Jeremia 50:31 - KITABU KITAKATIFU

³¹ “Munyi avandu va Babiloni muveeye niliegingira, kunangwa Inzi, Mwami munene Yahova Wuvunyali mali kumudunyira! Ing'inga imali kuduuka ya inzi namuhe mageri.

Jeremia 50:31 Iomraidhean Croise

Isaya 2:12

Ing'inga yene yeyo, Yahova Wuvunyali alakagehize vosi avizingulu, kandi yavo vosi vikirage ni liegingira.

Jeremia 21:13

Munyi avandu va Jerusalemi mwikalaanga hadiguluku hilivona, kuli lwanda lusingilanga igulu mukeleremo. Navuzwa ndalwana ni munyi. Munyi muvolaanga ndi siaveeyeho umundu kali mulala unyala kumwingilira anoho unyala kuvunanyia likingwa lienyu mba.

Jeremia 48:29

Munyi muveeye avelori ligali! Inzi mali kuhulira kuli mwelora, kuli mwigingiraa kandi kuli mwekonyaa, kandi kuli mwiganaganira aveene.

Jeremia 49:16

Lielora liyinyu limali kumugaada. Avulaho mundu kali mulala utizanga munyi kali niiva muganaganaa vamutiizaa. Munyi mumenyaa muzimbangaywa ziezinyanda, igulu kukigulu; navuzwa kali niiva mwamenya igulu mwigulu kuli indizu, Yahova alamwikiza. Yahova amali kovora.”

Jeremia 50:29

“Vooleri avasaza vukulasa vuta vingiliri avandu va Babiloni. Mutumi vuli mundu uwamanya kutumikira vuta ni mivano. Mukumbilizi lidaala linene kandi mutaleka mundu kali mulala yiruki mba. Muvanze kisaalia ku avandu valio ku goosi aga vamali kokora, kandi muvakolere kuli vaakolera avandi, kigira vaakolera inzi mu lierora, Mutakatifu wa Isiraeli.

Jeremia 50:32

Ihiiri yinyu yeliegingira niyikigatili ma nigwi, kandi sinaveho mundu kali mulala waza agivukizi mba. Inzi nasambe madaala ginyu, kandi nandivizi kindu choosi keveeye ahimbi.”

Jeremia 51:25

Babiloni, ivi oveeye kuli kiguru ikidivizanga kivala choosi, navuzwa Inzi, Yahova mbeeye musigu woovo. Ndakuvugura, ngusisuli kuduuka kumalova, ma ngoleke noveeye kuli ligoke.

Ezekieli 29:3

Omolome kandi ovoole, ndi yaga nigo aga Yahova Wuvunyali avooreraa Mwami wa Egebeti: Inzi mbeeye musigu woovo, ivi ingwina enene, egonaa mumugera. Ivi ovola ndi mugera gwa Naili nugwange kandi ndagolomba.

Ezekieli 38:3

kandi umuvolere ndi Inzi, Yahova Wuvunyali, mbeeye musigu weve.

Ezekieli 39:1

Yahova Wuvunyali yavoola, “Mwana wu Mundu porofeta uvudamanu vwa Goga, mwamihi munene wi zihiiri zia Mesheki na Tubali. Umuvolere ndi, inzi mbeeye musigu weve.

Ezekieli 5:8

Kulwayago, Inzi Mwami Munene Yahova muvooleraa ndi, mbeeye musigu winyu. Ndahaana likalaga ku munyi imbiri wi zihiiri ziosi.

Nahum 2:13

Yahova Wuvunyali avoora, “Inzi mbeeye musigu winyu! Ndakasambe magare ginyu gu vulwani. Avasikari vinyu valakitirwi mu vulwani, kandi ndakavuguli vuli kindu choosi cha mwavugula kutura ku vasigu vinyu. Lienya lia vatumwa vinyu sililakahuliriki kandi mba.”

Nahum 3:5

Yahova Wuvunyali avoora, “Ndakahaane mageri ku munyi avandu va Nineve, ndakamunavuuli na ndakaleke zihiiri zilole viahonyo vienyu mu zisoni.

Yakobo 4:6

Navuzwa zimbavasi zia Nyasaye akohezaa ziveeye ni zinguru ligali kuli Mang'oda Matakatifu gavoora, “Nyasaye ahingiraa avigingiri, navuzwa ahaanaa, zimbavasi ku vegehiza.”

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”

Likunula 18:8

Kigira yaga, alakahaane amaduywa lidiku lilala, agaveeye uvulwaye, likuza, ni liverera, ninzara. Kandi alasaambwa nu muliru ligali; kigira umukalagiraa ni Umwami Nyasaye, niyie oveeye ni zinguru.”