

Isaya 21:5

Mu malola zana, lilia linene lietegekiziywi; amadali gaaliywi vageni viikare ku. Avandu valiza nukunwa. Nonoho, mwoyo gwukulaga kuhulilikaa; “Vimiliri! Mwetegekize zinguva zienyu!”

Isaya 41:25

“Inzi mali kotovola muguuti omenya vugwi. Ndamuleta aduuki kumwingilira kutura Ivaale. Alasenagira avamihi hasi kuli vaveeye amadohi, kandi kuli umulongi aduvagaa lidohi.

Isaya 45:1

Yahova umali kotovola Sairasi kuva mwami! Umali kumutovola kuguuta zihiiri; Amutumaa kuvugura zinguru zia avami. Yahova alamwigulira virivwa via madara manene. Yahova avooreraa mwami Sairasi ndi,

Isaya 45:5

“Inzi mbeeye Yahova; siaveeye ho nanyasaye wundi mba. Ndakuha zinguru zia wenyaa, kali niiva siumanyi mba.

Isaya 46:11

Ndalaanga mwami Sairasi kutura Ivugwi mu kivala cha Pasia, alaza kuli iliive, kandi alatwekiza goosi agandalohiza kokora. Inzi mali kovora kandi galakoleka.

Jeremia 25:25

na avami vosi va Zimuri, Elamu na Media,

Jeremia 46:3

“Avanene va Egebeti muhanzuki, ‘Mutegekizi zinguva zienyu ma muzie mu liihi!

Jeremia 46:4

Mulombe zibarasi zienyu na muzimeederere! Muve muluvaso ma mwiviki zigudwa! Mushagale amatimu ginyu! Mwiviki viuma vienyu!’ ”

Jeremia 46:9

Laga zibarasi zizie kandi magare gu vulwani gagomagome! Tuma vasikari ichova: Vasaza kutura Ezopia na Libia ni vagingi zinguva, na vasaza avasiza vuvuta kutura Lidia.’ ”

Jeremia 50:25

Inzi mali kukunula havundu hi viugi viange viavikwa, kandi mali kuvituliza ichova mu vutima vwange, kigira Inzi, mwami munene Yahova Wuvunyali mbeeye nimiyinzi jokokola mu Babiloni.

Jeremia 50:3

“Ihiiri kutura Ivaale imali kuuza nukwingilira Babiloni kandi ilaliloomba kuva changalangwi. Avandu ni zinyama valiruka kandi siaveeyeho kali mulala ulimenyayo mba.”

Jeremia 50:45

Kunangwa hulira lilohiza liamali kolomba kigira lidaala linene lia Babiloni, kandi chang'anagana kokolera avandu valio. Kali avana vaavo navakungwi, kandi vuli mundu naave nuvuti ligali.

Jeremia 50:9

Nziza koleta muganda gwizihiiri ziezingulu kutura Ivaale kandi ndazikola kwingilira avandu va Babiloni. Navalombe zimbaso muliihi nukwingilira kivala nukukiguuta. Vaveeye avahizi vuvusiza, mivano jukulasa sijizizaa halovega mba.

Jeremia 51:12

Muhaane kimanyiru chu kwingilira amadigi ga Babiloni. Mukore avasikari kuva ni zinguru! Muvatumi vazie kogoneka nu kuvingilira!” Yahova amali kokora aga yavoola alakola ku avandu va Babiloni.

Jeremia 51:24

Yahova avoora, “Mulalora inzi nimbanza kisaalia ku Babiloni harara na vandu valio kigira uvwoni vwosi vwa vaakora ku Jerusalemi.

Jeremia 51:35

Leki avandu va Ziyoni vavoole, “Vwakaveeye vulahi avandu va Babiloni vadulwi ku vutindi vwakoleka ku kunyi!” Leki avandu va Jerusalemi vavoole, “Vwakaveeye vulahi avandu va Babiloni kudulwa ku uvusaaliri vwitu!”

Jeremia 51:36

Kunangwa, Yahova yavolera avandu va Jerusalemi ndi, “Ndavugura lienya lienyu, na ndavanza kisaalia ku avasigu vinyu ku goosi gavakolaa ku munyi. Nduminyaa ivisenukiru via mazi ga Babiloni kandi ndakora migera josi kwuma.

Danyeli 5:30

Vudiku vwene yivwo, mwami Belishaza wa Babiloni yitwa.

Joeli 3:10

Muturi magembe ginyu gave kuli vivavi ni zingonono zienyu zigwi amatimu. Muleke avadedekere vavoole, koveeye avuvulwani.

Joeli 3:9

“Uhaane lilandiza yili ku zihiiri: ‘Mwetegeke vulwani; mulange avasikari vinyu vuvulwani; muvungizi avasikari vinyu harara na mutange ologendo!

Kyavalevi 26:25

Ndaleta vulwani kumuha mageri kuvanza kisaalia kigira livunaganyia lilagana lietu, kandi kali nimuvunga mu madaala manene ginyu kwirukira mirembe, ndatuma zinguzu hagati hinyu zitahonaa mba na galamuniga mwihaane munyi aveene ku avasigu vinyu.

Zekaria 14:12

Yahova alakaleete vulwaye vudamanu ligali ku zihiiri zilileta vulwani ku Jerusalemi. Miviri jaavo jilakagundi nivakikiri mwoyo; zimoni ziavo kandi zinimi ziavo zilakagundi.

Zekaria 14:2

Yahova alakaleete zihiiri ziosi harara kulwaana Jerusalemi. Lidaala linene yili lilakavugulwi, zinyumba zialio zilakalanywe, na vandu vasaza valakonogonye vakali. Inusu ya vandu vamenyi mu valakazie mu vuhaambe, navuzwa valitigala sivalakatulizwi mu lidaala linene mba.