Jeremia 51:1 - KITABU KITAKATIFU

¹ Yahova avoora, “Henza, ndaleta imbuza yu kudiviza ku kivala cha Babiloni kandi ku avandu vamenyi mu.

Jeremia 51:1 Iomraidhean Croise

2 Avami 19:7

Yahova alalomba mwami wa Asiria kuhulira amakuva agamulomba kwirana mu kivala chiche mwene, na Yahova alamwitira yo.”

Zaburi 137:8

Munyi avandu va Babiloni, muladivizwa ligali. Aveeye nuvugasu mundu uvanzira kunyi kisaalia ku munyi kigira aga mumali kokokolera.

Isaya 13:13

Kulwayago, ndakora ligulu kodegera, kandi ndasung'usa lirova kutura mu vogono vwalio ku lidiku lia inzi, Yahova Wuvunyali manyia uvutima vwange.

Isaya 14:14

Ndazia igulu kuvita uvwerefu vwa malesi, kandi ndekola kuva kuli Nyasaye Wuvunyali.’

Isaya 21:1

Yili ni likuva lia Nyasaye kigira Babiloni Kuli vihuzuzi vinene kutura Negebu vihuzaa kuvitira hagati hi changalangwe, ikivi kilaaza kutura mu kivala chi litihiza.

Isaya 47:1

Yahova avoora, munyi avandu vi lidaala linene lia Babiloni, “Mwiki hasi kutura kondeve yinyu yu vwami, mwikale hasi mu luguchi. Mwaali kuli mukaana mugima, wi lidaala lia Kalidei, navuzwa kalunu simulava avimioyo mike anoho avadedekere mba. Kalunu muveeye kuli avatugwa!

Jeremia 23:19

Vutima vwivwe voveeye kuli kihuzuzi kenene, kiihi kenene ichaaza kivitiri kumitwi ja vandu vachamu,

Jeremia 49:36

Ndakora imbuza kuhuuza ku Elamu kutura mu zimbega ziosi, kandi ndasalanyira avandu veve havundu hoosi, kuduuka avahaali vaavo navazie muvivala viosi.

Jeremia 50:21

Yahova avoora, “Wingilira avandu va Merazaimu na Pekodi. Uviti kandi uvadivizi. Okole goosi agangulagaa. Inzi Yahova mali kovora.

Jeremia 50:24

Avandu va Babiloni, munyi mwalwana inzi, na mumali kugumirwa mumutego gwa ndamutega, kali niiva simwamanya mba.

Jeremia 50:29

“Vooleri avasaza vukulasa vuta vingiliri avandu va Babiloni. Mutumi vuli mundu uwamanya kutumikira vuta ni mivano. Mukumbilizi lidaala linene kandi mutaleka mundu kali mulala yiruki mba. Muvanze kisaalia ku avandu valio ku goosi aga vamali kokora, kandi muvakolere kuli vaakolera avandi, kigira vaakolera inzi mu lierora, Mutakatifu wa Isiraeli.

Jeremia 50:33

Yahova Wuvunyali avoora, “Avandu va Isiraeli na vandu vi Vuyuda vadambizwa. Vosi avavagumila vavalinda vudinyu ligali kandi sivanyala kuvavoholola mba.

Jeremia 50:9

Nziza koleta muganda gwizihiiri ziezingulu kutura Ivaale kandi ndazikola kwingilira avandu va Babiloni. Navalombe zimbaso muliihi nukwingilira kivala nukukiguuta. Vaveeye avahizi vuvusiza, mivano jukulasa sijizizaa halovega mba.

Jeremia 51:53

Kali niiva avandu va Babiloni valakanine muligulu, nu kwumbakayo zimbinga zie zinguru ligali, navuzwa ndakatumi avandu kuvadiviza. Inzi Yahova mali kovora.”

Jeremia 51:60

Inzi Jeremia ndaang'oda mu karatasi ilingiywi uvudamanu vwosi uvwaza vuduuki mukivala cha Babiloni, kandi vindu viosi iviang'odwa kigira Babiloni.

Ezekieli 19:12

Navuzwa gwamanya nigwifwa muvutima vululu, kandi nigusiuvwa ku marova. Imbuza yi kivi yi Ivugwi yuminya makuyu gagwo. Zisia ziagwo ziavunanywa; ziamanya niziuma kandi nizisambwa.

Hosea 13:15

Kali niiva avandu va Isiraeli valazizagilira kuviruka kuli indiva, ndatuma imbuza yikivi kutura Ivugwi mu changalangwe, na iluminya visenukiru via mazi kandi vidaho viavo. Ilatulizaho ivindu viavo viosi viuvuguli.

Amosi 3:6

Kisiriva chu vulwani kinyala kukubwa mu lidaala linene vugira kokora avandu vatie? Kivi kinyala kuduuka mu Lidaala linene ni kitaleteywi na Yahova?

Zekaria 2:8

Mundu woosi ukuduka amanyirizi ndi aduyaa endolero yemoni yeeye.” Kunangwa Yahova Wuvunyali yanduma na makuva yaga ku zihiiri ziali ni zialanya vandu veve.

Vikolwa 9:4

Yagwa hasi naahulira mwoyo nigumuvoolera, “Saolo, Saolo! Kigira ki undambizaa?”