Jeremia 50:9 - KITABU KITAKATIFU

⁹ Nziza koleta muganda gwizihiiri ziezingulu kutura Ivaale kandi ndazikola kwingilira avandu va Babiloni. Navalombe zimbaso muliihi nukwingilira kivala nukukiguuta. Vaveeye avahizi vuvusiza, mivano jukulasa sijizizaa halovega mba.

Jeremia 50:9 Iomraidhean Croise

2 Samweli 1:22

Uvuta vwa Jonazani vwali vwukwita ligali, kivavi cha Saolo chaali vugira livererera nivuduyaa avizingulu nukwita umusigu.

Lwimbu lwa Solomoni 3:8

vosi vaveeye nu vusiza vwu kutumikira kivavi mu liihi. Valuviliri kandi vasiza vu vulwani vuli mulala kuvo yiyavaye viugi. Vaveeye ku vulindi vwa vudiku.

Isaya 21:2

Mali kolola malola gi vindu viukusaliriza ligali, malola gavandu vukuzama nukudiviza. Liihi lia Elamu, mwingiliri! Liihi lia Media, kumbirizi madaala manene! Nyasaye alakaherizi lisalirizwa liosi lia vandu va Babiloni vamali koleta.

Isaya 41:25

“Inzi mali kotovola muguuti omenya vugwi. Ndamuleta aduuki kumwingilira kutura Ivaale. Alasenagira avamihi hasi kuli vaveeye amadohi, kandi kuli umulongi aduvagaa lidohi.

Jeremia 15:14

Ndavakora kutumikira avasigu vaavo mukivala cha vatamanyi kindu kali hakuzu, kigira uvutima vwange voveeye kuli umuliru kandi guladuka nukusamba mihiga ni mihiga.”

Jeremia 25:14

Ndahaana amageri ku avandu va Babiloni kigira uvudamanu vwosi vwa vamali kokora. Avami avanene harara ni zihiiri zinyingi zilavaguuta nukuvakola kuva avatugwa.’ ”

Jeremia 25:26

kandi na avami vosi va Ivaale, ihale kandi na ahimbi, mulala sa mulala, kandi ni zihiiri ziosi ziveeye ku lirova. Inyima wa avandu yava vosi kunwa iwaini yiyi, mwami wa Babiloni alava wukumaliriza kunwa.

Jeremia 50:14

“Vasaza vukulasa uvuta, muzie mulwaane avandu va Babiloni kandi muvakumbilizi. Muvalase mivano jinyu josi, kigira vamali kokora uvwoni ku inzi, Yahova.

Jeremia 50:21

Yahova avoora, “Wingilira avandu va Merazaimu na Pekodi. Uviti kandi uvadivizi. Okole goosi agangulagaa. Inzi Yahova mali kovora.

Jeremia 50:26

Mwingiliri lidaala yili kutura muzimbega ziosi na mwingiri havundu ahuvuswage vwaviikwa! Muvungizi vitumi vialanywa kuli vitumi vwuvuswage! Mudiviza kivala! Mutaleka ku kindu kali kilala mba!

Jeremia 50:29

“Vooleri avasaza vukulasa vuta vingiliri avandu va Babiloni. Mutumi vuli mundu uwamanya kutumikira vuta ni mivano. Mukumbilizi lidaala linene kandi mutaleka mundu kali mulala yiruki mba. Muvanze kisaalia ku avandu valio ku goosi aga vamali kokora, kandi muvakolere kuli vaakolera avandi, kigira vaakolera inzi mu lierora, Mutakatifu wa Isiraeli.

Jeremia 50:3

“Ihiiri kutura Ivaale imali kuuza nukwingilira Babiloni kandi ilaliloomba kuva changalangwi. Avandu ni zinyama valiruka kandi siaveeyeho kali mulala ulimenyayo mba.”

Jeremia 51:11

Yahova amali kusinyikiza avami va Media, kigira asaaviyi kudiviza Babiloni. Alakola ndio kuvanza kisaalia kigira vayononyia Litembeli lilie. Avanene vi Liihi liukwingilira vamali kulaga ndi, “Muhiagale mivano jinyu ju vuta! Mwetegekizi zinguva zienyu!