Jeremia 50:2 - KITABU KITAKATIFU

² “Ovolere izihiiri amakuva malahi! Ugalandizi! Uhaane kelolero ma ulandizi makuva malahi! Utagaviika mu vwivisu mba! Babiloni ilakaguutwi! Umunyasaye wavo Mariduki umali kosekerizwa! Ivifananyi via Babiloni viveeye muzisoni, ivifananyi vialio viukuvihiliriza vidiviziywi!

Jeremia 50:2 Iomraidhean Croise

Zaburi 64:9

Maku avandu vosi valatia; valaganagana ku aga Nyasaye amali kokora, nukulandiza amakuva givikolwa vivie.

Zaburi 96:3

Mulandizi uvukumi vwivwe ku zihiiri ziosi, muvoolere avandu vosi amakuva gi vikolwa vivie viokogenyia.

Zaburi 97:7

Sa mulala usigamiraa vifananyi avikiywi mu zisoni; avanyasaye vosi viinama imbiri wa Yahova.

Isaya 12:4

Lidiku lizaa lwa vandu valimba, “Musandize Yahova! Mwanili kuye amukonye! Muvoolere zihiiri ziosi icha amali kokora! Muvavolere kuli aveeye munene!

Isaya 13:2

Ugingi ebendera yu vulwani igulu ku kiguru kitaveeye ni misaala! Muhanzuki ku avasikari kandi mugiingi amakono ginyu igulu keve kuli kelolero kuvo kwingilira virivwa vie lidaala linene lia vandu vigingira.

Isaya 21:9

Nonoho, avandu vazaa! Avandu vanini ku zibarasi, vaviri ku vaviri; Mulindi ahaanaa makuva, “Lidaala lia Babiloni limali kugwa! Vifananyi viosi viavaasigamiraa vigwiyi hasi.”

Isaya 37:19

kandi vamala kusaamba avanyasaye vaavo, avavura kuva avanyasaye kali hakuzu nitali ivifananyi vie misaala namagina, ivialombwa na makono gavandu.

Isaya 39:1

Ing'inga yene yeyo, lwu mwami wa Babiloni, Merodaki Baladani, mwana wa Baladani yahulira ndi mwami Hezekia yahoona kutura mu vulwaye vwivwe, yang'oda ibarwa harara ni kihanwa natuma avatumwa veve kuhilila mwami Hezekia.

Isaya 46:1

“Yiki nekeheri cha Beli na Nebo, avanyasaye va Babiloni, avasigamirangwa mu litanga; navuzwa kalunu vagingiywi ku zibunda, uvuliduhu ku migongo ji zinyama ziiluhi.

Isaya 48:20

Muzie muturi mu kivala cha Babiloni, mulandizi ku vandu vosi ha vundu hoosi amakuva amalahi gu vusangali: “Yahova umali kohonyia avatumikiri veve Isiraeli!”

Isaya 48:6

“Munyi kalunu mumali kolola vindu via ndamuvolera viosi vimali kokoleka, na muduuki kuvugilira ndi livuula liange liveeye lia agiligali. Kalunu ndamuvolera vindu vihia vizizaa kwekoleka, vindu viandavula kali kumuvuulira maziambiri.

Jeremia 10:11

Kunangwa muvavoolere: “Avanyasaye yava avavura kolomba ligulu ni lirova navadivi kutura mu lirova kandi isi wiligulu.”

Jeremia 10:15

Vaveeye vuzwa kandi gavadukiraa valeganywi; valakadivizwi lwa Yahova aliiza kuvaha mageri.

Jeremia 31:10

Yahova avoora, “Zihiiri mumbulirizi, kandi mulandizi makuva gange muvisuru vie ihale. Inzi ndasalanyia avandu vange, navuzwa ndavavungiza kandi ndavalinda kuli mwayi alindaa chayo chiche.

Jeremia 4:16

Vamali kuuza kwiganihiza izihiiri kandi kovoolera avandu va Jerusalemi ndi avasigu vazaa kutura mukivala chi ihale. Avasigu yava valahanzuka nu mwoyo mululu ku madaala gi Ivuyuda

Jeremia 4:6

Muvuki muzie Ziyoni! Mwiruki muhonywe! Mutalindagira mba! Yahova aletaa kivi kandi ilidivizwa linene kutura Ivaale.

Jeremia 46:14

“Ulandizi mu madaala ga Egebeti, mu Migidoli, Mefisi na Tahapanesi: ‘Mwetegeke kwikinga munyi aveene; viosi viamuveeye navio viladivizilwa mu liihi!

Jeremia 50:46

Lwa Babiloni iligwa, nalive liyoga iliaza likore kivala choosi kodegera, kandi mwoyo gwi lilira liavo gulakahuliriki hagati hi zihiiri.”

Jeremia 51:12

Muhaane kimanyiru chu kwingilira amadigi ga Babiloni. Mukore avasikari kuva ni zinguru! Muvatumi vazie kogoneka nu kuvingilira!” Yahova amali kokora aga yavoola alakola ku avandu va Babiloni.

Jeremia 51:27

“Muhaane kimanyiru chu kwingilira! Mukubi kisiriva kunangwa zihiiri zihuliri! Mwetegekizi zihiiri kulwaana Babiloni! Muvoolere uvwami vwa Ararati, Mini, na Ashikenazi vingiliri Babiloni. Mutovole munene ave mwimiliri wi liihi. Muleete zibarasi kuli muganda gwi zisigi.

Jeremia 51:31

Avatumwa vanyagura zimbiru kuzia kovoolera mwami wa Babiloni ndi, lidaala lilie linene limali kwingilirwa kutura ku zimbega ziosi.

Jeremia 51:44

Inzi ndahaana amageri ku Beli, umunyasaye wa Babiloni, kandi ndamukora ahaane vindu viosi via yavugula. Zihiiri si ziramusigamira kandi mba. “Madigi gi lidaala lia Babiloni gamali kugwa.

Jeremia 51:47

Kulwayago, ing'inga yiza lwa nambane amageri ku vifananyi via Babiloni. Ndaviika kivala choosi mu zisoni; kandi ndiita avandu vosi avamenyi mukivala yiki.

Jeremia 51:52

Kunangwa inzi mboraa ndi ing'inga yiza lwa nambane amageri ku vifananyi via Babiloni, kandi yavo avaazaa vatozwe valakaliri mukivala choosi.

Jeremia 51:8

Nonoho avandu va Babiloni vamali kugwa kandi kudivizwa! Muvasiomele! Muhenze zinyasi ku vulwaye yivu, hawundi vanyara kohonywa.

Jeremia 52:31

Mu muhiga gwa Evili-Merodaki yagwa mwami wa Babiloni, yamanyia zimbavasi ku mwami Jehoyakini wi Ivuyuda ku limuvoholola kutura muvuhambe. Yaga gekoleka ku lidiku lia 25 liu mweli gwa 12 gwu muhiga wa 37 inyima wa Jehoyakini yaali navuguliywi kuli muhambe.

Jeremia 6:18

Kunangwa Yahova yavoola, “Muhuliri munyi zihiiri, kandi mwigi kukizizaa kwekoleka ku avandu vange.

Danyeli 1:2

Yahova yaleka mwami Nebukadineza nagumira mwami Jehoyakimu kandi na vugula vilala ku viju vie Litembeli lia Nyasaye. Yaahira viju yivi mu kivala cha Babiloni, naviviika mu keng'oze chi litembeli lia vanyasaye veve.

Danyeli 3:14

Yavavolera, “Sadaraka, Meshaka, na Abedinego, gaveeye giligali musuyi kusigamira nyasaye wange kandi kwinamira kifananyi chizahabu chamali kolomba?

Zefania 2:11

Yahova alakavatiihizi. Alakalombe avanyasaye vaavo vi kivala kuva kindu vuzwa, maku zihiiri ziosi zilakamusigamiri muvivala viavo.

Likunula 18:2

Kandi yahanzuka nu mwoyo gwi zinguru navoora, “Limali kugwa! Lidaala linene lia Babiloni limali kugwa ovomenyo vwa mademoni, kandi ugwiyi ovomenyo vwa amanyonyi madamanu na gukuvihiliriza goosi.